ഹമാസിനെ ഭീകര സംഘടനയായി പ്രഖ്യാപിക്കുമോ? സുധാകരന്റെ ചോദ്യത്തില് മറുപടി മുരളീധരന്റേത് തന്നെ
ഡല്ഹി: ഹമാസുമായി ബന്ധപ്പെട്ട് കെ സുധാകരന് എംപി പാർലമെന്റില് ഉന്നയിച്ച ചോദ്യത്തിന് നല്കിയ മറുപടിയുമായി ബന്ധപ്പെട്ട വിവാദത്തില് വിശദീകരണവുമായി കേന്ദ്ര വിദേശകാര്യ മന്ത്രാലയം. ഇന്ത്യ ഹമാസിനെ ഭീകരസംഘടനയായി പ്രഖ്യാപിക്കാന് ഉദ്ദേശിക്കുന്നുണ്ടോ എന്നായിരുന്നു കെ. സുധാകരന്റെ ചോദ്യം. ഇതിന് മറുപടി നല്കിയത് മീനാക്ഷി ലേഖിയാണെന്നായിരുന്നു സഭാ വെബ്സൈറ്റില് പറഞ്ഞിരുന്നത്. എന്നാല് താന് അങ്ങനെ ഒരു മറുപടി നല്കിയിട്ടില്ലെന്ന് വ്യക്തമാക്കി മീനാക്ഷി ലേഖി തന്നെ രംഗത്ത് വന്നതയോടെയാണ് ഇത് വലിയ ചർച്ചയാകുകയായിരുന്നു.
ഇതോടെയാണ് വിഷയത്തില് നിലപാട് വ്യക്തമാക്കി കേന്ദ്ര വിദേശകാര്യ മന്ത്രാലയം തന്നെ രംഗത്ത് വന്നത്. കെ സുധാകരന്റെ ചോദ്യത്തിന് മറുപടി നല്കിയത് വി മുരളീധരനാണെന്നും മീനാക്ഷി ലേഖി എന്ന് വന്നത് ഒരു സാങ്കേതിക തകരാറാണെന്നുമാണ് വിദേശകാര്യമന്ത്രാലയം വ്യക്തമാക്കിയത്.
"ഡിസംബർ 8-ന് ലോക്സഭയിലെ നക്ഷത്രചിഹ്നം ഇടാത്ത ചോദ്യ നമ്പർ 980-ന് മറുപടി നൽകിയ മന്ത്രിയായി വി മുരളീധരന്റെ പേര് രേഖപ്പെടുത്തുന്ന കാര്യത്തിൽ സാങ്കേതികമായ തിരുത്തൽ ആവശ്യമാണെന്ന് ഞങ്ങൾ ശ്രദ്ധിച്ചു. അത് ഇപ്പോള് ചെയ്തിരിക്കുന്നു," വിദേശകാര്യ മന്ത്രലായ വക്താവ് അരിന്ദം ബാഗ്ചി പറഞ്ഞു. മീനാക്ഷി ലേഖിയുടെ പ്രസ്താവനയ്ക്ക് പിന്നാലെ വിദേശകാര്യമന്ത്രാലയത്തോട് വിശദീകരണം ആവശ്യപ്പെട്ട് ഉദ്ദവ് താക്കറെ പക്ഷം ശിവസേന എംപി പ്രിയങ്ക ചതുര്വേദിയടക്കം രംഗത്ത് വന്നതിന് പിന്നാലെയാണ് വിദേശകാര്യ മന്ത്രാലയത്തിന്റെ വിശദീകരണം.
അതേസമയം, നിയമത്തിലെ വകുപ്പുകള് അനുസരിച്ച് ഇക്കാര്യത്തില് ഉചിതമായ തീരുമാനം എടുക്കുമെന്നായിരുന്നു കെ സുധാകരന്റെ ചോദ്യത്തിനുള്ള വി മുരളീധരന്റെ മറുപടി. ഹമാസിനെ ഇന്ത്യയില് ഭീകരസംഘടനയായി പ്രഖ്യാപിക്കാന് കേന്ദ്രസര്ക്കാരിന് എന്തെങ്കിലും നിര്ദേശമുണ്ടോയെന്നും ഇസ്രായേല് അത്തരത്തിലുള്ള എന്തെങ്കിലും ആവശ്യം ഉന്നയിച്ചിട്ടുണ്ടോ എന്നുമായിരുന്നു കെ സുധാകരന്റെ ചോദ്യം.
"ഒരു സംഘടനയെ തീവ്രവാദിയായി പ്രഖ്യാപിക്കുന്നത് നിയമവിരുദ്ധ പ്രവർത്തനങ്ങൾ (തടയൽ) നിയമത്തിന്റെ പരിധിയിൽ വരും, ഏതെങ്കിലും സംഘടനയെ തീവ്രവാദിയായി പ്രഖ്യാപിക്കുന്നത് ബന്ധപ്പെട്ട സർക്കാർ വകുപ്പുകൾ നിയമത്തിലെ വ്യവസ്ഥകൾ അനുസരിച്ച് പരിഗണിക്കും," എന്നായിരുന്നു വിദേശ കാര്യവകുപ്പ് സഹമന്ത്രിയുടെ പ്രതികരണം.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google