Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
പ്രിയങ്ക എക്‌സ് ഫാക്ടറാകുമോ? ഹിമാചലില്‍ കോണ്‍ഗ്രസ് മുന്നേറ്റം പ്രവചിച്ച് അഭിപ്രായ സര്‍വെ
ഷിംല: വരാനിരിക്കുന്ന ഹിമാചല്‍ പ്രദേശ് തെരഞ്ഞെടുപ്പില്‍ ബി ജെ പിയും കോണ്‍ഗ്രസും തമ്മില്‍ ഇഞ്ചോടിഞ്ച് പോരാട്ടം എന്ന് അഭിപ്രായ സര്‍വെ. എബിപി സീ വോട്ടര്‍ സര്‍വെയില്‍ സംസ്ഥാനത്ത് തൂക്കുമന്ത്രിസഭയ്ക്ക് വരെ സാധ്യതയുണ്ട് എന്നാണ് പറയപ്പെടുന്നത്. ആം ആദ്മി പാര്‍ട്ടി സംസ്ഥാനത്ത് സാന്നിധ്യമറിയിക്കും എന്നും സര്‍വെയില്‍ പറയുന്നു.
പ്രിയങ്ക ഗാന്ധി ഹിമാചല്‍ പ്രദേശ് കേന്ദ്രീകരിച്ച് പ്രവര്‍ത്തിച്ചത് ഗുണപരമായി എബിപി ന്യൂസ്-സിവോട്ടര്‍ സര്‍വേ സൂചിപ്പിക്കുന്നത്. ഏറ്റവും പുതിയ എബിപി ന്യൂസ്-സിവോട്ടര്‍ അഭിപ്രായ വോട്ടെടുപ്പ് പ്രകാരം കോണ്‍ഗ്രസിന്റെ വോട്ടര്‍ ഷെയര്‍ 2.5% വര്‍ധിച്ചിട്ടുണ്ട്.
ഇതോടെ ബി ജെ പിയുടെ തൊട്ടടുത്തുള്ള വോട്ട് ഷെയര്‍ കോണ്‍ഗ്രസിന് ലഭിക്കും എന്നാണ് പ്രവചനം. 44.8% വോട്ട് ഷെയറുമായി ബി ജെ പി ഒന്നാമതായിരിക്കും എങ്കിലും 44.2 ശതമാനം വോട്ട് നേടി കോണ്‍ഗ്രസ് തൊട്ടടുത്ത് എത്തും. ആം ആദമിക്ക് 3.3 ശതമാനം വോട്ട് ഷെയറും ലഭിക്കും.
68 അംഗ ഹിമാചല്‍ പ്രദേശ് നിയമസഭയില്‍ 35 സീറ്റുകളാണ് കേവല ഭൂരിപക്ഷത്തിന് വേണ്ടത്. വോട്ട് ഷെയര്‍ പ്രകാരം ബി ജെ പി 31 മുതല്‍ 39 വരെ സീറ്റുകളും കോണ്‍ഗ്രസിന് 29 മുതല്‍ 37 വരെ സീറ്റുകളുമാണ് പ്രവചിക്കുന്നത്.
ആം ആദ്മി പാര്‍ട്ടി 0 മുതല്‍ ഒരു സീറ്റ് വരേയും മറ്റുള്ളവര്‍ 0 മുതല്‍ 3 സീറ്റ് വരേയും നേടാം. ഒക്ടോബര്‍ 3 ന് പുറത്ത് വിട്ട എ ബി പി-സീ വോട്ടര്‍ അഭിപ്രായ സര്‍വെയില്‍ ബി ജെ പി ബഹുദൂരം മുന്നിലായിരുന്നു. ബി ജെ പി 37 - 45 നിയമസഭാ സീറ്റുകള്‍ നേടുമെന്നായിരുന്നു പ്രവചനം.
കോണ്‍ഗ്രസ് 21 മുതല്‍ 29 വരെ നിയമസഭാ സീറ്റുകള്‍ വരെ നേടുമെന്നും പ്രവചിക്കപ്പെട്ടിരുന്നു. പിന്നീട് ഒക്ടോബര്‍ 14 ന് പുറത്ത് വന്ന രണ്ടാമത്തെ അഭിപ്രായ സര്‍വേയില്‍ കോണ്‍ഗ്രസിന് 20 മുതല്‍ 28 വരെ നിയമസഭാ സീറ്റുകള്‍ ലഭിക്കും എന്നായിരുന്നു പ്രവചനം.
