7500 രൂപയില് താഴെ മെയിന്റനന്സ് ചാര്ജുള്ള അപ്പാര്ട്ടുമെന്റുകള്ക്ക് ജിഎസ്ടി വേണ്ട: ധനമന്ത്രി
ന്യൂഡല്ഹി: 7500 രൂപയില് താഴെ മെയിന്റനന്സ് ചാര്ജുള്ള ചെറിയ അപ്പാര്ട്ടുമെന്റുകളിലെ താമസക്കാരില് നിന്ന് ജി എസ് ടി ഈടാക്കില്ലെന്ന് കേന്ദ്ര ധനമന്ത്രി നിര്മല സീതാരാമന്. ഇവര്ക്ക് ജി എസ് ടി പാലിക്കല് ആവശ്യകതകളില്ലെന്നും ഈ ചാര്ജുകള്ക്ക് ജി എസ് ടി നല്കേണ്ടതില്ലെന്നും ധനമന്ത്രി വ്യക്തമാക്കി. മാണിക്കം ടാഗോര് ബി, സുരേഷ് കുമാര് ഷെട്കര് എന്നിവര് ലോക്സഭയില് ഉന്നയിച്ച ചോദ്യത്തിന് മറുപടിയായാണ് മന്ത്രിയുടെ വിശദീകരണം.
ജി എസ് ടി അടയ്ക്കേണ്ടതുണ്ടെങ്കിലും അത് വ്യക്തിഗത താമസക്കാര്ക്കല്ല, സേവന ദാതാക്കള് എന്ന നിലയില് അപ്പാര്ട്ട്മെന്റ് അസോസിയേഷനുകള്ക്കാണ് ചുമത്തേണ്ടതെന്നും മന്ത്രി വ്യക്തമാക്കി. ഒരു അപ്പാര്ട്ട്മെന്റ് അസോസിയേഷന് അതിന്റെ അംഗങ്ങള്ക്ക് പ്രതിമാസം 7,500 രൂപ വരെ മെയിന്റനന്സ് ചാര്ജുകള് ഈടാക്കി നല്കുന്ന സേവനങ്ങള് ജി എസ് ടിയില് നിന്ന് ഒഴിവാക്കിയിട്ടുണ്ട്.
ജി എസ് ടി കൗണ്സിലിന്റെ ശുപാര്ശകളുടെ അടിസ്ഥാനത്തില് ഈ പരിധി 5,000 രൂപയില് നിന്ന് വര്ധിപ്പിക്കുകയായിരുന്നു. ഒരു സാമ്പത്തിക വര്ഷത്തില് അപ്പാര്ട്ട്മെന്റ് അസോസിയേഷനുകളുടെ മൊത്തം വിറ്റുവരവ് 20 ലക്ഷം രൂപയില് കൂടുതലാണെങ്കില് മാത്രമേ ജി എസ് ടിയില് രജിസ്റ്റര് ചെയ്യേണ്ടതുള്ളൂ. ഒരു അംഗത്തിന് പ്രതിമാസം 7,500 രൂപയില് കൂടുതല് അറ്റകുറ്റപ്പണികള് ഈടാക്കുന്നുണ്ടെങ്കില് മാത്രമേ അവര് ജി എസ് ടി അടയ്ക്കേണ്ടതുള്ളൂ.
കേന്ദ്ര, സംസ്ഥാന/യുടി പ്രതിനിധികള് ഉള്പ്പെടുന്ന ഒരു ഭരണഘടനാ സ്ഥാപനമായ ജി എസ് ടി കൗണ്സില് ആണ് ജി എസ് ടി നിരക്കുകളും ഇളവുകളും നിര്ദ്ദേശിക്കുന്നത് എന്നും മന്ത്രി പറഞ്ഞു. ആശങ്കകള് പരിഹരിക്കുന്നതിനും വ്യക്തത നല്കുന്നതിനുമായി, ജി എസ് ടിക്ക് കീഴിലുള്ള അപ്പാര്ട്ട്മെന്റ് മെയിന്റനന്സ് ചാര്ജുകളുടെ എല്ലാ പ്രസക്തമായ വശങ്ങളും വ്യക്തമാക്കുന്ന ഒരു സര്ക്കുലര് 2019 ജൂലൈ 22 ന് സെന്ട്രല് ബോര്ഡ് ഓഫ് എക്സൈസ് ആന്ഡ് കസ്റ്റംസ് പുറത്തിറക്കിയിരുന്നു.
സി ജി എസ് ടി നിയമപ്രകാരം താമസക്കാര്ക്കോ അപ്പാര്ട്ട്മെന്റ് അസോസിയേഷനുകള്ക്കോ അവരുടെ അപ്പാര്ട്ട്മെന്റിന്റെ ജി എസ് ടി സ്റ്റാറ്റസ് സ്ഥിരീകരിക്കുന്ന ഒരു ഔദ്യോഗിക കത്ത് ലഭിക്കേണ്ട ആവശ്യമില്ലെന്നും മന്ത്രി പറഞ്ഞു. നികുതി അടയ്ക്കുന്നതില് വീഴ്ച വന്നാല് ഒരു നിശ്ചിത കാലയളവിനുള്ളില് നികുതി അടച്ചാല് നികുതിദായകര്ക്ക് പിഴയില്ലാതെയോ കുറഞ്ഞ പിഴയോടെയോ അടയ്ക്കാനുള്ള ഓപ്ഷനുകളുണ്ട് എന്നും മന്ത്രി ചൂണ്ടിക്കാട്ടി.
Click it and Unblock the Notifications
Sign in with Google