സിഐഎസ്എഫ് ഉദ്യോഗസ്ഥനെ പരസ്യമായി തല്ലി സ്പൈസ് ജെറ്റ് ജീവനക്കാരി: പക്ഷെ കമ്പനി ഒപ്പം നില്ക്കും
ഡൽഹി: ജയ്പൂർ വിമാനത്താവളത്തില് അസിസ്റ്റൻ്റ് സബ് ഇൻസ്പെക്ടറെ മർദ്ദിച്ച് സ്പൈസ് ജെറ്റ് ജീവനക്കാരി. സുരക്ഷാ പരിശോധനയെ ചൊല്ലിയുണ്ടായ തർക്കത്തെ തുടർന്നായിരുന്നു മർദ്ദനം. വിമാനത്താവളത്തിലെ സി സി ടിവി ക്യാമറയില് പതിഞ്ഞ മർദ്ദനത്തിന്റെ ദൃശ്യങ്ങള് പുറത്ത് വന്നതോടെ സംഭവം വന് വിവാദമായി. പുലർച്ചെ 4 മണിയോടെ മറ്റ് സ്റ്റാഫ് അംഗങ്ങൾക്കൊപ്പം വിമാനത്താവളത്തിലേക്ക് പ്രവേശിക്കുമ്പോൾ അനുരാധ റാണിയെന്ന് സ്പൈസ് ജെറ്റ് ജീവനക്കാരി അസിസ്റ്റൻ്റ് സബ് ഇൻസ്പെക്ടർ ഗിരിരാജ് പ്രസാദ് തടഞ്ഞതാണ് തർക്കത്തിലേക്ക് നയിച്ചത്.
അനുമതിയില്ലത്തെ ഗേറ്റിലൂടെ വിമാനത്താവളത്തിനുള്ളിലേക്ക് പ്രവേശിക്കാന് ശ്രമിച്ചത് ഗിരിരാജ് പ്രസാദ് തടയുകയായിരുന്നു. തുടർന്ന് അടുത്തുള്ള പ്രവേശന കവാടത്തിൽ വച്ച് എയർലൈൻ ക്രൂവിനുള്ള സ്ക്രീനിംഗ് നടത്താൻ അനുരാധയോട് ആവശ്യപ്പെട്ടെങ്കിലും ആ സമയത്ത് വനിതാ ഉദ്യോഗസ്ഥർ അവിടെ ഉണ്ടായിരുന്നില്ലെന്നുമാണ് സി ഐ എസ് എഫ് ഉദ്യോഗസ്ഥരെക്കുറിച്ച് എന്ഡിടിവി റിപ്പോർട്ട് ചെയ്യുന്നത്.
സുരക്ഷാ പരിശോധന പൂർത്തിയാക്കാൻ അസിസ്റ്റൻ്റ് സബ് ഇൻസ്പെക്ടർ ഒരു വനിതാ സഹപ്രവർത്തകയെ വിളിച്ചുവെങ്കിലും അപ്പോഴേക്കും തർക്കം രൂക്ഷമായിരുന്നു. ഈ തർക്കമാണ് വനിതാ ജീവനക്കാരി അസിസ്റ്റൻ്റ് സബ് ഇൻസ്പെക്ടറെ തല്ലുന്നതിൽ അവസാനിച്ചതെന്നാണ് ജയ്പൂർ എയർപോർട്ട് സ്റ്റേഷൻ ഹൗസ് ഓഫീസർ രാം ലാൽ വ്യക്തമാക്കുന്നത്.
അതേസമയം സംഭവത്തില് പ്രതികരിച്ചുകൊണ്ട് സ്പൈസ് ജെറ്റും രംഗത്ത് വന്നിട്ടുണ്ട്. "ഇന്ന്, സ്പൈസ് ജെറ്റ് വനിതാ സുരക്ഷാ ജീവനക്കാരും ഒരു പുരുഷ സിഐഎസ്എഫ് ഉദ്യോഗസ്ഥരും ഉൾപ്പെട്ട ഒരു ദൗർഭാഗ്യകരമായ സംഭവം ജയ്പൂർ വിമാനത്താവളത്തിൽ സംഭവിച്ചു. സ്റ്റീൽ ഗേറ്റിൽ ഒരു കാറ്ററിംഗ് വാഹനത്തിന് അകമ്പടി സേവിക്കുമ്പോൾ, ഇന്ത്യയുടെ സിവിൽ ഏവിയേഷൻ സെക്യൂരിറ്റി റെഗുലേറ്ററായ ബ്യൂറോ ഓഫ് സിവിൽ ഏവിയേഷൻ സെക്യൂരിറ്റി (ബിസിഎഎസ്) നൽകിയ സാധുവായ എയർപോർട്ട് എൻട്രി പാസ് ഉള്ള ഞങ്ങളുടെ വനിതാ സുരക്ഷാ ജീവനക്കാരിയെ തടഞ്ഞ് വെക്കുകയും അനുചിതവും അസ്വീകാര്യവുമായ ഭാഷ പ്രയോഗിക്കുകയും ചെയ്തു. ഡ്യൂട്ടി സമയം കഴിഞ്ഞ് തന്റെ വീട്ടിലെത്തി കാണാൻ അവളോട് ആവശ്യപ്പെടുകയും ചെയ്തു," സ്പൈസ് ജെറ്റ് വക്താവ് പറഞ്ഞു.
"സ്പൈസ് ജെറ്റ് അതിൻ്റെ വനിതാ ജീവനക്കാരിക്കെതിരായ ലൈംഗിക പീഡനത്തിൻ്റെ ഗുരുതരമായ കേസിൽ ഉടനടി നിയമനടപടി സ്വീകരിക്കുകയും ലോക്കൽ പോലീസിനെ സമീപിക്കുകയും ചെയ്തു. ഞങ്ങൾ ഞങ്ങളുടെ ജീവനക്കാരിക്കൊപ്പം ഉറച്ചുനിൽക്കുകയും അവർക്ക് പൂർണ്ണ പിന്തുണ നൽകാൻ പ്രതിജ്ഞാബദ്ധരുമാണ്," വക്താവ് കൂട്ടിച്ചേർത്തു. അതേസമയം ഉദ്യോഗസ്ഥനെ മർദ്ദിച്ചതിന് ഭാരത് ന്യായ സന്ഹിതയിലെ (ബിഎൻഎസ്) സെക്ഷൻ 121 (1), 132 എന്നീ വകുപ്പുകൾ പ്രകാരം പോലീസ് വനിതാ ജീവനക്കാരിക്കെതിരേയും കേസെടുത്തു.
-
സ്വർണ വില പവന് 23,000 രൂപ വരെ ഇടിയും;അക്ഷയ തൃതീയക്ക് സ്വർണം വാങ്ങിക്കൂട്ടാം? പിന്നെ വിറ്റ് കാശാക്കാം -
സ്വര്ണവില കുറഞ്ഞു; 74000 രൂപയ്ക്ക് എട്ട് ഗ്രാം വാങ്ങാം, ആഭരണത്തിന് ഈ സ്വര്ണം മതി, പവന് വില -
സ്വർണം ഏറ്റവും വില കുറവിൽ വാങ്ങാൻ ആകുന്നത് ഇപ്പോൾ; 2 മാസം കഴിഞ്ഞാൽ 1.5 ലക്ഷത്തിന് മുകളിലേക്ക്;സ്വർണ വ്യാപാരി -
മാളവ്യ രാജയോഗം എല്ലാം മാറ്റി മറിക്കും; ഈ രാശിക്കാരുടെ വിവാഹം നടക്കും, ശമ്പളം വർധിക്കാൻ സാധ്യത! -
പലതരം സുഖഭോഗങ്ങള് അനുഭവിക്കാന് അവസരം, ഭാര്യയുടെ ആഗ്രഹങ്ങള് നിറവേറ്റും, ജോലിയിൽ പ്രമോഷൻ, നാൾഫലം -
നീചഭംഗ രാജയോഗം ജീവിതം മാറ്റി മറിക്കും; ഈ രാശിക്കാരുടെ പ്രണയം പൂവണിയും..! സാമ്പത്തികമായി നല്ല കാലം -
കൊച്ചിയിൽ ഇനി യാത്ര എളുപ്പം; വൈറ്റില ജംഗ്ഷന്റെ വടക്കുഭാഗത്ത് ബസ് സ്റ്റാൻഡ്, ഒരുങ്ങുന്നത് വമ്പൻ പ്ലാൻ..! -
ബെംഗളൂരു മലയാളികൾക്ക് സന്തോഷ വാർത്ത; മൈസൂരു റോഡിലെ ഗതാഗത കുരുക്ക് കുറയും, 810 കോടിയുടെ എലിവേറ്റഡ് ഇടനാഴി -
ഖത്തര് ഞെട്ടി; യൂറോപ്പും ഏഷ്യയും ഞെരുങ്ങും, ഒന്നും അറിഞ്ഞില്ലെന്ന് ട്രംപ്, ഇറാന്റെ കൈവിട്ട നീക്കം -
ബെംഗളൂരുവില് വര്ക്ക് ഫ്രം ഹോം; സാമ്പത്തിക ലാഭം 10000 രൂപയിലേറെ; കണക്കുകള് നിരത്തി ടെക്കി യുവാവ് -
ഡിഗ്രിക്കാര്ക്ക് കൊച്ചിന് ഷിപ്പ്യാര്ഡില് അവസരം; ശമ്പളം എത്രയെന്ന് കേട്ടോ -
സ്വര്ണം എവിടെപോയി നില്ക്കും; ഇന്ന് രണ്ടാംതവണയും വില കുറഞ്ഞു, സ്വര്ണ പ്രേമികള്ക്ക് സന്തോഷം
Click it and Unblock the Notifications
Sign in with Google