പ്രമുഖ അവതാരകന് ഉള്പ്പടെ 149 പലസ്തീനികളെ ഇസ്രയേല് തട്ടിക്കൊണ്ട് പോയി
ഗാസ: പലസ്തീനില് നിന്നും ഇസ്രയേലി സൈന്യം പിടകൂടിയവരില് ഏറെയും കുട്ടികളാണെന്ന് 2015 ലെ കണക്കുകളില് വ്യക്തമായിരുന്നു. 2016 ജനവരിയിലെ കണക്കുകള് വരുമ്പോഴും സ്ഥിതി വ്യത്യസ്തമല്ല. ഒരു മാസത്തില് തന്നെ 149 പലസ്തീനികളെയാണ് ഇസ്രയേല് പിടികൂടിയത്. ഇവരില് 74 പേര് കുട്ടികളാണ്. അതില് തന്നെ ഒന്പത് പേര് 12 വയസിന് താഴെ പ്രായമുള്ളവരാണ്.
വീടുകളില് റെയ്ഡ് നടത്തിയാണ് 52 പേരെ പിടികൂടിയത്. മാധ്യമപ്രവര്ത്തകര്ക്കും മാധ്യമ സ്ഥാപനങ്ങള്ക്കും നേരെയും അതിരൂക്ഷമായ ആക്രമണം ഉണ്ടായെന്ന് പലസ്തീനിയന് ഇന്ഡിപെന്ഡന്റ് കമ്മീഷന് ഫോര് ഹ്യൂമന് റൈറ്റ്സ് പുറത്ത് വിട്ട കണക്കുകളില് പറയുന്നു.
ഗാസയിലെ ഒരു മാധ്യമ സ്ഥാപനങ്ങള്ക്കുമേല് 51 തവണയാണ് ആക്രമണം ഉണ്ടായത്. ഒരു അറബ് റേഡിയോയുടെ അവതാരകനായ മഹ്മൂദ് അല് ഖവാസ്മി എന്ന മാധ്യമ പ്രവര്ത്തകനും ഇസ്രയേലി സൈന്യത്തിന്റെ പിടിയിലാണ്. ഇദ്ദേഹത്തിന്റെ വീട്ടില് നിന്നുമാണ് അറസ്റ്റ് ചെയ്തത്. അറസ്റ്റിനെതിരെ പ്രതിഷേധം വ്യാപകമാണ്.