'ഇം​ഗ്ലീഷ് കൊള്ളാം, പക്ഷേ പ്രവൃത്തി നല്ലതല്ല'; രാജ്യസഭയിൽ കൊമ്പുകോർത്ത് ഖാർ​ഗെയും നിർമല സീതാരാമനും

ഡൽഹി: രാജ്യസഭയിൽ കൊമ്പുകോർത്ത് കേന്ദ്രമന്ത്രി നിർമല സീതാരാമനും കോൺ​ഗ്രസ് ദേശീയ അധ്യക്ഷൻ മല്ലികാർജുൻ ഖാർ​ഗെയും. കോൺ​ഗ്രസിനെയും മുൻകാല നേതാക്കളെയും നിർമല സീതാരമൻ വിമർശിച്ചതോടെയാണ് വാക്പ്പോര് നടന്നത്. കോൺ​ഗ്രസ് കൊണ്ടുവന്ന ഭരണഘടന ഭേദ​ഗതികൾ ജനാധിപത്യത്തെ ശക്തിപ്പെടുത്താനല്ലെന്നും മറിച്ച് അധികാരം സംരക്ഷിക്കാൻ വേണ്ടിയാണെന്നും നിർമല സീതാരാമൻ പറഞ്ഞു.

അഭിപ്രായ സ്വാതന്ത്ര്യത്തിന്റെ പേരിൽ അഭിമാനിക്കുന്ന രാജ്യമാണ് ഇന്ത്യയെന്നും എന്നാൽ ആദ്യ സർക്കാർ തന്നെ അഭിപ്രായ സ്വാതന്ത്ര്യം തടയുന്ന തരത്തിലുള്ള ഭരണഘടനാ ഭേദ​ഗതി കൊണ്ടുവന്നെന്നും നിർമല സീതാരാമൻ ആരോപിച്ചു. ഇതിന് പിന്നാലെയാണ് നിർമല സീതാരാമന് ഖാർ​ഗെ മറുപടി നൽകിയത്. നിർമല സീതാരാമന് നല്ല ഭാഷയുണ്ടെങ്കിലും പ്രവൃത്തികൾ നല്ലതല്ലെന്ന് ഖാർ​ഗെ പറഞ്ഞു.

താൻ മുനിസിപ്പാലിറ്റി സ്കൂളിലാണ് പഠിച്ചത്, തനിക്ക് വായിക്കാനറിയാമെന്നും എന്നാൽ കേന്ദ്രമന്ത്രി നിർമല സീതാരാമൻ പഠിച്ചത് ജവഹ​ർലാൽ നെഹ്റു സർവകലാശാലയിലാണ്, അവരുടെ ഇം​ഗ്ലീഷ് വളരെ മികച്ചതാണെന്നതിൽ സംശയമില്ല, ഹിന്ദിയും മികച്ചതാണ്, എന്നാൽ പ്രവർത്തി നല്ലതല്ലെന്നും ഖാർ​ഗെ പറഞ്ഞു. ഭരണഘടനയേയും ദേശീയ പതാകയേയും അശോകചക്രത്തേയും വെറുക്കുന്നവരാണോ കോൺ​ഗ്രസിനെ പഠിപ്പാക്കാൻ ശ്രമിക്കുന്നതെന്നും ഖാർ​ഗെ ചോദിച്ചു.

" ഇതെന്താണ് ? ഈ ഭരണഘടന ഉണ്ടാക്കിയപ്പോൾ, ഇവർ ഭരണഘടന കത്തിച്ചു. ഭരണഘടന അം​ഗീകരിച്ച ദിവസം അവർ രംലീല മൈതാനത്ത് ( ഡൽഹിയിലെ ) ബാബാസാഹെബ് അംബേദ്കർ, ജവഹർലാൽ നെഹ്‌റു, മഹാത്മാ ​ഗാന്ധി എന്നിവരുടെ കോലം കത്തിച്ചു, ഖാർ‌ഖെ പറഞ്ഞു.
കോൺ​ഗ്രസ് പാർട്ടിയും ഭരണഘടനയും സ്ത്രീകൾക്ക് വോട്ടവകാശം നൽകിയപ്പോൾ‌ അതിനെ എതിർ‌ത്തവരാണ് ആർ എസ് എസും ജനസംഘവും ( ഇപ്പോൾ ബി ജെ പി ) എന്നും അദ്ദേഹം പറഞ്ഞു.

അതേ സമയം, കഴിഞ്ഞയാഴ്ച ലോക്സഭയിൽ ഭരണഘടനയെക്കുറിച്ചുള്ള ചർച്ചയ്ക്കിടെ പ്രധാനമന്ത്രി നനേന്ദ്ര മോദിയും രാജദ് നാശ് സിം​ഗും കോൺ​ഗ്രസിന്റെ ഭരണ കാലത്ത് കൊണ്ടുവന്ന വിവിധ ഭരണഘടനാ ഭേദ​ഗതികൾക്കെതിരെ ആഞ്ഞടിച്ചിരുന്നു. അത് ജനാധിപത്യത്തെയല്ല മറിച്ച് ഒരു രാജവംശത്തെയാണ് ശക്തിപ്പെടുത്തിയതെന്ന് പറഞ്ഞിരുന്നു.

ഡിസംബർ 16 ന് ഭരണഘടനയുടെ 75 ാം വാർഷികത്തോടനുബന്ധിച്ചാണ് രണ്ട് ദിവസത്തെ പ്രത്യേക ചർച്ചയ്ക്കായി രാജ്യസഭ വിളിച്ച് ചേർത്തത്യ. തിങ്കൾ, ചൊവ്വ ദിവസങ്ങളിൽ വിഷം ചർച്ച ചെയ്യും.