സൗദി അറേബ്യയും ഇറാഖും വേണ്ട: ഇന്ത്യയുടെ ആ ആവശ്യം പൂർത്തികരിക്കാന് തങ്ങള്ക്ക് സാധിക്കും
ലോകത്തിലെ ഏറ്റവും വലിയ മൂന്നാമത്തെ ഊർജ ഉപഭോക്താവായ രാജ്യമാണ് ഇന്ത്യ. അതായത് ആവശ്യമായ ക്രൂഡ് ഓയിലിന്റേയും ലിക്വിഫൈഡ് നാച്വറൽ ഗ്യാസിന്റേയുമൊക്കെ (എൽഎൻജി) 90 ശതമാനത്തോളം ഇറങ്ങുമതി ചെയ്യുന്ന രാജ്യമാണ് ഇന്ത്യ. നിലവില് റഷ്യയേയും അറബ് രാഷ്ട്രങ്ങളേയും ഇന്ത്യ ഈ ഊർജ ആവശ്യകത നിറവേറ്റാനായി പ്രധാനമായും ആശ്രയിക്കുന്നത്. എന്നാല് ഇന്ത്യയുടെ പ്രധാന ഊർജ്ജ വിതരണക്കാരനാകാൻ യുഎസിന് കഴിയുമെന്നാണ് ഒരു യുഎസ് എംബസി ഉദ്യോഗസ്ഥ അവകാശപ്പെടുന്നത്.
റഷ്യൻ ക്രൂഡ് ഓയിൽ വാങ്ങുന്നത് നിർത്താൻ യുഎസ് പ്രസിഡന്റ് ഡൊണാൾഡ് ട്രംപ് ഇന്ത്യയ്ക്ക് മേൽ സമ്മർദം ചെലുത്തുന്ന സാഹചര്യത്തിൽ, ഇന്ത്യയിലെ യുഎസ് എംബസി ഊർജ സുരക്ഷയ്ക്കും സാമ്പത്തിക വളർച്ചയ്ക്കുമായി ഉയർന്ന നിലവാരമുള്ള ഉൽപ്പന്നങ്ങളും സേവനങ്ങളും കയറ്റുമതി ചെയ്യാൻ യുഎസ് പ്രതിജ്ഞാബദ്ധമാണെന്നും യുഎസ് എംബസിയിലെ പ്രിൻസിപ്പൽ കൊമേഴ്സ്യൽ ഓഫീസർ ഷിയാബിംഗ് ഫെങ് വ്യക്തമാക്കി.
ഇന്തോ-അമേരിക്കൻ ചേംബർ ഓഫ് കൊമേഴ്സിന്റെ (ഐഎസിസി) ഊർജ ഉച്ചകോടിയിൽ പങ്കെടുത്ത് സംസാരിക്കുകയായിരുന്നു ഷിയാബിംഗ് ഫെങ്. "ഭാവിയിലേക്ക് നോക്കുമ്പോൾ, ഇന്ത്യയുടെ ഊർജ സുരക്ഷയും സാമ്പത്തിക വളർച്ചയും കൈവരിക്കാൻ യുഎസ് ഉയർന്ന നിലവാരമുള്ള ഉൽപ്പന്നങ്ങളും സേവനങ്ങളും കയറ്റുമതി ചെയ്ത് ഇന്ത്യയുമായി സഹകരിക്കാൻ പ്രതിജ്ഞാബദ്ധമാണ്," ഉദ്യോഗസ്ഥ പറഞ്ഞതായി ബിസിനസ് ലൈന് വ്യക്തമാക്കുന്നു.
ക്രൂഡ് ഓയിലിനും എൽഎൻജിക്കും യുഎസ് ഇന്ത്യയുടെ പ്രധാന വിതരണക്കാരനായി മാറും. പ്രധാനമന്ത്രി നരേന്ദ്ര മോദിയുടെ യുഎസ് സന്ദർശന വേളയിൽ, അദ്ദേഹവും പ്രസിഡന്റ് ട്രംപും ആഗോള ഊർജ വിപണിയെ രൂപപ്പെടുത്തുന്നതിൽ ഇന്ത്യയും യുഎസും പ്രമുഖ ഉപഭോക്താവും ഉൽപ്പാദകനുമാണെന്ന് സ്ഥിരീകരിക്കുകയും ഊർജ സുരക്ഷയ്ക്കായി ഉഭയകക്ഷി പങ്കാളിത്തം ഉറപ്പാക്കുകയും ചെയ്തിരുന്നു. ഇതിൽ ഓയിൽ, ഗ്യാസ്, ന്യൂക്ലിയർ ഊർജം എന്നിവ ഉൾപ്പെടുന്നു.
ആഗോള ഊർജ ലാൻഡ്സ്കേപ്പ് വലിയ പരിവർത്തനത്തിന് വിധേയമായിക്കൊണ്ടിരിക്കുകയാണ്. ഭൗമരാഷ്ട്രീയ അസ്ഥിരത, വിപണി തടസ്സങ്ങൾ, വിതരണ ശൃംഖലയിലെ തടസ്സങ്ങൾ എന്നിവ സുരക്ഷിതമായ ഊർജ സംവിധാനങ്ങൾ ഉറപ്പാക്കേണ്ടതിന്റെ പ്രാധാന്യം എടുത്തുകാട്ടുന്നു. ഇന്ത്യയും യുഎസും ഊർജ സ്രോതസ്സുകളെ വൈവിധ്യവൽക്കരിക്കുന്നതിനും അടിസ്ഥാന സൗകര്യങ്ങൾ മെച്ചപ്പെടുത്തുന്നതിനും പ്രതിജ്ഞാബദ്ധമാണെന്നും അവർ കൂട്ടിച്ചേർത്തു.
പ്രകൃതി വാതകം, ന്യൂക്ലിയർ ഊർജം, ഉയർന്നുവരുന്ന ഊർജ സാങ്കേതികവിദ്യകൾ എന്നിവയിൽ യുഎസിന്റെ വൈദഗ്ധ്യം ഇന്ത്യയുടെ ഊർജ സുരക്ഷയ്ക്കും ഗ്രിഡ് ആധുനികവൽക്കരണ ലക്ഷ്യങ്ങൾക്കും സഹായകമാകും. യുഎസ് കമ്പനികൾക്ക് ഉൽപ്പന്നങ്ങൾ വിൽക്കുന്നതിന് പുറമെ, ഇന്ത്യൻ കമ്പനികളുമായി പങ്കാളിത്തത്തിൽ ഊർജ സുരക്ഷയും ഗ്രിഡ് ആധുനികവൽക്കരണവും മെച്ചപ്പെടുത്താൻ കഴിയും.
റഷ്യയുടെ വിതരണത്തിന് ഏതെങ്കിലും തരത്തിലുള്ള തടസ്സമുണ്ടായാല് പരമ്പരാഗ വ്യാപാര പങ്കാളികളായ ഇറാഖ്, സൌദി അറേബ്യ, യുഎഇ എന്നീ രാഷ്ട്രങ്ങളില് നിന്നും ഇന്ത്യ കൂടുതല് ഇറക്കുമതി ചെയ്യുമെന്നാണ് പ്രതീക്ഷിക്കുന്നത്. എന്നാല് നിലവില് ഇറക്കുമതി വിഹിതത്തില് അഞ്ചാം സ്ഥാനത്തുള്ള യുഎസിന്റെ നീക്കം ഇന്ത്യയുടെ പ്രധാന വിതരണക്കാരായി മാറാനാണ്.
Click it and Unblock the Notifications
Sign in with Google