കോണ്ഗ്രസ് എന്നാല് ഒരു കുടുംബയോഗം മാത്രം, ഇനി ഇന്ത്യന് രാഷ്ട്രീയത്തില് സ്ഥാനമില്ലെന്ന് ജെപി നദ്ദ
ന്യൂദല്ഹി: കോണ്ഗ്രസിനെതിരെ ആഞ്ഞടിച്ച് ബി ജെ പി ദേശീയ അധ്യക്ഷന് ജെ പി നദ്ദ. പ്രാദേശികവും ദേശീയവുമായ ലക്ഷ്യങ്ങള് അനുരഞ്ജിപ്പിക്കുന്നതില് പരാജയപ്പെട്ടതിനാല് കോണ്ഗ്രസിന് ഇന്ത്യന് രാഷ്ട്രീയത്തില് സ്ഥാനം നഷ്ടപ്പെടുകയാണ് എന്ന് ജെ പി നദ്ദ പറഞ്ഞു.
എന്തുകൊണ്ടാണ് രാജ്യത്തെ ഏറ്റവും പഴയ രാഷ്ട്രീയ പാര്ട്ടിയായ കോണ്ഗ്രസ് ചുരുങ്ങുന്നത്? എന്തുകൊണ്ടാണ് അത് ദുര്ബലമാകുന്നത്? പ്രാദേശികവും ദേശീയവുമായ അഭിലാഷങ്ങള് തമ്മിലുള്ള സംയോജനത്തിന്റെ അഭാവം കാരണമാണ് ഇതെല്ലാം സംഭവിക്കുന്നത്, ജെ പി നദ്ദ പറഞ്ഞു.
40 വര്ഷത്തിലേറെയായി പാര്ട്ടിയുമായി ബന്ധം പുലര്ത്തുന്ന ആളുകള് ഇത് ഒരു കുടുംബ പാര്ട്ടിയാണെന്ന് തിരിച്ചറിഞ്ഞതിനാലാണ് കോണ്ഗ്രസ് വിടുന്നതെന്ന് ബി ജെ പി അധ്യക്ഷന് പറഞ്ഞു. ഗുലാം നബി ആസാദിന്റെ രാജിക്ക് പിന്നാലെയായിരുന്നു അദ്ദേഹത്തിന്റെ പ്രതികരണം. 40 വര്ഷത്തിലേറെയായി കോണ്ഗ്രസ് പാര്ട്ടിയില് അംഗത്വമുള്ളവര് പാര്ട്ടി വിടുകയാണ്.
കോണ്ഗ്രസ് പാര്ട്ടി ഇപ്പോള് ഒരു കുടുംബയോഗം മാത്രമാണെന്നും ദേശീയ തലത്തിലും സംസ്ഥാന തലത്തിലും പാര്ട്ടി ഇല്ലെന്ന് ഇക്കൂട്ടര് തിരിച്ചറിഞ്ഞിട്ടുണ്ടെന്നും ജെ പി നദ്ദ പറഞ്ഞു. ഗുവാഹത്തിയിലെ ഐടിഎ സെന്ററില് പാര്ട്ടി പ്രവര്ത്തകരെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. അസം മുഖ്യമന്ത്രി ഹേമന്ത് ബിശ്വ ശര്മ്മ സര്ക്കാര് രൂപീകരിച്ചതിന് ശേഷം നടന്ന എല്ലാ തെരഞ്ഞെടുപ്പുകളിലും ബി ജെ പി വിജയിച്ച് റെക്കോര്ഡ് സൃഷ്ടിചച്ചതായും നദ്ദ പറഞ്ഞു.
ഐവ.. നീറ്റ് ആന്റ് സ്വീറ്റ്... വീണ്ടും ഞെട്ടിച്ച് അദിതി രവി, വൈറല് ചിത്രങ്ങള്
സര്ക്കാര് രൂപീകരിച്ചതിന് ശേഷം അസമിലെ എല്ലാ തെരഞ്ഞെടുപ്പുകളിലും വിജയിച്ചതിന്റെ റെക്കോര്ഡ് തകര്ത്തതിന് അസാമിലെ പാര്ട്ടി അംഗങ്ങളെയും മുഖ്യമന്ത്രി ഹേമന്ത് ബിശ്വ ശര്മ്മയെയും ഞാന് അഭിനന്ദിക്കുന്നു,' അദ്ദേഹം പറഞ്ഞു. അസമില് അഞ്ച് ബി ജെ പി ഓഫീസുകള് സ്ഥാപിച്ചു. ബാക്കിയുള്ള 18 ഓഫീസുകളുടെ നിര്മ്മാണം പൂര്ണ്ണമായി പുരോഗമിക്കുകയാണ്.
അസമിലെ എല്ലാ ജില്ലകളിലും ബി ജെ പി ഓഫീസ് ഉണ്ടായിരിക്കുമെന്നും അദ്ദേഹം പറഞ്ഞു. ബി ജെ പി ക്രമാനുഗതമായ പുരോഗതി കൈവരിക്കുന്നു. വടക്ക് കിഴക്കന് സംസ്ഥാനങ്ങളിലോ അസമിലോ സര്ക്കാര് രൂപീകരിക്കുമെന്ന് ഞങ്ങള് ഒരിക്കലും കരുതിയിരുന്നില്ല, ഞങ്ങള് സര്ക്കാര് രൂപീകരിക്കുക മാത്രമല്ല വികസനത്തിന് മുന്ഗണന നല്കുകയും ചെയ്യുന്നു.
അതില് ഞങ്ങള്ക്ക് സന്തോഷമുണ്ട്, ജെ പി നദ്ദ പറഞ്ഞു. പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള എന് ഡി എ സര്ക്കാരിന് കീഴില് വടക്ക് കിഴക്കന് മേഖലയിലെ അടിസ്ഥാന സൗകര്യങ്ങള്ക്ക് കാര്യമായ ഉത്തേജനം ലഭിച്ചിട്ടുണ്ട് എന്നും അദ്ദേഹം പറഞ്ഞു. മുന് സര്ക്കാരുകളില് നിന്ന് വ്യത്യസ്തമായി അദ്ദേഹം തന്റെ ഭരണകാലത്ത് വടക്ക് -കിഴക്കന് മേഖല ഒന്നിലധികം തവണ സന്ദര്ശിച്ചു എന്നും അദ്ദേഹം പറഞ്ഞു.
Click it and Unblock the Notifications
Sign in with Google