പാകിസ്താന് തീവ്ര ഭൂകമ്പത്തില് കുലുങ്ങും? വാനജ്യോതിഷിയുടെ പ്രവചനം, കാരണം ഇതാണ്
ലണ്ടന്: തുര്ക്കിയിലെ ഭൂകമ്പം ദിവസങ്ങള്ക്ക് മുമ്പ് പ്രവചിച്ച് പ്രശസ്തി നേടിയ ശാസ്ത്രജ്ഞനാണ് ഫ്രാങ്ക് ഹൂഗര്ബീറ്റ്സ്. നെതര്ലന്ഡ്സില് നിന്നുള്ള വാനശാസ്ത്രജ്ഞനായിട്ടാണ് അദ്ദേഹം അറിയപ്പെടുന്നത്. അദ്ദേഹത്തിന്റെ പുതിയ പ്രവചനങ്ങളാണ് വൈറലായി മാറിയിരിക്കുന്നത്. അടുത്ത 48 മണിക്കൂറിനുള്ളില് വമ്പനൊരു ഭൂകമ്പം പാകിസ്താനില് സംഭവിക്കുമെന്നാണ് അദ്ദേഹത്തിന്റെ പ്രവചനം.
പക്ഷേ ഇത് സാധ്യത മാത്രമാണെന്നും അദ്ദേഹം പറയുന്നു. ചരിത്രത്തിലെ തന്നെ ഏറ്റവും വലിയ ഭൂകമ്പങ്ങളിലൊന്നായി ഇവ ഇടംപിടിക്കുമെന്നും ഫ്രാങ്ക് പറയുന്നു. അതേസമയം ഫ്രാങ്കിന്റെ പ്രവചനം വന്ന് മണിക്കൂറുകള്ക്കുള്ളില് നേപ്പാള് മേഖലയില് ഭൂകമ്പം ഉണ്ടായിരിക്കുന്നത്. അടുത്ത 48 ദിവസത്തിനുള്ളില് പാകിസ്താനില് ശക്തമായ ഭൂകമ്പ സാധ്യതയെന്നാണ് പ്രവചനം. സോളാര് സിസ്റ്റം ജിയോമെട്രി സര്വേയിലെ ശാസ്ത്രജ്ഞനാണ് ഫ്രാങ്ക്.
അന്തരീക്ഷത്തിലെ മാറ്റങ്ങള് പാകിസ്താന് ചുറ്റും അനുഭവപ്പെട്ടിട്ടുണ്ട്. അത് ഭൂകമ്പ സാധ്യതയിലേക്കാണ് വിരല് ചൂണ്ടുന്നത്. ഒരുപക്ഷേ ശക്തമായ ഭൂകമ്പം അനുഭവപ്പെട്ടേക്കാമെന്നും ഫ്രാങ്ക് പറയുന്നു. അതേസമയം ഇപ്പോള് പ്രവചിച്ചത് സാധ്യതകളാണ്. ആരും ഉറപ്പായും ഭൂകമ്പം സംഭവിക്കുമെന്ന് കരുതി ഭയപ്പെടരുത്. അത്തരമൊരു നിഗമനം ഒഴിവാക്കുക. ജാഗ്രത ഉണ്ടായാല് മതിയെന്നും ഫ്രാങ്ക് പറഞ്ഞു. ഞങ്ങള് കണ്ടെത്തിയ ചില കാര്യങ്ങളാണ് ഇപ്പോഴത്തെ സാധ്യതകള് പ്രവചിക്കാന് കാരണമെന്ന് ഫ്രാങ്ക് പറഞ്ഞു.
ബലോചിസ്ഥാനിലെ ചമന് മേഖലയില് വൈദ്യുത ചാര്ജിലെ മാറ്റങ്ങളും, അതിന്റെ അളവ് വര്ധിക്കുന്നതും കണ്ടുവരുന്നുണ്ട്. ഇത് പാകിസ്താനില് അതിശക്തമായ ഭൂകമ്പത്തിന് കാരണമായേക്കാമെന്നാണ് ഫ്രാങ്ക് പറയുന്നത്. ഒക്ടോബര് മൂന്ന് വരെയുള്ള ദിവസങ്ങള് വളരെ നിര്ണായകമാണ്. സെപ്റ്റംബര് മുപ്പതിനാണ് അന്തരീക്ഷ മാറ്റങ്ങള് പാകിസ്താന് മേഖലയില് പ്രകടമായതെന്ന് ഫ്രാങ്ക് പറയുന്നു.
ഗ്രഹങ്ങളുടെ സ്ഥാനചലനത്തെ അടിസ്ഥാനമാക്കിയാണ് ഫ്രാങ്കും, അദ്ദേഹത്തിന്റെ ഏജന്സിയും ഭൂകമ്പം പ്രവചിക്കാറുള്ളത്. തുര്ക്കിയിലും സിറിയയിലുമായി നടന്ന ഭൂകമ്പങ്ങള് അത്തരത്തിലാണ് പ്രവചിച്ചതെന്ന് ഫ്രാങ്ക് പറയുന്നു. പാകിസ്താനിലെ മാറ്റങ്ങള് ശക്തമായ ഭൂകമ്പത്തിനുള്ള സൂചനയാവാം. മൊറോക്കോയില് അത്തരം സൂചന സത്യമായിരുന്നുവെന്നും ഫ്രാങ്ക് വ്യക്തമാക്കി.
അതേസമയം ഭൂകമ്പം സംഭവിക്കുമോ എന്ന് ഉറപ്പിച്ച് പറയാന് സാധിക്കില്ലെന്ന് ഫ്രാങ്ക് പറയുന്നു. എന്നാല് എല്ലാം സര്വനാശം ഉണ്ടാക്കുന്ന ഭൂകമ്പമാകുമെന്ന തരത്തില് അഭ്യൂഹമാണ് നടക്കുന്നത്. എന്നാല് അത് ഫ്രാങ്ക് തള്ളി. ഉറപ്പായും പറയാന് സാധിക്കുന്നതല്ല ഇക്കാര്യം. ചില സൂചനകളാണ് ഉള്ളത്. അത് സംഭവിക്കണമെന്നില്ലെന്നും ഫ്രാങ്ക് പറഞ്ഞു.
എന്നാല് കറാച്ചി നാഷണല് സുനാമി സെന്ററിന്റെ ഡയറക്ടര് ആമിര് ഹൈദര് ലഗാരി ഈ വാദങ്ങളെ തള്ളി. ഭൂകമ്പം ഒരിക്കലും പ്രവചിക്കാനാവില്ല. രണ്ട് ടെക്ടോണിക് പ്ലേറ്റുകളുടെ അതിര്ത്തി രേഖകല് വരുന്ന എവിടെ വേണമെങ്കിലും ഭൂകമ്പം സംഭവിക്കാം. അത് പാകിസ്താനിലേക്ക് എത്തുമെന്ന് പ്രവചിക്കുക അസാധ്യമാണെന്നും ലഗാരി പറഞ്ഞു.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ
Click it and Unblock the Notifications
Sign in with Google