കടകംപള്ളിയാണ് അത് ചെയ്തത്.. അവാര്ഡ് പരിഹാരമാകില്ല; കേരളശ്രീ പുരസ്കാരം നിരസിച്ച് കാനായി
കണ്ണൂര്: പത്മ പുരസ്കാരങ്ങളുടെ മാതൃകയില് സംസ്ഥാന സര്ക്കാര് ആദ്യമായി നല്കുന്ന കേരള പുരസ്കാരം നിരസിച്ച് ശില്പി കാനായി കുഞ്ഞിരാമന്. സര്ക്കാര് പ്രഖ്യാപിച്ച കേരളശ്രീ പുരസ്കാരം സ്വീകരിക്കില്ല എന്ന് കാനായി കുഞ്ഞിരാമന് വ്യക്തമാക്കി. ശില്പങ്ങളുടെ ശോഭ കെടുത്തുന്ന നടപടികളില് പ്രതിഷേധിച്ചാണ് തന്റെ തീരുമാനം എന്നും അദ്ദേഹം തുറന്നടിച്ചു.
ശില്പങ്ങള് സംരക്ഷിക്കണം എന്ന ആവശ്യം സംസ്ഥാന സര്ക്കാര് ഗൗരവമായി എടുക്കുന്നില്ല. കണ്ണൂര് പയ്യാമ്പലം പാര്ക്കില് താന് നിര്മിച്ച ശില്പങ്ങള് അവഗണിക്കപ്പെട്ടു എന്നും അദ്ദേഹം ചൂണ്ടിക്കാട്ടി. കടകംപള്ളി സുരേന്ദ്രന് ടൂറിസം മന്ത്രിയായിരിക്കെ ശംഖുമുഖം, വേളി പാര്ക്കുകള് നശിപ്പിച്ചു എന്നും കാനായി കുഞ്ഞിരാമന് ആരോപിച്ചു.
ആര്ക്ക് വേണ്ടിയാണ് ഇതെല്ലാം ചെയ്തത് എന്ന് തനിക്കറിയാം എന്നും എന്നാല് താന് അത് പറയുന്നില്ല എന്നും കാനായി കുഞ്ഞിരാമന് കൂട്ടിച്ചേര്ത്തു. അവാര്ഡുകള് നല്ല കാര്യമാണെങ്കിലും അവ ഒന്നിനും പരിഹാരമാകില്ല എന്ന് കാനായി പറഞ്ഞു. ശംഖുമുഖം പാര്ക്കില് കുറച്ച് മാസങ്ങള്ക്കു മുന്പ് ഹെലികോപ്റ്റര് കൊണ്ടു വെച്ചു.
താന് ചെയ്ത ആ മനോഹരമായ സ്ഥലം മുഴുവന് വികൃതമാക്കി എന്നും കടകംപള്ളിയാണ് അത് ചെയ്തത് എന്നും കാനായി ആരോപിച്ചു. ഇത് മുഖ്യമന്ത്രിയുടെ അടക്കം ശ്രദ്ധയില്പ്പെടുത്തിയിട്ടും നടപടി ഉണ്ടായില്ല എന്ന് കാനായി കുഞ്ഞിരാമന് കൂട്ടിച്ചേര്ത്തു. കണ്ണൂര് പയ്യാമ്പലത്തും തന്റെ നിര്മിതികള് നശിപ്പിക്കപ്പെട്ടു എന്നും അദ്ദേഹം വ്യക്തമാക്കി.
തന്റെ പ്രശ്നങ്ങള്ക്ക് അവാര്ഡ് പരിഹാരമാകില്ല എന്നും കാനായി പറഞ്ഞു. പത്മ പുരസ്കാരങ്ങളുടെ മാതൃകയില് സംസ്ഥാന സര്ക്കാര് നല്കുന്ന പരമോന്നത പുരസ്കാരമായ കേരള പുരസ്കാരങ്ങള് തിങ്കളാഴ്ചയാണ് പ്രഖ്യാപിച്ചത്. കേരള ജ്യോതി, കേരള പ്രഭ, കേരള ശ്രീ എന്നിങ്ങനെ ആണ് പുരസ്കാരം അറിയപ്പെടുന്നത്.
ഒന്നാമത്തെ പരമോന്നത പുരസ്കാരം കേരള ജ്യോതി സാഹിത്യകാരന് എം ടി വാസുദേവന് നായര്ക്കാണ് ലഭിച്ചത്. രണ്ടാമത്തെ പരമോന്നത പുരസ്കാരമായ കേരള പ്രഭ ഓംചേരി എന് എന് പിള്ള, ടി മാധവ മേനോന്, മമ്മൂട്ടി എന്നിവരും അര്ഹരായി. മൂന്നാമത്തെ പരമോന്നത പുരസ്കാരമായ കേരള ശ്രീ ഡോ. ബിജു, ഗോപിനാഥ് മുതുകാട്, കാനായി കുഞ്ഞിരാമന്, കൊച്ചൗസേപ്പ് ചിറ്റിലപ്പള്ളി, എം പി പരമേശ്വരന്, വൈക്കം വിജയലക്ഷ്മി എന്നിവര്ക്കുമാണ് ലഭിച്ചത്.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google