അഗ്നിപഥിനെതിരെ പ്രതിഷേധിച്ചവര്ക്ക് അയോഗ്യത; റിക്രൂട്ട്മെന്റ് റാലി തുടങ്ങി
കോഴിക്കോട്: അഗ്നിവീര് പദ്ധതിക്കെതിരെ പ്രതിഷേധം നടത്തിയവര്ക്ക് അഗ്നിവീര് റിക്രൂട്ട്മെന്റുകളില് പങ്കെടുക്കാനാവില്ല എന്ന കരസേന. ഇക്കാര്യം നിയമാവലിയില് വ്യക്തമാക്കിയിട്ടുണ്ട് എന്നും ഇവര് റിക്രൂട്ട്മെന്റിന് അയോഗ്യരാണ് എന്നും കരസേന വ്യക്തമാക്കിയതായി ഏഷ്യാനെറ്റ് ന്യൂസ് റിപ്പോര്ട്ട് ചെയ്യുന്നു. കോഴിക്കോട് അഗ്നിവീര് റിക്രൂട്ട്മെന്റിന് എത്തിയ ഉന്നത ഉദ്യോഗസ്ഥരാണ് ഇക്കാര്യം വ്യക്തമാക്കിയത്.
അഗ്നിവീര് പദ്ധതിക്കെതിരെ നടന്ന പ്രതിഷേധങ്ങള് റിക്രൂട്ട്മെന്റിനെ ബാധിച്ചിട്ടില്ല എന്നും ഉദ്യോഗസ്ഥര് വിശദീകരിച്ചു. കേരളം, കര്ണ്ണാടക, പോണ്ടിച്ചേരി, ലക്ഷദ്വീപ് എന്നീ പ്രദേശങ്ങളാണ് ബെംഗളൂരു അഗ്നിവീര് റിക്രൂട്ട്മെന്റ് മേഖലക്ക് കീഴില് ഉള്ളത്. ഇതില് കേരളത്തിലേയും കര്ണാടകത്തിലേയും റിക്രൂട്ട്മെന്റ് നടപടികള് പുരോഗമിച്ച് വരുന്നു.
കേരളത്തില് വടക്കന് മേഖല റിക്രൂട്ട്മെന്റ് റാലിയില് 23000 ഓളം പേരാണ് രജിസ്റ്റര് ചെയ്തിട്ടുള്ളത്. ഇതില് 13100 ഓളം പേര് ഇതിനകം റാലിക്കെത്തിയിരുന്നു. 705 പേരാണ് പ്രാഥമിക യോഗ്യത നേടിയിട്ടുള്ളത്. 624 പേരെ വീണ്ടും പരിശോധനക്ക് ശുപാര്ശ ചെയ്യുകയും ചെയ്തിട്ടുണ്ട്. പ്രതിഷേധങ്ങള് ഒരിടത്തും റിക്രൂട്ട്മെന്റിനെ ബാധിച്ചിട്ടില്ല എന്നാണ് കരസേന ഉദ്യോഗസ്ഥര് ചൂണ്ടിക്കാട്ടുന്നത്.
തെക്കന് കേരളത്തിലെ റിക്രൂട്ട്മെന്റ് റാലി കൊല്ലത്ത് നവംബര് 15 ന് നടക്കും. കേരളത്തിലെ യുവാക്കള് എഴുത്ത് പരീക്ഷയില് മികച്ച പ്രകടനമാണ് കാഴ്ച വെക്കുന്നത് എന്നും എന്നാല് കായിക ക്ഷമത ഇനിയും മെച്ചപ്പെടാനുണ്ട് എന്നുമാണ് കരസേനയുടെ വിലയിരുത്തല്. വനിതകള്ക്കായുള്ള റിക്രൂട്ട്മെന്റ് റാലി അടുത്തമാസം ബെംഗളൂരുവില് വെച്ചാണ് നടക്കുന്നത്.
ഇതിനായി 11000 ത്തോളം വനിതകളെ ബെംഗളൂരു റിക്രൂട്ട്മെന്റിന് കീഴില് രജിസ്റ്റര് ചെയ്തിട്ടുണ്ട്. അതേസമയം രാജ്യത്തുടനീളം 3.5 ദശലക്ഷത്തിലധികം ഉദ്യോഗാര്ത്ഥികളെ അഗ്നിപഥ് റിക്രൂട്ട്മെന്റിനായി രജിസ്റ്റര് ചെയ്തിട്ടുണ്ട്. അഗ്നിപഥ് പദ്ധതിക്ക് കീഴില് 40,000 ഒഴിവുകള് ആണ് വാഗ്ദാനം ചെയ്തിരിക്കുന്നത്. ഈ വര്ഷം രാജ്യത്തുടനീളം സൈന്യം 96 റിക്രൂട്ട്മെന്റ് റാലികള് നടത്തുന്നുണ്ട്.
ഇതില് 30 എണ്ണം ഇതിനകം പൂര്ത്തിയായിട്ടുണ്ട്. 12 എണ്ണം നടന്നുകൊണ്ടിരിക്കുന്നു. ബാക്കിയുള്ളവ ഡിസംബറില് സംഘടിപ്പിക്കും എന്നാണ് വൃത്തങ്ങളെ ഉദ്ധരിച്ച് ഹിന്ദുസ്ഥാന് ടൈംസ് റിപ്പോര്ട്ട് ചെയ്യുന്നത്. അഗ്നിപഥ് പദ്ധതിയോട് ഉദ്യോഗാര്ത്ഥികളില് നിന്ന് മികച്ച പ്രതികരണമാണ് ലഭിക്കുന്നത് എന്നും വൃത്തങ്ങള് പറയുന്നു.
അപേക്ഷകരില് 250,000 സ്ത്രീകളും ഉള്പ്പെടുന്നു. ആറ് മാസത്തെ പരിശീലനം പൂര്ത്തിയാക്കിയ ശേഷം 2023 ജൂലൈയില് സൈന്യത്തിന്റെ ആദ്യ സെറ്റ് അഗ്നിവീറുകള് അവരുടെ അതത് യൂണിറ്റുകളില് ചേരും എന്നാണ് റിപ്പോര്ട്ട്..
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
ഈ രാശിക്കാരാണോ? രണ്ടാഴ്ചയ്ക്കുള്ളില് അളവറ്റ ധനം കൈയിലെത്തും, ഇനി സൗഭാഗ്യനാളുകള് -
സ്വര്ണവില 75000 ത്തിലേക്ക് വീഴും, ഗ്രാമിന് 9500 രൂപ..! അതും 2026 ല് തന്നെ..! -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി
Click it and Unblock the Notifications
Sign in with Google