എന്റെ സ്വപ്നങ്ങള്ക്ക് ആകാശ ചിറക് നല്കിയത് കേരള സര്ക്കാര്: ക്യാപ്റ്റന് സങ്കീര്ത്തന
കണ്ണൂര്: കണ്ണൂര് ജില്ലയില് നിന്നും ആകാശ സ്വപ്നങ്ങള് സാക്ഷാത്കരിച്ച പട്ടികജാതി വിഭാഗത്തില്പ്പെട്ട പെണ്കുട്ടിയെ അനുമോദിച്ചു. ജില്ലാ പട്ടികജാതി വികസന വകുപ്പിന്റെ നേതൃത്വത്തില് നടത്തി വരുന്ന സാമൂഹ്യ ഐക്യദാര്ഢ്യ പക്ഷാചരണത്തിന്റെ ഭാഗമായി കൊമേര്ഷ്യല് പൈലറ്റ് ലൈസന്സ് നേടിയ ക്യാപ്റ്റന് സങ്കീര്ത്തനയെ വി ഡോ. ശിവദാസന് എംപി അനുമോദിച്ചു.
സങ്കീര്ത്തനമാരുടെ സ്വപ്നങ്ങള്ക്ക് ചിറകേകിയത് എല്ഡിഎഫ് സര്ക്കാര് ആണെന്ന് ഡോ. വി ശിവദാസന് പറഞ്ഞു. പട്ടികജാതി വിഭാഗങ്ങള്ക്കായി അഭ്യസ്തവിദ്യരായ വിദ്യാര്ത്ഥികള്ക്ക് വേണ്ടി കേരള സര്ക്കാര് നടപ്പിലാക്കി വരുന്ന പദ്ധതികളെ kുറിച്ച് സങ്കീര്ത്തന സംസാരിച്ചു. കേരള സര്ക്കാരിന്റെ പദ്ധതിയാണ് തന്റെ സ്വപ്നത്തിനു ചിറക് നല്കിയതെന്ന് സങ്കീര്ത്തനയും വ്യക്തമാക്കി.
തന്നെപ്പോലുളള വിദ്യാര്ത്ഥിനികള്ക്ക് സര്ക്കാര് സഹായത്തോടെ ഉന്നതങ്ങളായ തൊഴിലുകള് നേടാന് കഴിയുമെന്ന് പ്രതീക്ഷിക്കുന്നതായി സങ്കീര്ത്തന തന്റെ മറുപടി പ്രസംഗത്തില് പറഞ്ഞു. സങ്കീര്ത്തന ഉള്പ്പടെ പട്ടികജാതി വിഭാഗത്തില് നിന്നും അഞ്ചു വിദ്യാര്ത്ഥികളാണ് സംസ്ഥാന സര്ക്കാരിന്റെ സഹായത്തോടെ കൊമേര്ഷ്യല് പൈലറ്റ് ലൈസന്സ് നേടിയത്. രാജ്യത്ത് ഒരിടത്തുമില്ലാത്ത മികച്ച പദ്ധതികള് ആദിവാസി ദളിത് വിഭാഗങ്ങള്ക്കായി കേരളത്തില് നടപ്പിലാക്കുകയാണ്.
അതിന്റെ ഭാഗമായാണ് സങ്കീര്ത്തന ഉള്പ്പടെയുള്ള വിദ്യാര്ത്ഥികള്ക്ക് തുടര് പഠന സൗകര്യം ഒരുക്കാനായതെന്നും, പട്ടികജാതി വിഭാഗത്തിന്റെ ശാക്തീകരണത്തിന് കേരളസര്ക്കാര് മാതൃകാപരമായ പ്രവര്ത്തനങ്ങളാണ് നടത്തി വരുന്നതെന്നും വി ശിവദാസന് പറഞ്ഞു. ദേശീയ പട്ടികജാതി ഫെല്ലോഷിപ് വെട്ടിക്കുറയ്ക്കുന്ന പ്രതിഷേധാര്ഹമായ നടപടിയാണ് കേന്ദ്രസര്ക്കാര് സ്വീകരിക്കുന്നത്.
എന്നാല് കേരള സര്ക്കാരിന്റെ വ്യത്യസ്തമായ പ്രവര്ത്തനങ്ങള് രാജ്യത്തിനു തന്നെ മാതൃകയായി മാറുകയാണെന്ന് വകുപ്പ് ഉദ്യോഗസ്ഥന്മാര് വ്യക്തമാക്കി. അനുമോദന പരിപാടിയില് ജില്ലാ പട്ടികജാതി വികസന ഓഫീസര് കെവി രവിരാജ് അധ്യക്ഷത വഹിച്ചു. സങ്കീര്ത്തനയുടെ അമ്മ രാജമ്മ ടീച്ചര് പരിപാടിയില് സന്നിഹിതയായിരുന്നു. അസിസ്റ്റന്റ് ജില്ലാ പട്ടികജാതി ഓഫീസര് ഒ പി രാധാകൃഷ്ണന് സ്വാഗതവും ഹോസ്റ്റല് സൂപ്രണ്ട് അമ്പിളി കെയു നന്ദിയും പറഞ്ഞു.
Click it and Unblock the Notifications
Sign in with Google