പ്രധാനമന്ത്രിയുടെ വീഡിയോ കോണ്ഫറന്സ് ആരംഭിച്ചു; പിണറായി വിജയനും പങ്കെടുക്കുന്നു
ദില്ലി: വിവിധ സംസ്ഥാനങ്ങളിലെ മുഖ്യമന്ത്രിമാരുമായി പ്രധാനമന്ത്രി നരേന്ദ്ര മോദി നടത്തുന്ന വീഡിയോ കോണ്ഫറന്സ് ആരംഭിച്ചു. ലോക്ക് ഡൗണില് സ്വീകരിക്കേണ്ട തുടര് നടപടികള്, നാളെ മുതല് ആരംഭിക്കുന്ന ട്രെയിന് സര്വ്വീസ് തുടങ്ങിയ കാര്യങ്ങള് ഈ യോഗത്തില് ചര്ച്ചാ വിഷയമാവും. ലോക്ക് ഡൗണ് ഘട്ടം ഘട്ടമായി പിന്വലിക്കുന്നത് ഇപ്പോള് തന്നെ ആരംഭിക്കണമെന്നാണ് കേന്ദ്ര സര്ക്കാറിന്റെ നിലപാട്.
ഇതിന്റെ ഭാഗമായാണ് രാജ്യത്തെ 15 നഗരങ്ങളിലേക്ക് ട്രെയിന് സര്വീസ് ആരംഭിക്കാനുള്ള തീരുമാനം. എന്നാല് രോഗ വ്യാപനത്തിന്റെ അവസ്ഥ ഗുരുതരമാണെന്നും ലോക്ക് ഡൗണ് ഈ മാസം 31 വരെ നീട്ടണമെന്നും വിവിധ സംസ്ഥാനങ്ങള് കേന്ദ്ര സര്ക്കാറിനോട് ആവശ്യപ്പെട്ടിട്ടുണ്ട്. കേരളത്തെ പ്രതിനിധീകരിച്ച് മുഖ്യമന്ത്രി പിണറായി വിജയനും യോഗത്തില് പങ്കെടുക്കുന്നുണ്ട്. ഘട്ടം ഘട്ടമായി നിയന്ത്രണങ്ങള് പിന്വലിക്കണമെന്നാണ് കേരളത്തിന്റെ ആവശ്യം.
Click it and Unblock the Notifications
Sign in with Google