ട്രാന്സ് വുമണിനോട് ഭര്ത്താവിന് പ്രേമം, വിവാഹം കഴിക്കാന് സമ്മതിച്ച് ഭാര്യ; താമസം ഒരുവീട്ടില്!!
ഭുവനേശ്വര്: ഒഡീഷയിലെ കാലാഹണ്ടി ജില്ലയിലെ നര്ലയിലെ ഒരു ക്ഷേത്രത്തില് കഴിഞ്ഞ ദിവസം ഒരു വിവാഹം നടന്നു. ഒരു ട്രാന്സ് വുമണിന്റെ വിവാഹമായിരുന്നു. ട്രാന്സ്ജെന്ഡര് വിവാഹങ്ങള് ഇന്ന് അസാധാരണമല്ല. എന്നാല് സ്വന്തം കമ്മ്യൂണിറ്റിയിലുള്ളവരെയാണ് പലപ്പോഴും ട്രാന്സ്ജെന്ഡേഴ്സ് വിവാഹം കഴിക്കാറുള്ളത്. മറിച്ചുള്ളതും സംഭവിക്കാറുണ്ട്.
എന്നാല് നര്ലയിലെ വിവാഹത്തെ വേറിട്ട് നിര്ത്തുന്നത് ഇത് മാത്രമല്ല. 32 കാരനായ ഒരാള് തന്റെ ഭാര്യയുടെ സമ്മതത്തോടെയാണ് ട്രാന്സ് വുമണിനെ വിവാഹം ചെയ്തത്. മാത്രമല്ല, തന്റെ ഭര്ത്താവിനോടൊപ്പം ഒരു മേല്ക്കൂരയില് തന്നെ ഒന്നിച്ച് കഴിയാന് ഭാര്യ ട്രാന്സ് വുമണിനെ ക്ഷണിക്കുകയും ചെയ്തു. രണ്ട് വയസുള്ള മകന്റെ പിതാവാണ് കഴിഞ്ഞ ദിവസം ട്രാന്സ് വുമണിനെ വിവാഹം ചെയ്തത്.
കഴിഞ്ഞ വര്ഷം റായഗഡ ജില്ലയിലെ അംബഡോലയില് തെരുവില് ഭിക്ഷ യാചിക്കുമ്പോളാണ് ഇയാള് ട്രാന്സ്വുമണിനെ കണ്ടുമുട്ടിയത്. പുരുഷനെ സംബന്ധിച്ചിടത്തോളം അത് ആദ്യ കാഴ്ചയില് തന്നെ അവരോട് പ്രണയം തോന്നി തുടങ്ങി. അയാള് ട്രാന്സ്വുമണിന്റെ മൊബൈല് നമ്പര് എടുത്ത് അവരുമായി ബന്ധം തുടര്ന്നു.
ഒരു മാസം മുന്പാണ് ഭാര്യ ഭര്ത്താവിന്റെ ബന്ധം മനസിലാക്കുന്നത്. ഇക്കാര്യം നേരിട്ട് തന്നെ ചോദിക്കുകയും ചെയ്തു. അപ്പോഴാണ് ഭര്ത്താവിന് ഒരു ട്രാന്സ് വുമണുമായാണ് ബന്ധമുള്ളത് എന്നും വളരെ ദൃഢമാണെന്നും ഭാര്യ തിരിച്ചറിഞ്ഞത്. ഇതോടെ ട്രാന്സ്വുമണിനെ കുടുംബത്തില് സ്വീകരിക്കാന് ഭാര്യ സമ്മതിക്കുകയും ചെയ്തു.
ഭാര്യയുടെ സമ്മതം നേടിയ ശേഷം, നാര്ളയിലെ ഒരു ക്ഷേത്രത്തില് ട്രാന്സ്ജെന്ഡര് കമ്മ്യൂണിറ്റിയിലെ അംഗങ്ങള് ഉള്പ്പെടെ പരിമിതമായ അതിഥികളുടെ സാന്നിധ്യത്തില് നടന്ന ഒരു ചെറിയ ചടങ്ങില് വെച്ചാണ് ഇയാള് ട്രാന്സ്വുമണുമായുള്ള വിവാഹം നടത്തിയത്. അതേസമയം ഹിന്ദുനിയമ പ്രകാരം വിവാഹത്തിന് സാധുതയില്ല എന്നാണ് ഒറീസ ഹൈക്കോടതിയിലെ മുതിര്ന്ന അഭിഭാഷകന് ശ്രീനിവാസ് മൊഹന്തി ഇന്ത്യാ ടുഡേയോട് പറഞ്ഞത്.
പെര്ഫ്യൂമിന്റെ ഗന്ധം മണിക്കൂറുകള് നീണ്ടുനില്ക്കണോ... ഇതാ ചില പൊടിക്കൈകള്
ഹിന്ദു കുടുംബത്തില് ഒരു സ്ത്രീയുമായോ ട്രാന്സ്ജെന്ഡറുമായോ ഉള്ള രണ്ടാമത്തെ വിവാഹം ഇന്ത്യന് നിയമപ്രകാരം അനുവദനീയമല്ല. രണ്ടാം വിവാഹം നടന്നാല്, അത് അസാധുവാണ്, ഇന്ത്യന് നിയമപ്രകാരം ശിക്ഷാ നടപടിക്ക് വിധേയമാണ്, ശ്രീനിവാസ് മൊഹന്തി പറഞ്ഞു. ഒരു പുരുഷന് തന്റെ ആദ്യവിവാഹം നിലനില്ക്കുമ്പോള് തന്നെ രണ്ടാമതും വിവാഹം കഴിച്ചാല്, രണ്ടാം വിവാഹസമയത്ത് ആദ്യവിവാഹത്തെ 'ഉപജീവനം' എന്നാണ് ഹിന്ദു നിയമം വിശേഷിപ്പിക്കുന്നത്.
ശരിക്കും ലേഡി ഓഫ് മൂണ് തന്നെ..; കറുപ്പില് തിളങ്ങി അനശ്വര, വൈറല് ചിത്രങ്ങള്
രണ്ടാം വിവാഹത്തിന് ശേഷവും പുരുഷന് തന്റെ ആദ്യ ഭാര്യയുമായി തന്നെ തുടരുന്നു എന്നാണ് ഇതിനര്ത്ഥം, മൊഹന്തി കൂട്ടിച്ചേര്ത്തു. അതേസമയം, വിവാഹത്തിന് ശേഷം വിവരം അറിയിക്കാന് തങ്ങളും പോലീസ് സ്റ്റേഷനില് പോയിരുന്നു എന്നും അവര്ക്ക് ഇക്കാര്യത്തില് കാര്യമായൊന്നും ചെയ്യാനില്ല എന്നും ഇരുവരുടെയും വിവാഹത്തിന് നേതൃത്വം നല്കിയ പ്രദേശത്തെ ട്രാന്സ്ജെന്ഡര് അസോസിയേഷന് പ്രസിഡന്റ് കാമിനി പറഞ്ഞു.
അത്തരത്തിലുള്ള ഏതെങ്കിലും സംഭവത്തില് ഒരു പീഡിത കക്ഷി പരാതി നല്കിയാല്, തങ്ങള് നിയമപ്രകാരം മാത്രമേ മുന്നോട്ട് പോകൂ എന്ന് നാര്ള പോലീസ് സ്റ്റേഷന്റെ ഇന് ചാര്ജ് ഇന്സ്പെക്ടര് മാധ്യമങ്ങളോട് പറഞ്ഞു. എന്നാല് തങ്ങളെ വളരെ സന്തുഷ്ടരാണെന്ന് ദമ്പതികള് പറഞ്ഞു. എന്റെ ഭാര്യ പോലും സന്തോഷവതിയാണ്, ഞങ്ങള്ക്ക് നിയമത്തെക്കുറിച്ച് ആശങ്കയില്ല, 32 കാരന് പറഞ്ഞു.