'മാസ്ക് ധരിക്കില്ല, കാരണം ഞാന് പിന്തുടരുന്നത് പ്രധാനമന്ത്രി നരേന്ദ്ര മോദിയെയാണ്'; പരിഹാസവുമായി സഞ്ജയ് റൗട്ട്
മുംബൈ: പൊതുവേദിയില് മാസ്ക് ധരിക്കാത്ത പ്രധാനമന്ത്രി നരേന്ദ്ര മോദിയെ കുറ്റപ്പെടുത്തി ശിവസേന നേതാവ് സഞ്ജയ് റൗട്ട് രംഗത്ത്. പ്രധാനമന്ത്രിയെ പരിഹസിച്ച് കൊണ്ടാണ് സഞ്ജയ് റൗട്ടിന്റെ കുറ്റപ്പെടുത്തല്. ഞാന് മാസ്ക് ധരിക്കാത്തത് പ്രധാനമന്ത്രിയെ പിന്തുടരുന്നത് കൊണ്ടാണ് സഞ്ജയ് റൗട്ട് പറഞ്ഞു. നാസിക്കിലെ ഒരു പൊതുവേദിയില് മാസ്ക് ധരിക്കാതെ സഞ്ജയ് റൗട്ട് പ്രത്യക്ഷപ്പെട്ടിരുന്നു. ഈ വീഡിയോ വൈറലായതിന് പിന്നാലെ വാര്ത്തായ ഏജന്സിയായ എഎന്ഐയോടാണ് സഞ്ജയ് റൗട്ട് ഇക്കാര്യം വ്യക്തമാക്കിയത്.
എന്തുകൊണ്ടാണ് മാസ്ക് ധരിക്കാത്തതെന്ന് ചോദിച്ചപ്പോള്, മാസ്ക് ധരിക്കാന് നമ്മുടെ പ്രധാനമന്ത്രി ജനങ്ങളോട് അഭ്യര്ത്ഥിക്കുന്നു, പക്ഷേ അദ്ദേഹം തന്നെ അങ്ങനെ ചെയ്യുന്നില്ല. നമ്മളെല്ലാം പ്രധാനമന്ത്രിയെ പിന്തുടരുന്നതിനാല് ഞാനും മാസ്ക് ധരിക്കാറില്ലെന്ന് സഞ്ജയ് റൗട്ട് പറഞ്ഞു. അദ്ദേഹത്തിന്റെ വീഡിയോ ഇപ്പോള് സോഷ്യല് മീഡിയയില് വൈറലാണ്.
അതേസമയം, രാജ്യത്ത് ഏറ്റവും കൂടുതല് കൊവിഡ് കേസുകള് റിപ്പോര്ട്ട് ചെയ്യുന്ന സംസ്ഥാനമായി മഹാരാഷ്ട്ര മാറപകയാണ്. കൊവിഡിന്റെ ഏറ്റവും പുതിയ വകഭേദമായ ഒമൈക്രോണ് കേസുകളും മഹാരാഷ്ട്രയില് വര്ദ്ധിക്കുന്നുണ്ട്. ഏറ്റവും ഒടുവിലത്തെ കണക്ക് പ്രകാരം 290 പേര്ക്കാണ് ഇതുവരെ ഒമൈക്രോണ് ബാധിച്ചിരിക്കുന്നത്. കഴിഞ്ഞ ദിവസം റിപ്പോര്ട്ട് ചെയ്ത ഒമൈക്രോണ് മരണവും മഹാരാഷ്ട്രയിലാണ്. നൈജീരിയയില് നിന്നെത്തിയ 52കാരനാണ് ഒമൈക്രോണ് ബാധിച്ച് മരിച്ചത്. എന്നാല് 52കാരന്റെ മരണം കൊവിഡ് മൂലമല്ലെന്നും ഹൃദയാഘാത്തെ തുടര്ന്നാണ് അദ്ദേഹം മരിച്ചതെന്നാണ് സംസ്ഥാന ആരോഗ്യ വകുപ്പ് വൃത്തങ്ങള് നല്കുന്ന വിവരം.
അതേസമയം, കൊറോണ വൈറസ് രോഗത്തിന്റെ (കോവിഡ് -19) പ്രതിദിന കേസുകളില് 5,368 ആയി വന് കുതിച്ചുചാട്ടം റിപ്പോര്ട്ട് ചെയ്തതിനാല് മഹാരാഷ്ട്ര സര്ക്കാര് കൂടുതല് നിയന്ത്രണങ്ങള് ഏര്പ്പെടുത്തി. തലസ്ഥാന നഗരിയില് വ്യാഴാഴ്ച 3,671 പുതിയ അണുബാധകള് കണ്ടെത്തിയതിന് ശേഷം മുംബൈയില് കോവിഡ് -19 കേസുകളില് 46 ശതമാനം വര്ധനയുണ്ടായി. കൊറോണ വൈറസിന്റെ ഒമൈക്രോണ് വേരിയന്റിന്റെ 190 കേസുകളും മുംബൈയില് റിപ്പോര്ട്ട് ചെയ്തു. വ്യാഴാഴ്ച രാത്രി വൈകി ഒരു പുതുക്കിയ ഉത്തരവില്, മഹാരാഷ്ട്ര സര്ക്കാര് വിവാഹങ്ങള്, സാമൂഹിക, രാഷ്ട്രീയ, മതപരമായ പരിപാടികള്, ശവസംസ്കാര ചടങ്ങുകള് എന്നിവയില് പങ്കെടുക്കുന്നതിന് പുതിയ നിയന്ത്രണങ്ങള് പ്രഖ്യാപിച്ചു.
വിവാഹമോ മറ്റേതെങ്കിലും സാമൂഹികമോ രാഷ്ട്രീയമോ മതപരമോ ആയ പരിപാടികളുടെ കാര്യത്തില്, പങ്കെടുക്കുന്നവരുടെ പരമാവധി എണ്ണം 50 ആളുകളായി പരിമിതപ്പെടുത്തി. ശവസംസ്കാര ചടങ്ങുകളില് പങ്കെടുക്കുന്നവരുടെ പരമാവധി എണ്ണം 20 ആയി പരിമിതപ്പെടുത്തിയിരുന്നു. അതേസമയം, ഡിസംബര് 30 മുതല് ജനുവരി 7 വരെ നഗരത്തില് സെക്ഷന് 144 ഏര്പ്പെടുത്തിയിട്ടുണ്ട്. പുതിയ കോവിഡ് -19 നിയന്ത്രണങ്ങള് അനുസരിച്ച്, ഡിസംബര് 30 മുതല് ജനുവരി 7 വരെ പുതുവത്സര ആഘോഷങ്ങള്, റെസ്റ്റോറന്റുകള്, ഹോട്ടലുകള്, ബാറുകള്, പബ്ബുകള്, റിസോര്ട്ടുകള്, ക്ലബ്ബുകള് എന്നിവയുള്പ്പെടെ അടച്ചതോ തുറസ്സായതോ ആയ ഏതെങ്കിലും സ്ഥലങ്ങളിലെ പാര്ട്ടികള്ക്ക് നിരോധനം ഏര്പ്പെടുത്തിയിട്ടുണ്ട്.
-
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ
Click it and Unblock the Notifications
Sign in with Google