ഗള്ഫില് ഖത്തര് മുഖ്യറോളില്; ഇറാനില് 'രഹസ്യനീക്കം'... സൗദി അറേബ്യ ഇതുവഴി വരുമോ?
ദോഹ/ടെഹ്റാന്: ഗള്ഫില് ഖത്തറിന്റെ ചടുലമായ നീക്കങ്ങള്. പുതിയ ചില ലക്ഷ്യവുമായി ഖത്തര് തന്ത്രപരമായ ഇടപെടല് നടത്തുന്നു എന്ന് റിപ്പോര്ട്ട്. കഴിഞ്ഞാഴ്ച അമേരിക്കന് സന്ദര്ശനം നടത്തിയ ഖത്തര് വിദേശകാര്യ മന്ത്രി തൊട്ടുപിന്നാലെ ഇറാനിലേക്ക് പോയി. എന്താണ് ഈ തുടര്ച്ചയായ സന്ദര്ശനത്തിന് കാരണം എന്ന് വ്യക്തമല്ല.
അന്താരാഷ്ട്ര മാധ്യമങ്ങളില് ചില നിരീക്ഷണങ്ങള് വരുന്നുണ്ട്. അതു ശരിയാണെങ്കില് ലോകത്തിന്റെ സാമൂഹിക-രാഷ്ട്രീയ പശ്ചാത്തലം മൊത്തമായി മാറിയേക്കും. ഗള്ഫിലെ കാര്യങ്ങള് സസൂക്ഷ്മം നിരീക്ഷിക്കുന്നവര്ക്ക് കൗതുകമുണര്ത്തുന്നതാണ് ഖത്തറിന്റെ പുതിയ നീക്കം. വിശദാംശങ്ങള് ഇങ്ങനെ...
സൗദി സഖ്യരാജ്യങ്ങള് ഖത്തറിനെതിരായ ഉപരോധം എടുത്തുകളഞ്ഞതോടെ ഖത്തര് പുതിയ ചില ദൗത്യങ്ങള് ഗള്ഫ് മേഖലയില് ഏറ്റെടുത്തിരിക്കുകയാണ്. ദശാബ്ദാങ്ങളായി അകന്നുനില്ക്കുന്ന സൗദി അറേബ്യ-ഇറാന് ശക്തികളെ അനുരഞ്ജനത്തിന്റെ പാതയിലെത്തിക്കുകയാണ് ഖത്തറിന്റെ ഒരു ലക്ഷ്യം. സൗദി-ഇറാന് ചര്ച്ചയില് മധ്യസ്ഥത വഹിക്കാന് തയ്യറാണ് എന്ന ഖത്തര് അടുത്തിടെ പ്രഖ്യാപിച്ചിരുന്നു.
അറബ് ലോകത്തെ സുന്നികളുടെ അപ്രഖ്യാപിത നേതാവാണ് സൗദി. ഷിയാ വിഭാഗത്തിന്റെ നേതൃത്വം ഇറാനാണ്. മുസ്ലിങ്ങള്ക്കിടയിലെ ഈ രണ്ട് ചിന്താധാരകള് തമ്മിലുള്ള അകല്ച്ചയാണ് പശ്ചിമേഷ്യയിലെ മിക്ക പ്രശ്നങ്ങളുടെയും മൂലഹേതു. ഇവര്ക്കിടയില് സമവായമുണ്ടായാല് സാഹചര്യം അടിമുടി മാറുമെന്ന് ഖത്തര് മനസിലാക്കുന്നു.
ഗള്ഫില് സൗദിയും യുഎഇയും ബഹ്റൈനും ഒരേ നിലപാടുകാരാണ്. ഒമാന് ഒരു പക്ഷത്തും നിലയുറപ്പിക്കാറില്ല. കുവൈത്ത് ആകട്ടെ രാഷ്ട്രീയ വിഷയങ്ങളില് പക്ഷം ചേരാതിരിക്കുകയും സമവായത്തിന് വേണ്ടി മുന്കൈയ്യെടുക്കുകയും ചെയ്യുന്ന രാജ്യമാണ്. ഗള്ഫിലെ മറ്റു രാജ്യങ്ങളില് നിന്ന് വ്യത്യസ്തമായി ഖത്തര് ഇറാനുമായി ബന്ധം നിലനിര്ത്തുന്നു.
ഡൊണാള്ഡ് ട്രംപിന്റെ ഭരണവേളയില് ഇറാനെ പൂര്ണമായും അകറ്റുന്ന നിലപാടാണ് അമേരിക്ക സ്വീകരിച്ചത്. ഇറാനുമായി ഒബാമ ഭരണകൂടം ഒപ്പുവച്ച ആണവ കരാറില് നിന്ന് ട്രംപ് പിന്മാറുകയും ഇറാനെതിരെ ഉപരോധം പ്രഖ്യാപിക്കുകയും ചെയ്തിരുന്നു. എന്നാല് ട്രംപ് മാറി ജോ ബൈഡന് വന്ന ശേഷം അമേരിക്കന് നിലപാടില് ചില മാറ്റങ്ങള് പ്രകടമാണ്.
ആണവ കരാറില് ബൈഡന് ഭരണകൂടം ഇറാനുമായി വീണ്ടും ചര്ച്ചയ്ക്ക് ശ്രമിക്കുകയാണ്. ഖത്തര് വിദേശകാര്യ മന്ത്രി ശൈഖ് മുഹമ്മദ് ബിന് അബ്ദുറഹ്മാന് അല്ത്താനി കഴിഞ്ഞാഴ്ച വാഷിങ്ടണിലെത്തി യുഎസ് ഭരണകര്ത്താക്കളുമായി ചര്ച്ച നടത്തിയിരുന്നു. ഗള്ഫ് മേഖലയിലെ പ്രധാന വിഷയങ്ങളാണ് ചര്ച്ച ചെയ്തത് എന്നാണ് റിപ്പോര്ട്ടുകള്.
അമേരിക്കയില് നിന്ന് തിരിച്ച് ഖത്തറിലെത്തിയ ഉടനെയാണ് ശൈഖ് മുഹമ്മദ് ഇറാനിലേക്ക് പോയത്. ഇറാന് വിദേശകാര്യമന്ത്രി മുഹമ്മദ് ജവാദ് സരീഫുമായി അദ്ദേഹം ചര്ച്ച നടത്തി. പ്രാദേശികവും അന്തര്ദേശീയവുമായ വിഷയങ്ങള് ചര്ച്ച ചെയ്തു എന്ന് മാത്രമാണ് ഇരു രാജ്യങ്ങളുടെയും പ്രതിനിധികള് പറയുന്നത്. എന്നാല് ആണവ കരാറും സൗദിയുമായുള്ള ചര്ച്ചയുമാണ് വിഷയം എന്ന് റിപ്പോര്ട്ടുകള് സൂചിപ്പിക്കുന്നു.
ഹസന് റൂഹാനിയുടെ ഭരണ കാലാവധി ഇറാനില് അവസാനിക്കുകയാണ്. പുതിയ പ്രസിഡന്റായി തിരഞ്ഞെടുക്കപ്പെട്ട ഇബ്രാഹീം റെയ്സി ആഗസ്റ്റ് ആദ്യവാരം ചുമതലയേല്ക്കും. ഇതോടെ ആണവ ചര്ച്ച വേഗത്തിലാക്കാനാണ് അമേരിക്കയുടെ ആലോചന. ഇതുമായി ബന്ധപ്പെട്ട കാര്യങ്ങളാണ് ഖത്തര് മന്ത്രിയുടെ സന്ദര്ശനത്തില് ചര്ച്ച ചെയ്തതെന്ന് പറയപ്പെടുന്നു. ഒപ്പം സൗദിയുമായുള്ള സമാവായ ചര്ച്ചയും വിഷയമായത്രെ.
ഹോട്ട് ലുക്കില് ബിഗ് ബോസ് താരം ഹിമ ശങ്കര്; ഫോട്ടോഷൂട്ട് കണ്ട് ഞെട്ടി ആരാധകര്
Recommended Video
-
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
ട്രംപിന്റെ ബിസിനസ് ബുദ്ധി? 20 മിനുട്ടില് 840 കോടിയുടെ ലാഭം, ഇറാന് പ്രഖ്യാപനം വ്യാജമോ -
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
ഹിറ്റ്ലറെ വിറപ്പിച്ച ആ അമേരിക്കൻ സൈന്യം ഇറാനിലേക്ക്; വൻ യുദ്ധത്തിന് കളമൊരുങ്ങുന്നു? -
ഇറാനെ വരുതിയിലാക്കാന് അമേരിക്ക; ചര്ച്ചകള്ക്കിടയിലും ആക്രമണം തുടര്ന്ന് ഇസ്രായേലും ഇറാനും -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
ഗ്യാസ് കട്ടാകുമോ? പേടി വേണ്ട! എൽപിജി പ്രതിസന്ധിയിൽ കേന്ദ്രത്തിന്റെ നിർണ്ണായക ഇടപെടൽ -
എൽപിജി പ്രതിസന്ധി തീർക്കാൻ നിർണായക നീക്കം; പുതിയ സിലിണ്ടർ വരാൻ സാധ്യത -
ട്രിപ്പ് പ്ലാന് ചെയ്യുകയാണോ? 12 രാജ്യങ്ങളിലേക്കുള്ള സര്വീസുകള് നിര്ത്തിവച്ച് ഖത്തര് എയര്വേയ്സ് -
സൗദി അറേബ്യ സ്ഥാപിക്കുന്നതിന് മുമ്പ് മക്കയും മദീനയും ഭരിച്ചത് ആര്? തുര്ക്കിക്ക് ഇവിടെ എന്തുകാര്യം -
ഊര്ജ പ്രതിസന്ധി; അവലോകന യോഗവുമായി പ്രധാനമന്ത്രി; ആഭ്യന്തര വിപണിയില് ക്ഷാമം ഉണ്ടാകരുതെന്ന് നിര്ദേശം
Click it and Unblock the Notifications
Sign in with Google