Click it and Unblock the Notifications
Just In
Don't Miss
-
എനിക്കും റസ്മിനും രണ്ട് ക്ലാരിറ്റിയോ? ജാസ്മിന് ഗബ്രിയോട്; 'ഇത് ഒറ്റ ദിവസം കൊണ്ട് തീര്ക്കാവുന്നതേ ഉള്ളു' -
ആയുസ്സിനും ആരോഗ്യത്തിനും ചെറുധാന്യങ്ങള് ശീലമാക്കാം -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
എന്‍ഡിടിവി ഡയറക്ടര്‍ ബോര്‍ഡില്‍ നിന്ന് രാജിവെച്ച് പ്രണോയ് റോയിയും രാധികയും; നിയന്ത്രണമേറ്റെടുക്കാന്‍ അദാനി
ന്യൂദല്‍ഹി: എന്‍ ഡി ടി വി സ്ഥാപകരും പ്രൊമോട്ടര്‍മാരുമായ പ്രണോയ് റോയിയും ഭാര്യ രാധിക റോയിയും ചാനലിന്റെ പ്രൊമോട്ടര്‍ ഗ്രൂപ്പായ ആര്‍ആര്‍പിആര്‍ ഹോള്‍ഡിംഗ് പ്രൈവറ്റ് ലിമിറ്റഡില്‍ നിന്ന് രാജിവെച്ചു. ആര്‍ ആര്‍ പി ആര്‍ എച്ച് ഡയറക്ടര്‍ സ്ഥാനത്ത് നിന്നും ഇരുവരും രാജി വെച്ചതായി കമ്പനി ചൊവ്വാഴ്ച നടത്തിയ റെഗുലേറ്ററി ഫയലിംഗില്‍ അറിയിച്ചു.
എന്‍ ഡി ടി വിയില്‍ 29.18 ശതമാനം ഓഹരിയാണ് ആര്‍ ആര്‍ പി എല്‍ ഹോള്‍ഡിംഗിന് ഉള്ളത്. ഈ ഓഹരി അദാനി ഗ്രൂപ്പ് ഏറ്റെടുത്തതോടെയാണ് ആര്‍ ആര്‍ പി എല്‍ എച്ച് ഡയറക്ടര്‍ സ്ഥാനത്ത് നിന്ന് പ്രണോയ് റോയിയും രാധിക റോയിയും പടിയിറങ്ങിയത്.
ഇവര്‍ക്ക് പകരം സഞ്ജയ് പുഗാലിയ, സുദീപ്ത ഭട്ടാചാര്യ, സെന്തില്‍ സിന്നയ്യ ചെങ്കല്‍വരയന്‍ എന്നിവരെ ഡയറക്ടര്‍മാരായി നിയമിക്കാന്‍ ആര്‍ ആര്‍ പി ആര്‍ ഹോള്‍ഡിംഗിന്റെ ബോര്‍ഡ് അനുമതി നല്‍കിയതായി എന്‍ ഡി ടി വിയുടെ എക്സ്ചേഞ്ച് ഫയലിംഗില്‍ അറിയിച്ചു.
അതേസമയം ബി എസ് ഇ വെബ്സൈറ്റ് പ്രകാരം പ്രണോയ് റോയി ഇപ്പോഴും എന്‍ ഡി ടി വിയുടെ ചെയര്‍പേഴ്സണും രാധിക റോയ് എക്സിക്യൂട്ടീവ് ഡയറക്ടറുമാണ് എന്നാണ് കാണിക്കുന്നത്. അതേസമയം അദാനി ഗ്രൂപ്പ് എന്‍ ഡി ടി വിയുടെ മറ്റ് ഓഹരി ഉടമകളില്‍ നിന്നും 26 ശതമാനം ഓഹരി കൂടി വാങ്ങാനുള്ള ഓപ്പണ്‍ ഓഫറുമായി രംഗത്തെത്തിയിട്ടുണ്ട്.
ഈ ആഗസ്റ്റിലാണ് അദാനി ഗ്രൂപ്പിന് ആര്‍ ആര്‍ പി എല്ലിന്റെ പൂര്‍ണ നിയന്ത്രണം ലഭിക്കുന്നത്. ഓപ്പണ്‍ ഓഫറായി വെച്ച 26 ശതമാനം ഓഹരി കൂടി അദാനി ഗ്രൂപ്പിന് ലഭിച്ചാല്‍ മൊത്തം ഓഹരി 55.18 ശതമാനമാകും. അങ്ങനെ വന്നാല്‍ അദാനി ഗ്രൂപ്പ് എന്‍ ഡി ടി വിയുടെ മാനേജ്‌മെന്റ് നിയന്ത്രണം പൂര്‍ണമായി ഏറ്റെടുക്കുന്നതിലേക്ക് ഇത് നയിക്കും.
എന്‍ ഡി ടി വിയില്‍ പ്രണോയ് റോയിക്കും രാധികയ്ക്കും ഇതിന് പുറമേ 32.26 ശതമാനം ഓഹരിയാണ് ഉള്ളത്. എന്‍ ഡി ടി വിയുടെ 26 ശതമാനം അധിക ഓഹരികള്‍ക്കായി ഡിസംബര്‍ 5 വരെയാണ് ഓപ്പണ്‍ ഓഫര്‍ അദാനി ഗ്രൂപ്പ് നടത്തുന്നത്. അദാനിയുടെ ഓപ്പണ്‍ ഓഫര്‍ വില ഒരു ഷെയറിന് 294 രൂപ ആണ്. ചൊവ്വാഴ്ച വ്യാപാരം അവസാനിക്കുമ്പോള്‍ എന്‍ ഡി ടി വി സ്റ്റോക്ക് 425.05 രൂപ എന്ന നിലയിലായിരുന്നു.
