ട്രാക്ടര് റാലി ബിജെപി സര്ക്കാര് തടഞ്ഞു; 5000 മണിക്കൂറായാലും ഇവിടെ ഇരിക്കുമെന്ന് രാഹുല് ഗാന്ധി
ദില്ലി: പുതിയ കാര്ഷിക പരിഷ്കരണ നിയമത്തിനെതിരെ കോണ്ഗ്രസ് നേതാവ് രാഹുല് ഗാന്ധി നയിക്കുന്ന ട്രാക്ടര് റാലി ഹരിയാന അതിര്ത്തിയില് പോലീസ് തടഞ്ഞു. ബിജെപി സര്ക്കാരിന്റെ പ്രത്യേക നിര്ദേശ പ്രകാരമാണ് പോലീസ് നടപടി. പഞ്ചാബില് നിന്ന് തുടങ്ങിയ റാലി ഇന്ന് ഉച്ചയ്ക്ക് ശേഷം ഹരിയാനയില് പ്രവേശിക്കേണ്ടതായിരുന്നു. പഞ്ചാബ് കടന്ന് ഹരിനായിലേക്ക് പ്രവേശിക്കാനിരിക്കെയാണ് ഹരിയാന പോലീസ് തടഞ്ഞത്. ഒരിക്കലും പിന്നോട്ട് പോകില്ലെന്ന് രാഹുല് ഗാന്ധി പറഞ്ഞു. 5000 മണിക്കൂര് കാത്തിരിക്കേണ്ടി വന്നാലും തയ്യാറാണെന്നും അദ്ദേഹം പറഞ്ഞു. പിന്നീട് അല്പ്പനേരത്തിന് ശേഷം രാഹുല് ഗാന്ധിക്ക് ഹരിയാനയിലേക്ക് പ്രവേശിക്കാമെന്ന് പോലീസ് അറിയിച്ചു. കര്ഷകര്ക്ക് നേരെ പോലീസ് ലാത്തിവീശുകയും ചെയ്തു.
Recommended Video
അതിര്ത്തി തുറക്കുന്നത് വരെ കാത്തിരിക്കും. എപ്പോഴാണ് തുറക്കുന്നത്, അപ്പോള് സമാധാനത്തോടെ തന്റെ ദൗത്യം തുടരുമെന്നും രാഹുല് ഗാന്ധി നിലപാട് വ്യക്തമാക്കിയതോടെയാണ് ഹരിയാന സര്ക്കാര് ഇടപെട്ടത്. തുടര്ന്ന് പോലീസ് ഇളവ് നല്കി. കഴിഞ്ഞ ദിവസം ഹത്രാസിലേക്കുള്ള യാത്രയ്ക്കിടെ ഉത്തര് പ്രദേശ് സര്ക്കാരും സമാനമായ രീതിയില് രാഹുല് ഗാന്ധിയെ തടഞ്ഞിരുന്നു. ഇത് വന് വിവാദത്തിന് തിരികൊളുത്തുകയും ചെയ്തു. രണ്ടാംതവണ എത്തിയപ്പോഴാണ് ഹത്രാസിലേക്ക് രാഹുല് ഗാന്ധിയെ പ്രവേശിപ്പിച്ചത്.
രാഹുല് ഗാന്ധിയുടെ യാത്ര തടയാന് അതിര്ത്തിയില് പോലീസ് ബാരിക്കേഡുകള് വച്ചിരുന്നു. ഇതിനോട് ചേര്ന്ന് കോണ്ഗ്രസ് പ്രവര്ത്തകര് തമ്പടിച്ചു. ഇവര് ബാരിക്കേഡ് ഇളക്കാന് തുടങ്ങി. പ്രതിഷേധം ശക്തമായതോടെയാണ് പോലീസ് നേരിയ തോതില് ലാത്തി വീശിയത്. പിന്നീട് സര്ക്കാര് നിലപാട് മാറ്റി. 100 പേര്ക്ക് പ്രവേശനത്തിന് അനുമതി നല്കി. മൂന്ന് ട്രാക്ടറുകള് പ്രവേശിച്ചു. രാഹുല് ഗാന്ധിയാണ് ഒരു ട്രാക്ടര് ഓടിച്ചിരുന്നത്. രാഹുലിനൊപ്പം യാത്ര ചെയ്തിരുന്ന പഞ്ചാബിലെ കോണ്ഗ്രസ് നേതാക്കള് മടങ്ങുകയും ചെയ്തു. കൊറോണ കാരണം കൂട്ടത്തോടെ എത്താന് അനുവദിക്കില്ലെന്നും അഞ്ചു പേര്ക്ക് മാത്രം പ്രവേശനം നല്കാമെന്നുമാണ് നേരത്തെ ഹരിയാന പോലീസ് പറഞ്ഞിരുന്നത്.
കഴിഞ്ഞ മാസമാണ് കാര്ഷിക പരിഷ്കരണ ബില്ല് പാര്ലമെന്റ് പാസാക്കിയത്. അതിന് ശേഷം പല സംസ്ഥാനങ്ങളിലും പ്രതിഷേധം ശക്തമാണ്. കര്ഷകരും പ്രതിപക്ഷ സംഘടനകളുമാണ് സമരത്തിന് മുന്നിലുള്ളത്. തുടര്ന്നാണ് രാഹുല് ഗാന്ധി ട്രാക്ടര് സമരം പ്രഖ്യാപിച്ചത്. മൂന്ന് ദിവസമായിരുന്നു സമരം. പഞ്ചാബില് തുടങ്ങി ഹരിനായയിലേക്കായിരുന്നു മാര്ച്ച്. ഇതിനിടെയാണ് ഇന്ന് ഉച്ചയ്ക്ക് ശേഷം തടഞ്ഞതും പിന്നീട് പ്രവേശന അനുമതി നല്കിയതും.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google