കടലാസ് പുലി, ഇന്ത്യന് ഏജന്റ്, പോസ്റ്റര് ബോയ്... ആരായിരുന്നു ബര്ഹാന് മുസാഫര് വാനി?
സോഷ്യല് മീഡിയ തലയ്ക്ക് പിടിച്ച കാശ്മീരി യുവാക്കളുടെ ആവേശമായിരുന്നു ബര്ഹാന് മുസാഫര് വാനി. വെള്ളിയാഴ്ച ഒരു ഏറ്റുമുട്ടലില് കൊല്ലപ്പെട്ട ഈ 21കാരനെപ്പറ്റി പ്രാദേശികരോട് ചോദിച്ചാല് അവര് പറഞ്ഞേക്കും ഇന്ത്യന് ഏജന്റ് എന്ന്. സുരക്ഷാ സൈനികരോടാണ് ഈ ചോദ്യമെങ്കിലോ, ബര്ഹാന് വാനി ഒരു കടലാസ് പുലി എന്നാകും കിട്ടുന്ന ഉത്തരം.
പാകിസ്താന് ക്രിക്കറ്റ് ബോര്ഡംഗത്തിന്റെ വ്യാജ ട്വിറ്റര് അക്കൗണ്ടില് നിന്നും വന്ന ഒരു ട്വീറ്റ് ബര്ഹാന് വാനിയെ വിളിക്കുന്നത് രക്തസാക്ഷി എന്നാണ്. വാനി രക്തസാക്ഷി തന്നെ എന്ന് കരുതുന്നവര് ശരിക്കും ഉണ്ട് എന്ന് തന്നെ കരുതേണ്ടി വരും എന്നതാണ് സ്ഥിതി. 21 വയസ്സ് മാത്രമുള്ള ഈ ഹിസ്ബുള് മുജാഹിദ്ദീന് പോസ്റ്റര് ബോയ് ശരിക്കും ആരാണ്. അല്ലെങ്കില് ആരായിരുന്നു ബര്ഹാന് വാനി?
വാനി ഒരു പോസ്റ്റര് ബോയ്
ഹിസ്ബുള് മുജാഹിദ്ദീനിലേക്ക് യുവാക്കളെ ആകര്ഷിക്കുന്നതിനായുള്ള വീഡിയോകളില് സ്ഥിരമായി പ്രത്യക്ഷപ്പെട്ടിരുന്നത് ബര്ഹാന് വാനിയായിരുന്നു. ഹിസ്ബുള് മുജാഹിദ്ദീന്റെ പോസ്റ്റര് ബോയ് എന്ന് തന്നെ വിളിക്കാം ഈ 21 കാരനെ.
കശ്മീര് സ്വദേശി തന്നെ
കശ്മീരിന്റെ തെക്കന് മേഖലയിലെ ഒരു സമ്പന്ന കുടുംബത്തിലായിരുന്നു ബര്ഹാന് വാനിയുടെ ജനനം. പിതാവ് സ്കൂള് പ്രിന്സിപ്പാളായിരുന്നു.
ഉന്നത വിദ്യഭ്യാസം
അഭ്യസ്ത വിദ്യനായിരുന്നു ബര്ഹാന് വാനി. ഭീകരവാദത്തിലേയ്ക്ക് തിരിയുന്ന വിദ്യാസമ്പന്നരായ കശ്മീരി യുവാക്കളുടെ പ്രതിനിധി എന്ന് വേണമെങ്കില് ബര്ഹാന് വാനിയെ വിളിക്കാം.
ടെക്ക് സേവി
സോഷ്യല് നെറ്റ് വര്ക്കിംഗ് സൈറ്റുകളിലും ടെക്നോളജിയും കമ്പമുള്ള ആളായിരുന്നു ബര്ഹാന് വാനി. ഹിസ്ബുളിന്റെ സോഷ്യല് മീഡിയ പ്രചാരണത്തിന് ചുക്കാന് പിടിച്ചിരുന്നു. ഹിസ്ബുള് മുജാഹിദ്ദീനിലേക്ക് യുവാക്കളെ ആകര്ഷിക്കുന്നതില് മുഖ്യഘടകമായിരുന്നു ഇയാള്.
വെറും പതിനഞ്ചാം വയസ്സില്
പതിനഞ്ച് വയസ്സ് മാത്രം പ്രായമുള്ളപ്പോഴാണ് ബര്ഹാന് വാനി ഭീകരസംഘടനയുമായി ബന്ധം തുടങ്ങുന്നത്. സഹോദരന് ഖാലിദിന് തീവ്രവാദ ബന്ധം ആരോപിച്ച് ഏല്ക്കേണ്ടി വന്ന പീഡനങ്ങളാണത്രെ വാനിയെ ഒരു തീവ്രവാദിയാക്കിയത്.
തലയ്ക്ക് 10 ലക്ഷം
ബര്ഹാന് വാനിയുടെ തലയ്ക്ക് 10 ലക്ഷം രൂപ ഇനാം പ്രഖ്യാപിച്ചിരുന്നു. വാനിയെ പിടികൂടാന് സഹായിക്കുന്നവര്ക്കും 10 ലക്ഷം രൂപ പ്രതിഫലം സര്ക്കാര് പ്രഖ്യാപിച്ചിരുന്നു. വെള്ളിയാഴ്ചയാണ് ഒരു ഏറ്റുമുട്ടലില് ഇയാള് കൊല്ലപ്പെട്ടത്.
എന്തായിരുന്നു ആവശ്യം
ജമ്മു കാശ്മീരിന് സ്വാതന്ത്ര്യം വേണമെന്ന് വാദിക്കുന്ന ഭീകരസംഘടനയാണ് ഹിസ്ബുള് മുജാഹിദ്ദീന്. നന്നേ ചെറുപ്പത്തില് ഈ സംഘടനയില് എത്തിയ ബര്ഹാന് വാനി അതിവേഗം അതിന്റെ പ്രധാന മുഖങ്ങളിലൊന്നായി മാറുകയായിരുന്നു.
പ്രാര്ഥനയോടെ ഉമര് ഖാലിദ്
ദില്ലി ജവഹര്ലാല് നെഹ്റു യൂണിവേഴ്സിറ്റിയിലെ വിദ്യാര്ഥി നേതാവായ ഉമര് ഖാലിദും ബര്ഹാന് വാനിക്ക് വേണ്ടി പ്രാര്ഥിച്ചുകൊണ്ട് രംഗത്ത് വന്നിട്ടുണ്ട്.
വാനി എന്ന വിപ്ലവകാരി
സ്വതന്ത്രനായി ജീവിക്കുകയും മരിക്കുകയും ചെയ്ത വിപ്ലവകാരി എന്നാണ് ബര്ഹാന് വാനിയെ ഉമര് ഖാലിദ് വിശേഷിപ്പിക്കുന്നത്. വിവാദമായ ഈ ഫേസ്ബുക്ക് പോസ്റ്റ് ഉമര് ഖാലിദ് പിന്നീട് ഡിലീറ്റ് ചെയ്തു.
കാശ്മീരില് സംഘര്ഷം
ബര്ഹാന് വാനിയുടെ മരണത്തിന് പിന്നാലെ കാശ്മീരില് സംഘര്ഷാവസ്ഥ പൊട്ടിപ്പുറപ്പെട്ടു. തുടര്ച്ചയായ അക്രമങ്ങളില് പോലീസുകാര് ഉള്പ്പെടെ 21 പേരാണ് ഇതിനോടകം മരിച്ചത്. തെരുവില് ആക്രമണങ്ങള് നടക്കുന്നു. പോലീസിനും സൈന്യത്തിനും എതിരായാണ് മുദ്രാവാക്യം വിളികള്.
കൊല്ലപ്പെട്ടത് നാല് പേര്
ബര്ഹാന് വാനിക്കൊപ്പം മറ്റ് മൂന്ന് ഭീകരവാദികളെക്കൂടി സുരക്ഷാ സൈന്യം ഏറ്റുമുട്ടലില് കൊലപ്പെടുത്തി. കശ്മീര് പോലീസ് തന്നെയാണ് ഇക്കാര്യം സ്ഥിരീകരിച്ചത്.
-
ചെറിയ പെരുന്നാളിന് സ്വര്ണം ഉയര്ന്നു! ഇന്ന് കൂടിയത് ഇത്ര; ഏറ്റവും കുറഞ്ഞ വിലയില് നിന്ന് കയറി -
1 ലക്ഷം രൂപയിൽ താഴെ വിലയ്ക്ക് സ്വർണം വേണോ? ഇപ്പോൾ വാങ്ങുന്നത് ബുദ്ധിയല്ല, കുറച്ച് കൂടി ക്ഷമിക്കൂ -
ഒന്നാം സ്ഥാനത്ത് ബെംഗളൂരു തന്നെ; ഹൈദരാബാദും മുംബൈയും പിന്നില്; ആഗോള കമ്പനികളുടെ ഇഷ്ടനഗരങ്ങള് -
ജയിച്ചാല് നാല് സ്വതന്ത്രര് യുഡിഎഫിനൊപ്പം നില്ക്കുമെന്ന് സതീശന്; സിപിഎം നേതാക്കളും പിന്തുണക്കും -
മനസില് കാണുന്നത് നടന്നിരിക്കും.. ശിവയോഗത്തിന്റെ ഒരു പവറേ..! ഈ രാശിക്കാരാണോ? -
യുഎസിനെ ഇറാൻ സംഘർഷത്തിലേക്ക് വലിച്ചിഴച്ചത് ഇസ്രായേൽ അല്ലെന്ന് നെതന്യാഹു; 'യുദ്ധം വേഗം അവസാനിക്കും' -
ഇറാന് യുദ്ധം സൗദികളെ സമ്പന്നരാക്കും.. എന്നാലും സന്തോഷിക്കാന് വകയില്ല; കാരണമിത് -
ജി സുധാകരന് പിന്തുണ അറിയിച്ച് കോൺഗ്രസ്; ഇന്ന് മുതൽ പ്രചാരണത്തിന് കൂടെയിറങ്ങും, നേരിടാൻ ഇടതും -
ടിവികെയ്ക്ക് തിരിച്ചടി; പ്രമുഖ വനിതാ നേതാവ് പാർട്ടിവിട്ട് ഡിഎംകെയിൽ, വിജയ്ക്ക് നേരെ രൂക്ഷ വിമർശനവും -
ഇടത് മാറി, വലത് തിരിഞ്ഞ്... അഞ്ച് വർഷം കൊണ്ട് ഗ്രാമങ്ങളിലും നഗരങ്ങളിലും സംഭവിച്ചത്... -
50000 ത്തില് താഴെയാണോ അടിസ്ഥാന ശമ്പളം.! 15 ലക്ഷം വരെ ശമ്പള കുടിശ്ശിക ലഭിക്കും, എങ്ങനെയെന്നോ? -
സ്വര്ണം വില്ക്കാനുള്ള സമയമല്ല.. ഇപ്പോഴാണ് വാങ്ങിവെക്കേണ്ടത്..! വില കൂടാന് ഇനിയും സമയമുണ്ട്
Click it and Unblock the Notifications
Sign in with Google