ലോകകപ്പില് നിന്ന് ലഭിച്ച പ്രതിഫലം മുഴുവന് ദാനം ചെയ്തു; കാരുണ്യദീപമായി ഹക്കീം സിയേഷ്
റബാത്ത്: ചിലര് അങ്ങനെയാണ്... അവരുടെ പ്രവര്ത്തനങ്ങള് ഏവരെയും അത്ഭുതപ്പെടുത്തും. പണത്തിനും ആര്ഭാടത്തിനും അപ്പുറത്ത് ചില കരുതലുണ്ടാകും. ലോകകപ്പ് ഫുട്ബോള് കിരീടം അര്ജന്റീന നേടുകയും മെസ്സിയെ കായിക ലോകം വാഴ്ത്തുകയും ചെയ്യുന്നതിനിടെ അന്തര്ദേശീയ മാധ്യമങ്ങളില് നിറയുന്നത് ഹക്കീം സിയേഷിന്റെ പേരു കൂടിയാണ്.
മൊറോക്കോയുടെ ഈ താരം ലോകകപ്പ് ഫുട്ബോള് മല്സരത്തിന്റെ ഭാഗമായി തനിക്ക് ലഭിച്ച പ്രതിഫലം മുഴുവനായി ദാനം ചെയ്യുകയാണ്. മൊറോക്കോയിലെ ദരിദ്ര ജനതയുടെ ആവശ്യങ്ങള്ക്കായി മുഴുവന് പണവും ചെലവഴിക്കുമെന്ന് അദ്ദേഹം പ്രഖ്യാപിക്കുകയും ചെയ്തു...
തന്റെ രാജ്യത്തെ ജനങ്ങളാണ് തനിക്ക് വലുത് എന്ന് വ്യക്തമാക്കുകയാണ് ഹക്കീം സിയേഷ്. സെമി ഫൈനലില് ഫ്രാന്സിനോട് തോറ്റ് കളംവിട്ട മൊറോക്കോയുടെ പ്രകടനം ഏറെ പ്രശംസ പിടിച്ചുപറ്റിയിരുന്നു. അറബ് ലോകത്ത് നിന്ന് സെമി ഫൈനല് വരെ എത്തുന്ന ആദ്യത്തെ രാജ്യമാണ് മൊറോക്കോ. ഇവരുടെ പ്രകടനത്തെ അറബ് രാഷ്ട്ര നേതാക്കള് അഭിനന്ദിക്കുകയും ചെയ്തിരുന്നു.
277575 ഡോളറാണ് (ഏകദേശം 22 കോടിയിലധികം രൂപ) 29കാരനായ ഹക്കീം സിയേഷിന് ലോകകപ്പില് നിന്ന് പ്രതിഫലമായി ലഭിച്ചത്. ഈ തുക തീര്ച്ചയായും ഞാന് മൊറോക്കോയിലെ പാവപ്പെട്ടവര്ക്കായി വിതരണം ചെയ്യുമെന്ന് സിയേഷ് പറഞ്ഞു. മൊറോക്കോയ്ക്ക് വേണ്ടി കളിച്ചത് പണത്തിനല്ല. സ്വന്തം ഇഷ്ടപ്രകാരമാണ് രാജ്യത്തിന്റെ ജേഴ്സി അണിഞ്ഞതെന്നും ഹക്കീം സിയേഷ് പറഞ്ഞു.
2015ലാണ് ഹക്കീം സിയേഷ് മൊറോക്കോയുടെ ദേശീയ ടീമില് അംഗമായത്. ഇതുവരെ തനിക്ക് കിട്ടിയ എല്ലാ പ്രതിഫലവും അദ്ദേഹം കാരുണ്യ പ്രവര്ത്തനങ്ങള്ക്ക് വേണ്ടി മാറ്റിവച്ചു എന്നാണ് മാധ്യമങ്ങള് റിപ്പോര്ട്ട് ചെയ്യുന്നത്. ടീമിലെ ജീവനക്കാര്ക്കും അദ്ദേഹത്തിന്റെ സഹായം ലഭിക്കാറുണ്ട്. പ്രീമിയര് ലീഗില് ചെല്സിക്ക് വേണ്ടിയാണ് സിയേഷ് ബൂട്ട് കെട്ടുന്നത്.
ഹക്കീം സിയേഷ് തന്റെ പ്രതിഫലം മുഴുവന് ദാനം ചെയ്യുമെന്ന വിവരം ആദ്യം പുറത്തുവിട്ടത് മാധ്യമപ്രവര്ത്തകന് ഖാലിദ് ബെയ്ദൂന് ആണ്. മൊറോക്കോ സര്ക്കാരിലേക്കും വലിയ തുക സംഭാവന ചെയ്യുന്ന വ്യക്തിയാണ് ഹക്കീം സിയേഷ്. മൊറോക്കോയിലെ ഫുട്ബോള് ക്ലബ്ബുകള്ക്കും ആശുപത്രി നിര്മാണത്തിനും സിയേഷ് നേരത്തെ പണം നല്കിയിരുന്നു.
മൊറോക്കോ ടീമിന്റെ പ്രകടനം ഇത്തവണ ഏറെ ശ്രദ്ധിക്കപ്പെട്ടിരുന്നു. സെമി ഫൈനല് വരെ അവരെത്തിയത് അപ്രതീക്ഷിതമായാണ്. മികച്ച പ്രകടനമാണ് ടീമംഗങ്ങള് പുറത്തെടുത്തത്. ലോകകപ്പ് ഫുട്ബോളില് സെമി ഫൈനലില് പ്രവേശിക്കുന്ന ആദ്യ ആഫ്രിക്കന്, അറബ് രാജ്യമാണ് മൊറോക്കോ. സൗദി അറേബ്യയും ഖത്തറും യുഎഇയുമുള്പ്പെടെയുള്ള രാജ്യങ്ങളുടെ ഭരണകര്ത്താക്കള് മൊറോക്കോയെ അഭിനന്ദിച്ചിരുന്നു.
-
സ്വർണം 1 പവന് 2 ലക്ഷമല്ല, 4 പവൻ 2 ലക്ഷത്തിന് വാങ്ങാം: അൽപം കാത്തിരിക്കൂ, സ്വർണം കുത്തനെ ഇടിയുമെന്ന് വിദഗ്ധൻ -
വിഷുവിന് രാജാക്കന്മാരെ പോലെ വാഴാന് പോകുന്ന രാശിക്കാര്; നിങ്ങളുമുണ്ടോ? -
തൊഴില്പരമായി ധാരാളം മത്സരങ്ങള് നേരിടും, വിലപ്പെട്ട രേഖകള് നഷ്ടപ്പെടാം, രോഗങ്ങള്ക്കു സാധ്യത, നാൾഫലം -
ചന്ദ്രൻ രാശിമാറുന്നത് വെറുതെയല്ല; ഈ രാശിക്കാരുടെ പ്രണയത്തിൽ പുരോഗതി, ഒപ്പം സമ്പത്തും ആഡംബരവും -
'ഒന്നും പറയാതിരുന്നതിന് കാരണം ആ ഭയം';വീണ്ടും വീഡിയോയുമായി കിച്ചു സുധി..'ഇനി കാണാൻ അനുവദിക്കുമോയെന്ന അറിയില്ല'' -
'മഞ്ജു വാര്യർ ദിലീപിന് മെസേജ് അയച്ചു, നൽകിയത് വളരെ മോശം മറുപടി..'; പക്ഷെ നടൻ പറഞ്ഞത് മറ്റൊന്ന് -
സ്വര്ണവില കുത്തനെ താഴേക്ക്; ആഭരണം വാങ്ങുന്നവര് അറിയേണ്ട കാര്യം, രൂപ കുതിച്ചു, പവന് വില -
'വല്ലാത്ത തിളപ്പ് എടുക്കല്ലേ സഖാവെ,പിഷാരടിയെ തടഞ്ഞത് എന്തിനെന്ന് അന്വേഷിക്ക്';അഖിൽ മാരാർ -
മഞ്ജു വാര്യരും ദിലീപും വീണ്ടും ഒന്നിച്ചൊരു സിനിമ? നടൻറെ വാക്കുകൾ..മഞ്ജുവിൻ്റ മറുപടി ഇങ്ങനെ -
'മഞ്ജുവിന്റെ കുടുംബം തകർക്കുക കാവ്യയുടെ ജീവിത ലക്ഷ്യം, തുടക്കം മുതൽ ലക്ഷ്യമിട്ടത് ദിലീപിനെ'; വിമർശനം -
സ്വർണ വില ഇന്ന് ചതിച്ചു; ജ്വല്ലറികളിലേക്ക് പോകാൻ നിൽക്കുകയാണോ? ഇന്നത്തെ ഗ്രാം, പവൻ നിരക്ക് അറിയാം -
യുഡിഎഫിന് സീറ്റ് കുറഞ്ഞു.. എല്ഡിഎഫിന് തിരിച്ചുവരവ്; പുതിയ ലോക്പോള് സര്വേ പുറത്ത്
Click it and Unblock the Notifications
Sign in with Google