Click it and Unblock the Notifications
Just In
Don't Miss
-
'ദിലീപ് കുഴപ്പിച്ചിരുന്നു, എടീ എന്നൊന്നും വിളിക്കാൻ പറ്റില്ല, സീരിയലിനെ വിമർശിക്കാൻ തോന്നുമായിരുന്നു' -
IPL 2024: സഞ്ജു പ്രതിഭ, 14 വയസ് മുതല് അവനെ അറിയാം; ഇത്തവണ കപ്പ് രാജസ്ഥാനെന്ന് തരൂര് -
എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത് -
കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..? -
ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള് -
കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ് -
ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
നമോ റൊട്ടി വിറ്റ ഹോട്ടല്‍ പോലീസ് പൂട്ടി!
വാരണാസി: ബി ജെ പിയുടെ പ്രധാനമന്ത്രി സ്ഥാനാര്‍ഥിയുടെ പേരില്‍ പ്രശസ്തമായ നമോ റൊട്ടി വിറ്റ ഹോട്ടല്‍ പോലീസുകാര്‍ ബലമായി പൂട്ടിച്ചു. അബ് കി ബാര്‍ മോദി സര്‍ക്കാര്‍ എന്ന് പതിപ്പിച്ച നമോ റൊട്ടികള്‍ വിറ്റ ഹോട്ടലുകളിലൊന്നാണ് ഉത്തര്‍ പ്രദേശ് പോലീസ് അടപ്പിച്ചത്. മാധ്യമ പ്രവര്‍ത്തകരോര് സംസാരിക്കരുത് എന്ന് ഹോട്ടല്‍ ഉടമയ്ക്ക് പോലീസ് നിര്‍ദ്ദേശം നല്‍കിയിട്ടുണ്ട്.
മെയ് 12 ന് തിരഞ്ഞെടുപ്പ് നടക്കാനിരിക്കുന്ന വാരണാസിയില്‍ ഏതാനും ദിവസങ്ങള്‍ക്ക് മുമ്പാണ് നമോ റൊട്ടി വിതരണം ചെയ്തു തുടങ്ങിയത്. ബി ജെ പിയുടെ തിരഞ്ഞെടുപ്പ് മുദ്രാവാക്യമായ അബ് കി ബാര്‍ മോദി സര്‍ക്കാര്‍ എന്ന് സീലടിച്ച് വന്ന നമോ റൊട്ടി ദിവസങ്ങള്‍ കൊണ്ട് തന്നെ മെഗാ ഹിറ്റായി മാറി. ഹോട്ടലുകളില്‍ മാത്രമല്ല, തട്ടുകടകളിലും നമോ റൊട്ടി തരംഗം തീര്‍ത്തു.
നമോ റൊട്ടിയുടെ വരവോടെ തങ്ങളുടെ കച്ചവടം കൂടി എന്നാണ് തട്ടുകടക്കാര്‍ പറയുന്നത്. മോദി ആരാധകര്‍ക്കും ബി ജെ പി പ്രവര്‍ത്തകര്‍ക്കുമിടയില്‍ നമോ റൊട്ടിക്ക് വന്‍ ഡിമാന്‍ഡാണ്. എന്നാല്‍ റൊട്ടിയിലൂടെയും മോദി വോട്ട് പിടിക്കുന്നു എന്നാരോപിച്ച് പ്രതിപക്ഷ പാര്‍ട്ടികള്‍ നമോ റൊട്ടിക്കെതിരെ രംഗത്തുവന്നിരുന്നു. പ്രതിഷേധം ശക്തമായതോടെയാണ് പോലീസ് ഇടപെട്ട് നമോ റൊട്ടി വിറ്റ ഒരു ഹോട്ടല്‍ പൂട്ടിയത്.
നമോ ചായ, നമോ തൊപ്പി, നമോ ടാറ്റൂ, നമോ ടീ ഷര്‍ട്ട്, നമോ പടക്കങ്ങള്‍, നമോ സോപ്പ് തുടങ്ങി നിരവധി സാധനങ്ങള്‍ തിരഞ്ഞെടുപ്പ് പ്രചാരണത്തിന്റെ ഭാഗമായി ബി ജെ പി പ്രവര്‍ത്തകര്‍ രംഗത്തിറക്കിയിരുന്നു. എന്തായാലും നമോ റൊട്ടി വിറ്റ ഹോട്ടല്‍ പൂട്ടിച്ചത് പ്രവര്‍ത്തകര്‍ക്കിടയില്‍ എതിര്‍പ്പിന് ഇടയാക്കി. നേരത്തെ മോദിക്ക് ഗംഗാ ആരതിക്ക് അനുമതി നിഷേധിച്ച സംഭവത്തില്‍ പാര്‍ട്ടി പരസ്യമായി തിരഞ്ഞെടുപ്പ് കമ്മീഷനുമായി ഇടഞ്ഞിരുന്നു.
