നൂറുവർഷത്തേക്കുള്ള മാസ്റ്റർ പ്ലാന്: ഇന്ത്യ-യുഎഇ-യൂറോപ്പ് കപ്പല്-ട്രെയിന് പാതയെക്കുറിച്ച് മോദി
ഡല്ഹി: ചന്ദ്രയാന് 3 ന്റെ വിജയത്തിനുശേഷം ജി-20യുടെ അതിശയകരമായ നടത്തിപ്പ് ഓരോ ഇന്ത്യക്കാരന്റെയും സന്തോഷം ഇരട്ടിയാക്കിയെന്ന് പ്രധാനമന്ത്രി നരേന്ദ്ര മോദി. ചന്ദ്രയാന് 3 ന്റെ ലാന്ഡര് ചന്ദ്രനില് ഇറങ്ങാന് ഒരുങ്ങുമ്പോള് കോടിക്കണക്കിന് ആളുകള് വിവിധ മാധ്യമങ്ങളിലൂടെ ഒരുമിച്ച് ഈ സംഭവത്തിന് അനുനിമിഷം സാക്ഷ്യം വഹിച്ചിരുന്നു. ഐ.എസ്.ആര്.ഒ.യുടെ യൂട്യൂബ് ചാനലില് 80 ലക്ഷത്തിലധികം ആളുകള് ഈ പരിപാടി തത്സമയം കണ്ടു. ചന്ദ്രയാന് 3മായി കോടിക്കണക്കിന് ഭാരതീയര് എത്ര ആഴത്തില് ബന്ധപ്പെട്ടിരിക്കുന്നു എന്ന് ഇത് വ്യക്തമാക്കുന്നുവെന്നും മോദി പറഞ്ഞു.
പ്രതിമാസ റേഡിയോ പരിപാടിയായ മന് കി ബാത്തിന്റെ 105-ാം എപ്പിസോഡില് സംസാരിക്കുകയായിരുന്നു പ്രധാനമന്ത്രി. ജി-20 ഉച്ചകോടിയില് ആഫ്രിക്കന് യൂണിയനെ പൂര്ണ അംഗമാക്കിക്കൊണ്ട് ഇന്ത്യ അതിന്റെ നേതൃത്വ പ്രഭാവം തെളിയിച്ചു. ഭാരതം വളരെ സമ്പന്നമായിരുന്ന സമയത്ത്, നമ്മുടെ രാജ്യത്തും ലോകത്തും സില്ക്ക് റൂട്ടിനെ കുറിച്ച് ധാരാളം ചര്ച്ചകള് നടന്നിരുന്നു എന്ന് നിങ്ങള്ക്ക് അറിയാമായിരിക്കും. ഈ സില്ക്ക് റൂട്ട് ഒരു വലിയ വ്യാപാരമാധ്യമം ആയിരുന്നു. ഇപ്പോള് ആധുനികകാലത്ത്, ജി-20യില് മറ്റൊരു സാമ്പത്തിക ഇടനാഴി ഭാരതം നിര്ദേശിച്ചിട്ടുണ്ട്. ഇന്ഡ്യ-മിഡില് ഈസ്റ്റ് യൂറോപ്പ് സാമ്പത്തിക ഇടനാഴിയാണിതെന്നും മോദി പറയുന്നു.
ഈ ഇടനാഴി അടുത്ത നൂറുകണക്കിന് വര്ഷത്തേക്ക് ലോക വ്യാപാരത്തിന്റെ അടിസ്ഥാനമായിരിക്കും, ഈ ഇടനാഴി ഭാരത മണ്ണില് ആരംഭിച്ചു എന്ന് ചരിത്രം എല്ലായിപ്പോഴും ഓര്ക്കും. ഈ പരിപാടിയുമായി ഭാരതത്തിന്റെ യുവജന ബന്ധപ്പെട്ട രീതിയെ കുറിച്ച് ഇന്ന് ഒരു പ്രത്യേക ചര്ച്ച നടത്തേണ്ടത് ആവശ്യമാണ്. ഈ വര്ഷം മുഴുവന് രാജ്യത്തെ പല സര്വ്വകലാശാലകളിലും ജി-20യുമായി ബന്ധപ്പെട്ട പരിപാടികള് നടന്നു. ഇപ്പോള് ഇതിന്റെ തുടര്ച്ചയായി മറ്റൊരു ആവേശകരമായ പരിപാടി ഡല്ഹിയില് നടക്കാന് പോകുകയാണെന്നും മോദി പറയുന്നു.
രണ്ടുദിവസത്തിനുശേഷം സെപ്റ്റംബര് 27 'ലോക ടൂറിസം ദിന'മാണ്. ചില ആളുകള് ടൂറിസത്തെ കറങ്ങിനടക്കല് മാത്രമായി കാണുന്നു. പക്ഷേ, ടൂറിസത്തിന്റെ വളരെ വലിയ ഭാഗം തൊഴിലുമായി ബന്ധപ്പെട്ടിരിക്കുന്നു. ഏറ്റവും കുറഞ്ഞ നിക്ഷേപത്തില് ഏതെങ്കിലും മേഖല ഏറ്റവും കൂടുതല് അവസരങ്ങള് സൃഷ്ടിക്കുന്നു എങ്കില് അത് ടൂറിസം മേഖലയാണെന്ന് പറയപ്പെടുന്നു. ടൂറിസം മേഖല വികസിപ്പിക്കാന് ഏതൊരു രാജ്യത്തോടുമുള്ള ഗുഡ് വിൽ അതിനോടുള്ള ആകര്ഷണം എന്നിവ വളരെ പ്രധാനമാണ്. കഴിഞ്ഞ കുറച്ച് വര്ഷങ്ങളായി, ഭാരതത്തോടുള്ള ആകര്ഷണം വളരെയധികം വര്ദ്ധിച്ചു. ജി-20 വിജയകരമായി സംഘടിപ്പിച്ചതിനുശേഷം, ഭാരതത്തോട് ലോക ജനതയുടെ താല്പര്യം കൂടുതല് വര്ദ്ധിച്ചു.
ജി-20 ഉച്ചകോടിയില് പങ്കെടുക്കാന് ഒരു ലക്ഷത്തിലധികം പ്രതിനിധികള് ഇന്ത്യയില് എത്തി. അവര് ഇവിടുത്തെ വൈവിധ്യങ്ങള്, വ്യത്യസ്ത പാരമ്പര്യങ്ങള്, വ്യത്യസ്തതരം ഭക്ഷണം, നമ്മുടെ പൈതൃകം എന്നിവ പരിചയപ്പെട്ടു. ഇവിടെയെത്തുന്ന പ്രതിനിധികള് നേടിയ അതിശയകരമായ അനുഭവങ്ങള് ടൂറിസത്തെ കൂടുതല് വികസിപ്പിക്കും. ഇന്ത്യയില് ഒന്നിനൊന്നു മെച്ചപ്പെട്ട ധാരാളം ലോക പൈതൃക സ്ഥലങ്ങള് ഉണ്ടെന്നും അവയുടെ എണ്ണം നിരന്തരം വര്ദ്ധിച്ചുകൊണ്ടിരിക്കുകയാണെന്നും നിങ്ങള്ക്കെല്ലാവര്ക്കും അറിയാമല്ലോ. കുറച്ചു ദിവസങ്ങള്ക്കു മുമ്പ് ശാന്തിനികേതനും കര്ണാടകയിലെ വിശുദ്ധ ഹൊയ്സാല ക്ഷേത്രങ്ങളും ലോക പൈതൃക സ്ഥലങ്ങളായി പ്രഖ്യാപിച്ചിരുന്നു. ഈ അത്ഭുതകരമായ നേട്ടത്തിന് ഞാന് എല്ലാ നാട്ടുകാരെയും അഭിനന്ദിക്കുന്നു.
യുനെസ്കോയുടെ ലോക പൈതൃക പട്ടികയില് ഉള്പ്പെടുത്തിയിട്ടുള്ള കര്ണാടകയിലെ ഹൊയ്സാല ക്ഷേത്രങ്ങള് പതിമൂന്നാം നൂറ്റാണ്ടിലെ മികച്ച വാസ്തുവിദ്യയ്ക്ക് പേരുകേട്ടവയാണ്. ഈ ക്ഷേത്രങ്ങള്ക്ക് യുനെസ്കോയില് നിന്ന് അംഗീകാരം ലഭിക്കുന്നത് ക്ഷേത്രനിര്മാണത്തിന്റെ ഭാരത പാരമ്പര്യത്തിനുള്ള ആദരവ് കൂടിയാണ്. ഭാരതത്തിലെ ലോക പൈതൃക സ്വത്തുക്കളുടെ എണ്ണം ഇപ്പോള് 42 ആയിരിക്കുന്നു. നമ്മുടെ ചരിത്രപരവും സാംസ്കാരികവുമായ സ്ഥലങ്ങളെ കൂടുതല് കൂടുതല് ലോക പൈതൃക കേന്ദ്രങ്ങളായി അംഗീകരിക്കാനുള്ള ഭാരതത്തിന്റെ പരിശ്രമമാണിത്.
നിങ്ങള് എവിടെയെങ്കിലും പോകാന് പദ്ധതിയിടുമ്പോഴെല്ലാം ഭാരതത്തിന്റെ വൈവിധ്യം കാണാന് ശ്രമിക്കണമെന്ന് ഞാന് നിങ്ങളോട് അഭ്യര്ത്ഥിക്കുന്നു. നിങ്ങള്ക്ക് വിവിധ സംസ്ഥാനങ്ങളുടെ സംസ്കാരം മനസ്സിലാകും, കൂടുതല് പൈതൃക സ്ഥലങ്ങള് കാണുക. ഇതിലൂടെ, നിങ്ങള് രാജ്യത്തിന്റെ മഹത്തായ ചരിത്രം പരിചയപ്പെടുക മാത്രമല്ല, പ്രാദേശിക ജനങ്ങളുടെ വരുമാനം വര്ദ്ധിപ്പിക്കുന്നതിനുള്ള ഒരു പ്രധാന മാധ്യമമായി മാറുകയും ചെയ്യുമെന്നും പ്രധാനമന്ത്രി കൂട്ടിച്ചേർത്തു.
-
യുഎഇയിൽ പ്രളയസമാനമായ മഴ; വരും മണിക്കൂറുകളിൽ അതീവ ജാഗ്രതാ നിർദ്ദേശം! -
ട്രംപിനെ വിളിച്ച് മോദി: സമാധാന ചര്ച്ചകള്ക്ക് പൂര്ണ പിന്തുണ; വിമര്ശനവുമായി കോണ്ഗ്രസ് -
ഗ്യാസ് കട്ടാകുമോ? പേടി വേണ്ട! എൽപിജി പ്രതിസന്ധിയിൽ കേന്ദ്രത്തിന്റെ നിർണ്ണായക ഇടപെടൽ -
'ഹോർമുസ് കടലിടുക്ക് തുറക്കേണ്ടത് ലോകത്തിൻ്റെ ആവശ്യം';ഫോണിൽ സംസാരിച്ച് മോദിയും ട്രംപും -
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ
Click it and Unblock the Notifications
Sign in with Google