സൗദിയെ ഇറാനെതിരേ തിരിക്കുന്നത് അമേരിക്ക; ആരോപണവുമായി ആയത്തുല്ല ഖാംനയീ
തെഹ്റാന്: തങ്ങളുടെ സഖ്യകക്ഷിയായ സൗദിയെ ഇറാനെ ആക്രമിക്കാന് അമേരിക്ക പ്രേരിപ്പിക്കുകയാണെന്നും അതുവഴി മേഖലയില് പ്രതിസന്ധി സൃഷ്ടിക്കുകയാണ് അവരുടെ ലക്ഷ്യമെന്നും ഇറാന് ആത്മീയ നേതാവ് ആയത്തുല്ല അലി ഖാംനയീ. അമേരിക്ക മേഖലയില് നിന്ന് കൈയെടുക്കുന്നതാണ് നല്ലതെന്നും ഇറാനുമായി എതിരിടാന് വന്നവരാരും ജയിച്ചിട്ടില്ലെന്നും ഔദ്യോഗിക ടെലവിഷനില് നടത്തിയ പ്രഭാഷണത്തില് അദ്ദേഹം വ്യക്തമാക്കി.
ഇറാനെ എതിരിടാന് അമേരിക്ക പയറ്റുന്ന വഴികളിലൊന്ന് മേഖലയിലെ ഭരണപരിചയമില്ലാത്ത നേതാക്കളെ ആക്രമണത്തിന് പ്രേരിപ്പികയെന്നതാണ്- 32കാരനായ സൗദി കിരീടാവകാശി മുഹമ്മദ് ബിന് സല്മാനെ സൂചിപ്പിച്ച് അദ്ദേഹം പറഞ്ഞു. ഇറാനെതിരേ സൗദി അറേബ്യയെ പ്രകോപിപ്പിക്കുകയാണ് അമേരിക്ക ചെയ്യുന്നത്. മധ്യപൗരസ്ത്യ ദേശത്തെ കൂടുതല് പ്രതിസന്ധിയിലേക്ക് തള്ളിയിടുകയാണ് അവരുടെ ലക്ഷ്യം. മുസ്ലിം രാജ്യങ്ങളെ പരസ്പരം തമ്മിലടിപ്പിക്കാനാണ് അവര് ലക്ഷ്യമിടുന്നതെന്നും ഖാംനയീ പറഞ്ഞു.
ഈ സര്ക്കാറുകള്ക്ക് ബുദ്ധിയുണ്ടെങ്കില് അവര് ഇറാനെ ആക്രമിക്കില്ല. ഇറാനെ ആക്രമിച്ചാല് തോറ്റ് തൊപ്പിയിടേണ്ടിവരുമെന്നും ഖാംനയീ മുന്നറിയിപ്പ് നല്കി.
മധ്യപൗരസ്ത്യ ദേശത്തെ രാജ്യത്തിന്റെ സ്വാധീനം പരിമിതപ്പെടുത്താന് ഇറാന് ഉദ്ദേശിക്കുന്നില്ല. ഞങ്ങളുടെ നാടായ മിഡിലീസ്റ്റില് നിന്ന്, പശ്ചിമേഷ്യയില് നിന്ന് പേര്ഷ്യന് ഗള്ഫില് നിന്ന് പിന്മാറേണ്ടത് അമേരിക്കയാണ്- അദ്ദേഹം വ്യക്തമാക്കി.
മേഖലയിലെ ആധിപത്യത്തിന് വേണ്ടിയുള്ള ഇറാന്റെയും സൗദിയുടെയും മല്സരത്തിന് ഏറെ കാലത്തെ പഴക്കമുണ്ട്. ഇറാഖ്, സിറിയ, ലബനാന്, യമന് തുടങ്ങിയ രാജ്യങ്ങളില് ഇറാനുള്ള സ്വാധീനം മറികടക്കാന് സൗദിക്ക് പിന്തുണ നല്കാനുള്ള ശ്രമത്തിലാണ് അമേരിക്ക. അതേസമയം, ഒരു രാജ്യത്തെ നിയമാനുസൃത ഭരണകൂടം തങ്ങളോട് ആവശ്യപ്പെടുന്ന കാലത്തോളം അവിടങ്ങളില് ഇറാന്റെ സാന്നിധ്യമുണ്ടാവുമെന്നും ഇക്കാര്യത്തില് അമേരിക്കന് സമ്മര്ദ്ദം വിലപ്പോവില്ലെന്നും അദ്ദേഹം വ്യക്തമാക്കി.
-
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ഇറാനെ വരുതിയിലാക്കാന് അമേരിക്ക; ചര്ച്ചകള്ക്കിടയിലും ആക്രമണം തുടര്ന്ന് ഇസ്രായേലും ഇറാനും -
ഹിറ്റ്ലറെ വിറപ്പിച്ച ആ അമേരിക്കൻ സൈന്യം ഇറാനിലേക്ക്; വൻ യുദ്ധത്തിന് കളമൊരുങ്ങുന്നു? -
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
ട്രംപിന്റെ ബിസിനസ് ബുദ്ധി? 20 മിനുട്ടില് 840 കോടിയുടെ ലാഭം, ഇറാന് പ്രഖ്യാപനം വ്യാജമോ -
സൗദി അറേബ്യ സ്ഥാപിക്കുന്നതിന് മുമ്പ് മക്കയും മദീനയും ഭരിച്ചത് ആര്? തുര്ക്കിക്ക് ഇവിടെ എന്തുകാര്യം -
ഖത്തറിന്റെ ആ മോഹം നടന്നേക്കില്ല; 10000 കോടിക്ക് 5 പദ്ധതി മതിയാകില്ല, പ്ലാന് ബി കണ്ടെത്തിയേക്കും -
സൗദി അറേബ്യയും യുഎഇയും സുപ്രധാന നീക്കത്തിന്; ദമ്മാമില് നിന്ന് ഷാര്ജയിലേക്ക് പുതിയ പാത -
എൽപിജി പ്രതിസന്ധി തീർക്കാൻ നിർണായക നീക്കം; പുതിയ സിലിണ്ടർ വരാൻ സാധ്യത -
ഗ്യാസ് കട്ടാകുമോ? പേടി വേണ്ട! എൽപിജി പ്രതിസന്ധിയിൽ കേന്ദ്രത്തിന്റെ നിർണ്ണായക ഇടപെടൽ -
ഊര്ജ പ്രതിസന്ധി; അവലോകന യോഗവുമായി പ്രധാനമന്ത്രി; ആഭ്യന്തര വിപണിയില് ക്ഷാമം ഉണ്ടാകരുതെന്ന് നിര്ദേശം
Click it and Unblock the Notifications
Sign in with Google