മൂന്ന് മാസത്തിനുള്ളില് ഡെല്റ്റ ഇന്ത്യയില് കവര്ന്നത് 2,40,000 ജീവനുകള്; യുഎന് റിപ്പോര്ട്ട് പുറത്ത്
ദില്ലി: 2021 ഏപ്രില് മുതല് ജൂണ് വരെയുള്ള കാലയളവില് കോവിഡ് വകഭേദമായ ഡെല്റ്റ തരംഗം ഇന്ത്യയില് 2,40,000 ജീവന് അപഹരിച്ചതായി റിപ്പോര്ട്ട്. യു എന് ആണ് ഇതുമായി ബന്ധപ്പെട്ട റിപ്പോര്ട്ട് പുറത്തുവിട്ടത്. കൊവിഡിന്റെ ഡെല്റ്റ വകഭേദം ആ സമയത്തെ സാമ്പത്തിക വീണ്ടെടുക്കല് തടസപ്പെടുത്തിയെന്നും സമാനമായ സംഭവവികാസങ്ങള് അടുത്തകാലത്ത് വീണ്ടും നടക്കുമെന്ന മുന്നറിയിപ്പും റിപ്പോര്ട്ടില് ചൂണ്ടിക്കാണിക്കുന്നു .
യുണൈറ്റഡ് നേഷന്സ് വേള്ഡ് എക്കണോമിക് സിറ്റുവേഷന് ആന്ഡ് പ്രോസ്പെക്ട്സ് ( ഡബ്ല്യു ഇ എസ് പി ) 2022 റിപ്പോര്ട്ടിലാണ് ഇക്കാര്യങ്ങള് വ്യക്തമാക്കുന്നത്. കൊവിഡിന്റെ ഏറ്റവും കൂടുതല് വ്യാപനശേഷിയുള്ള ഒമൈക്രോണ് വകഭേദം പൊട്ടിപ്പുറപ്പെടുന്നതോടെ മാനൂഷികവും സാമ്പത്തുകവുമായി നഷ്ടം വര്ദ്ധിക്കുമെന്നും റിപ്പോട്ടില് വ്യക്തമാക്കുന്നു.
ഇന്ത്യയില് , ഡെല്റ്റ വേരിയന്റുമായുള്ള മാരകമായ അണുബാധ ഏപ്രില് മുതല് ജൂണ് വരെ 240,000 ജീവന് അപഹരിക്കുകയും സാമ്പത്തിക വീണ്ടെടുക്കലിനെ തടസ്സപ്പെടുത്തുകയും ചെയ്തെന്ന് റിപ്പോര്ട്ടില് അടിവരയിടുന്നു. കോവിഡ് -19 ഉള്ക്കൊള്ളുന്നതിനുള്ള ഏകോപിതവും സുസ്ഥിരവുമായ ആഗോള സമീപനം കൂടാതെ, ലോക സമ്പദ്വ്യവസ്ഥയുടെ സമഗ്രവും സുസ്ഥിരവുമായ വീണ്ടെടുക്കലിന് മഹാമാരി ഏറ്റവും വലിയ അപകടസാധ്യത സൃഷ്ടിക്കുന്നത് തുടരുമെന്നും റിപ്പോര്ട്ടില് വ്യക്തമാക്കുന്നു .
അതേസമയം, ഇന്ത്യയുടെ ആരോഗ്യ കുടുംബക്ഷേമ മന്ത്രാലയത്തിന്റെ കണക്കുകള് പ്രകാരം 1,54,61,39,465 വാക്സിനേഷനുകള് ഇതുവരെ നല്കിയിട്ടുണ്ട്. മരണസംഖ്യ ക്രമാതീതമായി വര്ദ്ധിക്കുകയും രോഗികളുടെ വര്ദ്ധനവ് രാജ്യത്തെ ആരോഗ്യ സംരക്ഷണ അടിസ്ഥാന സൗകര്യങ്ങളില് പ്രതിസന്ധി സൃഷ്ടിക്കുകയും ചെയ്തതിനാല് കോവിഡ് -19 പാന്ഡെമിക്കിന്റെ രണ്ടാം തരംഗം ഇന്ത്യയിലുടനീളം നാശം വിതക്കും. ഇപ്പോള് ഇന്ത്യയില് ഡെല്റ്റയെ മറികടക്കാന് ശേഷിയുള്ള ഒമൈക്രോണ് വകഭേദം പടര്ന്നുപിടിക്കുകയാണ്.
ഇതിനിടെ , രാജ്യത്ത് കൊവിഡ് കേസുകള് വീണ്ടും കുതിക്കുകയാണ്. കഴിഞ്ഞ 24 മണിക്കൂറിനിടെ 264202 പേര്ക്കാണ് രോഗം സ്ഥിരീകരിച്ചത്. കേസുകളുടെ എണ്ണത്തില് കഴിഞ്ഞ ദിവസങ്ങളേക്കാള് 4.83 ശതമാനം വര്ദ്ധനയാണ് രേഖപ്പെടുത്തിയത്. ടെസ്റ്റ് പോസിറ്റിവിറ്റി നിരക്ക് 14.78 ശതമാനമായി ഉയരുകയും ചെയ്തു. 24 മണിക്കൂറിനിടെ കൊവിഡ് ബാധിച്ച് 11.83 ശതമാനവും രേഖപ്പെടുത്തി. ഇതോടെ രാജ്യത്ത് ഇതുവരെയുള്ള കോവിഡ് ബാധിത മരണങ്ങള് 4,85,350 ആയിട്ടുണ്ട്. ഒരു ദിവസത്തിനിടെ 1,09,345 പേര് രോഗമുക്തി നേടുകയും ചെയ്തിട്ടുണ്ട്.
Click it and Unblock the Notifications
Sign in with Google