വായ്പ എഴുതി തള്ളുന്നത് ഫാഷനായി മാറി!! കർഷകരുടെ കടങ്ങൾക്ക് ശാശ്വത പരിഹാരം കാണണമെന്ന് വെങ്കയ്യ നായിഡു!
മുംബൈയിൽ മുനിസിപ്പാലിറ്റി ബോണ്ട് പരിപാടിയിൽ സംസാരിക്കുകയായിരുന്നു അദ്ദേഹം.
മുംബൈ: കാർഷിക വായ്പ എഴുതി തള്ളുന്നത് ഇപ്പോൾ ഫാഷനായി മാറിയിരിക്കുകയാണെന്നു കേന്ദ്രമന്ത്രി വെങ്കയ്യ നായിഡു. അടിയന്തര സാഹചര്യങ്ങളിൽ മാത്രമേ സംസ്ഥാനങ്ങൾ കാർഷിക കടങ്ങൾ എഴുതിത്തള്ളുന്ന നടപടി സ്വീകരിക്കാവൂയെന്നും മന്ത്രി പറഞ്ഞു. മുംബൈയിൽ മുനിസിപ്പാലിറ്റി ബോണ്ട് പരിപാടിയിൽ സംസാരിക്കുകയായിരുന്നു അദ്ദേഹം.
പുതിയ നിയമത്തില് മമ്മൂട്ടി നയന്താരയുടെ പേര് നിര്ദ്ദേശിക്കാന് കാരണം ഗ്ലാമര് മാത്രമല്ല!!
കർഷകരുടെ കടങ്ങൾ ഒഴിവാക്കി നൽകുകയല്ല വേണ്ടത് അതിനു ഒരു ശാശ്വത പരിഹാരം കാണുകയാണ് വേണ്ടതെന്നും വെങ്കയ്യ നായിഡു പറഞ്ഞു. കർഷകരെ സംരക്ഷിക്കുന്നതിനുള്ള സംവിധാനമാണ് വേണ്ടത്. കൂടാതെ അവരെ ദുരിതത്തിലേക്ക് നയിക്കാതെ ശ്രദ്ധിക്കുകയാണ് സംസ്ഥാനങ്ങൾ ചെയ്യേണ്ടതെന്നും വെങ്കയ്യനായിഡു പറഞ്ഞു. കൂടുതൽ സംസ്ഥാനങ്ങൾ കാർഷിക വായ്പകൾ എഴുതിത്തള്ളുന്ന സാഹചര്യത്തിലാണ് കേന്ദ്രമന്ത്രിയുടെ പരാമാർശം.
മഹാരാഷ്ട്ര, ഉത്തർപ്രദേശ്, പഞ്ചാബ്, കർണാടക എന്നീ സംസ്ഥാനങ്ങൾ കാർഷിക കടങ്ങൾ എഴുതിത്തള്ളാൻ തീരുമാനിച്ചിരുന്നു. എന്നാൽ വായ്പകൾ എഴുതിത്തളളുന്ന സംസ്ഥാനങ്ങൾ തന്നെ അതിനുള്ള പണം കണ്ടെത്തണമെന്ന് നേരത്തെ കേന്ദ്രധനമന്ത്രി അരുൺ ജെയ്റ്റ്ലി വ്യക്തമാക്കിയിരുന്നു.
Click it and Unblock the Notifications
Sign in with Google