ഗംഗയില് ഒഴുകി നടന്ന് മൃതദേഹങ്ങള്, കൊവിഡിന്റെ ഭീകരത, യുപിയിലെ ഗാസിപൂരില്...
ദില്ലി: ബീഹാറിന് പിന്നാലെ യുപിയിലും ഗംഗാ നദിയില് കണ്ടെത്തി മൃതദേഹം. ജലത്തിലൂടെ ഇവ ഒഴുകി നടക്കുകയാണ്. ഉത്തര്പ്രദേശിലെ ഗാസിപൂര് ജില്ലയിലെ ഗംഗാ നദിക്കരയിലാണ് മൃതദേഹങ്ങള് വീണ്ടും കണ്ടെത്തിയിരിക്കുന്നത്. കഴിഞ്ഞ ദിവസം ബീഹാറിലെ ബക്സര് ജില്ലയിലെ ചൗസ ബ്ലോക്കിലൂടെ കടന്നുപോകുന്ന ഗംഗാ നദിയുടെ തീരത്തും മൃതദേഹങ്ങള് ഒഴുകി നടക്കുന്നുണ്ടായിരുന്നു. അതേസമയം ആശുപത്രികളും ശ്മശാനങ്ങളും നിറഞ്ഞുകവിഞ്ഞതിനെ തുടര്ന്ന് പലരും മൃതദേഹം ഉപേക്ഷിക്കുകയാണെന്ന് വിവരമുണ്ട്. ഇവരെല്ലാം കൊവിഡ് രോഗികളാണെന്ന സൂചനയുണ്ട്.
ഇന്ത്യയിലെ കൊവിഡ് അതിഭീകരാവസ്ഥയിലാണ് നില്ക്കുന്നതെന്ന് സൂചിപ്പിക്കുന്നതാണ് ഈ കാര്യങ്ങള്. ഈ മൃതദേഹങ്ങള് എവിടെ നിന്നാണ് വന്നതെന്ന് കണ്ടെത്താന് അന്വേഷണത്തിന് ഉത്തരവിട്ടിരിക്കുകയാണ് ഗാസിപൂര് ജില്ലാ മജിസ്ട്രേറ്റ് എംപി സിംഗ്. ഗംഗാ നദിയില് മൃതദേഹങ്ങള് ഒഴുകി നടക്കുന്നുണ്ടെന്ന കാര്യവും അദ്ദേഹം സ്ഥിരീകരിച്ചു. ബക്സറില് കണ്ടെത്തിയ മൃതദേഹങ്ങളെല്ലാം അഴുകിയ നിലയിലായിരുന്നു. അതേസമയം ജനങ്ങള് കടുത്ത ആശങ്കയിലാണ്.
മൃതദേഹങ്ങള് ഒഴുകി വരുന്നത് സ്ഥിരം കാഴ്ച്ചയായി മാറിയെന്ന് ജനങ്ങള് പറയുന്നു. ശവപ്പറമ്പുകള് നിറഞ്ഞുകവിഞ്ഞതിനാല് അവിടെ ദഹിപ്പിക്കാന് സാധിക്കില്ല. അതുകൊണ്ട് പലരും മൃതദേഹം നദിയില് തള്ളുകയാണ്. മൃതദേഹം ദഹിപ്പിക്കാനുള്ള വിറകിന്റെ ക്ഷാമവും കടുത്ത രീതിയിലുണ്ട്. അതുകൊണ്ട് ശവദാഹം കഠിനമായ കാര്യമായിരിക്കുകയാണ്. സാധാരണ ദഹിപ്പിച്ച് കഴിഞ്ഞ ശേഷം ചിതാഭസ്മം പുഴയിലൊഴുക്കുകയാണ് പതിവ്. എന്നാല് വിറക് അടക്കം ദഹിപ്പിക്കാനുള്ള കാര്യങ്ങള്ക്കുള്ള ക്ഷാമം കാരണം പലരും മൃതദേഹങ്ങള് നദിയിലേക്ക് തള്ളുകയാണ്. കൊവിഡ് കേസുകള് വര്ധിച്ച് വരുന്ന സാഹചര്യത്തില് ശ്മശാനത്തില് പോലും സൗകര്യമില്ലാത്ത അവസ്ഥയാണ്.
അതേസമയം ബീഹാറിലെ പ്രാദേശിക ഭരണകൂടം ഈ മൃതദേഹങ്ങള് യുപിയില് നിന്ന് ഒഴുകി വന്നതാണെന്ന നിഗമനത്തിലാണ്. ബക്സറില് മൃതദേഹങ്ങള് നദിയിലൂടെ ഒഴുകുന്നതില് പ്രാദേശിക ഭരണകൂടം ഒന്നും ചെയ്യുന്നില്ലെന്ന് ജനങ്ങള് ആരോപിക്കുന്നു. ബഹ്റൈച്ചില് നിന്നോ വാരണാസിയില് നിന്നോ അലഹബാദില് നിന്നോ വന്നതാണ് ഈ മൃതദേഹം എന്ന് പരിശോധിക്കാനാണ് പോലീസ് ഒരുങ്ങുന്നത്. പല കുടുംബാംഗങ്ങളും യാതൊരു ഗതിയും ഇല്ലാത്തത് കൊണ്ടാണ് മൃതദേഹങ്ങള് നദിയില് തള്ളുന്നത്.
ഹാമിര്പൂരില് ജില്ലയില് യമുനാ നദിയില് അഞ്ച് മൃതദേഹങ്ങളാണ് ഇത്തരത്തില് കണ്ടെത്തിയത്. മെയ് ആറിന് പാതി സംസ്കരിച്ച നിലയില് ഒരു മൃതദേഹം കണ്ടെത്തിയിരുന്നു നാട്ടുകാര്. അതേസമയം കൊവിഡ് ബാധിച്ചവരുടെ മൃതദേഹങ്ങള് തുണിയില് പൊതിഞ്ഞ് മൂടിയ ശേഷമാണ് കത്തിക്കുക. ഇപ്പോള് കണ്ടെത്തിയിരിക്കുന്നത് അങ്ങനെയല്ലെന്നുള്ളതാണ് പോലീസ് പറയുന്നത്.
Recommended Video
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google