രണ്ട് പത്രങ്ങള്ക്ക് സര്ക്കാര് പരസ്യമില്ല: ശൂന്യമായ ആദ്യ പേജുമായി കശ്മീരിലെ പത്രങ്ങൾ, പ്രതിഷേധം!!
ശ്രീനഗര്: കശ്മീരിലെ പ്രധാന പത്രങ്ങളെല്ലാം ഞായറാഴ്ച പ്രസിദ്ധീകരിച്ചത് ശൂന്യമായ ആദ്യ പേജോടു കൂടിയാണ്. ശ്രീനഗറില് നിന്നും പ്രസിദ്ധീകരിക്കുന്ന രണ്ടു പത്രങ്ങള്ക്ക് സര്ക്കാര് പരസ്യങ്ങള് നല്കുന്നത് നിര്ത്തലാക്കിയതിനെതിരെയുള്ള പ്രതിഷേധക സൂചകമായാണ് ഇത്തരമൊരു നീക്കം. വ്യക്തമായ കാരണങ്ങള് അറിയിക്കാതെ ഗ്രേറ്റ് കാശ്മീര്, കശ്മീര് റീഡര് എന്നീ പത്രങ്ങള്ക്ക് പരസ്യം നല്കുന്നത് നിര്ത്തിയതിനാല് ശൂന്യമായ പേജുകള് പ്രസിദ്ധീകരിച്ചതെന്ന് പത്രങ്ങള് പറയുന്നു. ശൂന്യമായ ആദ്യപേജുകളുമായി പത്രം പുറത്തിറക്കാന് തീരുമാനിച്ച കാശ്മീര് എഡിറ്റേഴ്സ് ഗില്ഡ് (കെഇജി) ഇന്ന് വൈകുന്നേരം പ്രതിഷേധ മാര്ച്ച് നടത്താനും തീരുമാനിച്ചിട്ടുണ്ട്.
കശ്മീരിലെ ജനങ്ങള് ഏറ്റവും കൂടുതല് വായിക്കുന്ന ഇംഗ്ലീഷ് ദിനപത്രമായ ഗ്രേറ്റര് കശ്മീര്, മറ്റൊരു ഇംഗ്ലീഷ് ദിനപത്രമായ കാശ്മീര് റീഡര് എന്നിവയ്ക്ക് നല്കുന്ന പരസ്യമാണ് ജമ്മു കാശ്മീര് സര്ക്കാര് നിര്ത്തലാക്കിയത്. ഈ രണ്ടു പത്രങ്ങളും ശ്രീനഗറില് നിന്നാണ് പ്രസിദ്ധീകരിക്കുന്നത്. തങ്ങളുടെ പ്രസിദ്ധീകരണത്തിന് പരസ്യം നല്കുന്നത് നിര്ത്തിയതായി ജമ്മുകാശ്മീരിലെ ഇന്ഫര്മേഷന് ഡയറക്ടറേറ്റ് വാക്കാല് അറിയിക്കുകയല്ലാതെ ഉത്തരവൊന്നും ലഭിച്ചിട്ടില്ലെന്ന് പത്രങ്ങള് അറിയിച്ചു.
ഈ രണ്ട് പത്രങ്ങള്ക്കും പരസ്യം നല്കുന്നത് നിര്ത്തലാക്കാനുള്ള തീരുമാനത്തിന്റെ കാരണം വ്യക്തമാക്കണമെന്ന് കശ്മീര് എഡിറ്റേഴ്സ് ഗില്ഡ് സര്ക്കാരിനോട് ആവശ്യപ്പെട്ടിട്ടുണ്ട്. എന്നാല് സര്ക്കാര് ഇതുവരെ ഒരു മറുപടിയും നല്കിയിട്ടില്ല.
ലോകത്തിലെ ഏറ്റവും വലിയ ജനാധിപത്യ രാജ്യം ഒരു തെരഞ്ഞെടുപ്പ് അഭിമുഖീകരിക്കാനിരിക്കെ കാരണം വ്യക്തമാക്കാതെ കശ്മീരിലെ രണ്ട് പ്രധാനപ്പെട്ട പത്രങ്ങള്ക്കുള്ള പരസ്യം പിന്വലിച്ചത് പ്രതിഷേധാര്ഹമാണെന്ന് കശ്മീര് എഡിറ്റേഴ്സ് ഗില്ഡ് പുറത്തിറക്കിയ പ്രസ്താവനയില് പറയുന്നു. സ്വതന്ത്ര മാധ്യമപ്രവര്ത്തനത്തിന് ഭരണഘടന നല്കുന്ന ഉറപ്പ് ലംഘിക്കപ്പെട്ടിരിക്കുകയാണ് ഇപ്പോഴെന്നും പ്രതിഷേധ മാര്ച്ച് പ്രഖ്യാപിക്കുന്നതിനിടെ അവര് കൂട്ടിച്ചേര്ത്തു.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google