ഒന്നാം സ്ഥാനം നിലനിർത്തി റഷ്യ: സൗദിക്കും യുഎസിനും വന് തിരിച്ചടി, യുഎഇക്ക് മുന്നേറ്റം
ഡല്ഹി: പ്രതിസന്ധികള് നിലനില്ക്കുന്നുണ്ടെങ്കിലും ഇന്ത്യയുടെ ഏറ്റവും വലിയ എണ്ണ ഇറക്കുമതിക്കാരായി റഷ്യ ഇപ്പോഴും തുടരുന്നു. വാണിജ്യ മന്ത്രാലയത്തിൻ്റെ കണക്കുകൾ പ്രകാരം ജനുവരിയിൽ ഇന്ത്യയിലേക്ക് കൊണ്ടുവരുന്ന ക്രൂഡിൻ്റെ മൂന്നിലൊന്നും റഷ്യയില് നിന്നാണ്. റഷ്യയിൽ നിന്നുള്ള ക്രൂഡ് ഓയിൽ വിതരണത്തിൻ്റെ മൂല്യം വർഷം തോറും 41% ഉയർന്ന് 4.47 ബില്യൺ ഡോളറിലെത്തിയതായും കണക്കുകള് വ്യക്തമാക്കുന്നു.
റഷ്യയില് നിന്നുള്ള ക്രൂഡ് ഇറക്കുമതി 2023 ഡിസംബറിലെ 3.92 ബില്യൺ ഡോളറിൽ നിന്ന് 14% വർദ്ധിച്ചതായും കണക്കുകള് കാണിക്കുന്നു. 2023 ൽ ഇന്ത്യയിലേക്കുള്ള ഏറ്റവും വലിയ ക്രൂഡ് വിതരണക്കാരനായിരുന്നു റഷ്യ. ഇന്ത്യന് ഇറക്കുമതിയുടെ 30% ത്തിലധികം റഷ്യയില് നിന്നായിരുന്നു. ചെങ്കടൽ പ്രതിസന്ധിയും അമേരിക്കയുടെ ഉപരോധ ഭീഷണിയും നിലനില്ക്കുന്നുണ്ടെങ്കിലും 2024 ൻ്റെ തുടക്കത്തിലും റഷ്യ ഇറക്കുമതിയില് മുന് നിര ഇറക്കുമതിക്കാരായിരിക്കുമെന്നാണ് എസ് ആന്ഡ് ഗ്ലോബൽ കമ്മോഡിറ്റി ഇൻസൈറ്റ്സിൻ്റെ റിപ്പോർട്ട് ചൂണ്ടിക്കാട്ടുന്നത്.
ചെങ്കടലിലെ ഹൂത്തികളുടെ ആക്രമണത്തിൽ റഷ്യൻ എണ്ണയുടെ നീക്കത്തെ ആദ്യം ബാധിച്ചില്ലെങ്കിലും, റഷ്യൻ എണ്ണ ചരക്കുകൾ ആക്രമണത്തിന് വിധേയമാകുമെന്ന സമീപകാല റിപ്പോർട്ടുകളോടെ സ്ഥിതിഗതികൾ മാറി. പ്രതിസന്ധി ഗുഡ് ഹോപ്പ് മുനമ്പ് വഴി വ്യത്യസ്ത വഴികളിലൂടെ സഞ്ചരിക്കാൻ കപ്പലുകളെ നിർബന്ധിതരാക്കി. ഇതോടെ ചിലവ് വർധിക്കുകയും ചെയ്തു.
റഷ്യയിൽ നിന്നുള്ള എണ്ണ ലഭ്യത വർധിച്ചതോടെ ഗൾഫ് മേഖലയിലെ പരമ്പരാഗത വിതരണക്കാരിൽ നിന്നുള്ള ഇറക്കുമതി വർഷാവർഷം കുറഞ്ഞു. ഡിസംബറിൽ ഇന്ത്യയ്ക്കുള്ള ക്രൂഡ് ഓയിലിൻ്റെ രണ്ടാമത്തെ വലിയ സ്രോതസ്സായിരുന്നു ഇറാഖ്. 2.54 ബില്യൺ ഡോളർ മൂല്യമുള്ള ചരക്ക് ഇറാഖില് നിന്നും വിതരണം ചെയ്തു. ഇത് ആകെ നിരക്കില് 5% ഉയർന്നതാണ്.
വലിയ തിരിച്ചടി നേരിടേണ്ടി വന്നത് സൗദി അറേബ്യയ്ക്കാണ്. സൗദി അറേബ്യയിൽ നിന്നുള്ള വിതരണം ജനുവരിയിൽ 31.3 ശതമാനം ഇടിഞ്ഞ് 1.55 ബില്യൺ ഡോളറായി. മികച്ച അഞ്ച് വിതരണക്കാരിൽ, യുണൈറ്റഡ് അറബ് എമിറേറ്റ്സും (യു എ ഇ) യുഎസും യഥാക്രമം 980.24 മില്യൺ ഡോളറും 107.49 മില്യൺ ഡോളറുമായി അടുത്തടുത്ത സ്ഥാനങ്ങളിലുണ്ട്. റഷ്യന് എണ്ണയ്ക്ക് പ്രതിസന്ധി നേടുകയാണെങ്കില് അറബ് രാജ്യങ്ങളുമായുള്ള ഇടപാട് ഇന്ത്യ വീണ്ടും ശക്തമാക്കിയേക്കും.
2024 ജനുവരിയിൽ ഇന്ത്യയിലേക്കുള്ള എണ്ണ വിതരണത്തിൽ യു എ ഇ 6.70% വർദ്ധനവോടെ മുന്നേറുകയും ചെയ്തു. ഒരു വർഷം മുമ്പ് യു എ ഇയുടെ വിഹിതം 918.63 മില്യൺ ഡോളറായിരുന്നു. ഇതിനു വിപരീതമായി, യുഎസിൽ നിന്ന് ഇന്ത്യയിലേക്കുള്ള ക്രൂഡ് ഓയിൽ വിതരണം ജനുവരിയിൽ 91% ഇടിഞ്ഞ് 107.49 മില്യൺ ഡോളറായി.
ഉക്രെയ്ൻ സംഘർഷത്തിന് മുമ്പ്, 2021-22 സാമ്പത്തിക വർഷത്തിൽ, റഷ്യൻ എണ്ണ ഇന്ത്യയുടെ മൊത്തം എണ്ണ ഇറക്കുമതിയുടെ 2% മാത്രമായിരുന്നു. ആ സമയത്ത് ഇറാഖായാരുന്നു ഇന്ത്യയുടെ ഏറ്റവും വലിയ വിതരണക്കാർ. സൗദി അറേബ്യയും യുഎഇയും തൊട്ടുപിന്നിൽ. ഉക്രൈന് എന്നിരുന്നാലും, അധിനിവേശത്തിനു ശേഷം, എണ്ണ വിലയിൽ ഗണ്യമായ കിഴിവ് നൽകിയതിനാൽ റഷ്യ മുകളിലേക്ക് കയറുകയായിരുന്നു.
റഷ്യ നല്കുന്ന കിഴിവുകൾ ബാരലിന് 30 ഡോളറിൽ നിന്ന് ബാരലിന് 4-6 ഡോളറായി കുറഞ്ഞിട്ടും, പാശ്ചാത്യ ആശങ്കകൾക്കിടയിലും ഇന്ത്യയുടെ റഷ്യൻ എണ്ണ ഇറക്കുമതി തുടരുകയാണ്. ഇന്ധനത്തിൻ്റെ താങ്ങാവുന്ന വിലയും ലഭ്യതയും ഉറപ്പാക്കാനും ഊർജ സുരക്ഷ കൈവരിക്കാനും എണ്ണ ശുദ്ധീകരണ ശാലകൾ വിവിധ രാജ്യങ്ങളില് നിന്ന് വിലകുറഞ്ഞ എണ്ണ വാങ്ങാൻ ശ്രമിക്കുമെന്ന് പെട്രോളിയം മന്ത്രി ഹർദീപ് സിംഗ് പുരി വീണ്ടും അടുത്തിടെ വ്യക്തമാക്കിയിരുന്നു.
ജനുവരിയിൽ, ഇന്ത്യയുടെ മൊത്തം എണ്ണ ഇറക്കുമതി ബിൽ തുടർച്ചയായി വർഷാവർഷം 0.1% വളർച്ചയോടെ 4% വർദ്ധിച്ച് 12.04 ബില്യൺ ഡോളറിലെത്തി. അതിനിടെ മാർച്ച് 13 ന്, ഉക്രെയ്ൻ റഷ്യൻ എണ്ണ ശുദ്ധീകരണശാലകൾക്ക് നേരെ നടത്തിയ ആക്രമണത്തെത്തുടർന്ന് ക്രൂഡ് ഓയിൽ വില 2% ഉയർന്നു. കുറഞ്ഞ എണ്ണ ഉൽപ്പാദനം നിലനിർത്താനുള്ള റഷ്യ ഉൾപ്പെടുന്ന ഒപെക് സഖ്യത്തിൻ്റെ തീരുമാനത്തോടൊപ്പം ഭൗമരാഷ്ട്രീയ പിരിമുറുക്കങ്ങൾ വർദ്ധിച്ചതും ക്രൂഡ് ഓയിൽ വില ബാരലിന് 85 ഡോളറിന് മുകളിൽ എത്തിക്കുകയായിരുന്നു.
Click it and Unblock the Notifications
Sign in with Google