Click it and Unblock the Notifications
Just In
Don't Miss
-
ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ -
IPL 2024: 42ലും കിങ്, ഒരൊറ്റ ഓവറില് ധോണിക്ക് ഫിഫ്റ്റി! അപ്പോള് നേരത്തേ ഇറങ്ങിയാല് എന്താവും? -
ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ -
രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം -
കുറയാൻ മറന്നിട്ടില്ല, സംസ്ഥാനത്ത് സ്വർണവിലയിൽ നേരിയ കുറവ്, ഇന്നത്തെ നിരക്കറിയാം -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
ബര്‍ത്ത് ഡേ സ്വീറ്റ്‌സില്‍ വിഷം; ബന്ധുക്കളും സുഹൃത്തുക്കളും ഉള്‍പ്പെടെ 23 പേര്‍ മരിച്ചു
ഇസ്ലാമാബാദ്: കുട്ടിയുടെ പിറന്നാള്‍ ആഘോഷത്തിനായി വാങ്ങിയ സ്വീറ്റ്‌സ് കഴിച്ച് ബന്ധുക്കളും സുഹൃത്തുക്കളും ആയ 23 പേര്‍ മരിച്ചു. പാക്കിസ്ഥാനിലെ കരോര്‍ ഇസാന്‍ ഏരിയയിലാണ് സംഭവം. സ്വീറ്റ്‌സ് കഴിച്ച ഒട്ടേറെ പേര്‍ ആശുപത്രിയില്‍ ചികിത്സയിലാണ്. ഇവരില്‍ ചിലര്‍ ഗുരുതരാവസ്ഥയിലാണെന്ന പോലീസ് പറഞ്ഞു.
ആണ്‍കുട്ടിയുടെ പിറന്നാള്‍ ആഘോഷത്തിനായാണ് സമീപത്തെ ബേക്കറിയില്‍ നിന്നും സ്വീറ്റ്‌സ് വാങ്ങിയത്. ഇത് ബന്ധുക്കളും സുഹൃത്തുക്കളും ആയവര്‍ക്കിടയില്‍ വിതരണം ചെയ്തിരുന്നു. സ്വീറ്റ്‌സ് കഴിച്ച ആദ്യ ദിവസം തന്നെ 10 പേര്‍ മരിച്ചു. അടുത്ത ദിവസം 13പേരും മരിച്ചു. 52 പേര്‍ ഇപ്പോഴും ആശുപത്രിയില്‍ ചികിത്സയില്‍ കഴിയുകയാണ്.
സംഭവത്തില്‍ ബേക്കറി ഉടമകളടക്കം 3 പേരെ അറസ്റ്റ് ചെയ്തിട്ടുണ്ട്. ഒരാള്‍ ബേക്കറി ജീവനക്കാരനും രണ്ടുപേര്‍ ഉടമകളുമാണ്. ബേക്കറിക്ക് അടുത്തായി ഒരു കീടനാശിനി കട പ്രവര്‍ത്തിച്ചിരുന്നതായി പോലീസ് പറഞ്ഞു. കട നവീകരിക്കുന്നതിന്റെ ഭാഗമായി കീടനാശിനികള്‍ ബേക്കറിയില്‍ സൂക്ഷിച്ചിരുന്നതായി പോലീസ് കണ്ടെത്തി.
ഇവയില്‍ നിന്നാകും സ്വീറ്റ്‌സില്‍ വിഷം കലര്‍ന്നതെന്നാണ് കരുതുന്നത്. ആരെങ്കിലും മന:പൂര്‍വം കീടനാശിനി കലര്‍ത്തുകയായിരുന്നോ എന്നകാര്യം പരിശോധിച്ചുവരികയാണെന്ന് മുതിര്‍ന്ന പോലീസ് ഉദ്യോഗസ്ഥന്‍ റമീസ് ബുഖാരി അറിയിച്ചു.
