ഇഫ്താര് മീറ്റിനൊപ്പം അബ്ദുള്ളക്കുട്ടിയ്ക്ക് സ്വീകരണവും; ലീഗ് നേതാക്കള് പങ്കെടുത്തതില് വിവാദം കത്തുന്നു
കണ്ണൂര്: ബി ജെ പി ദേശീയ ഉപാധ്യക്ഷനും കേന്ദ്ര ഹജ്ജ് കമ്മിറ്റി ചെയര്മാനുമായ എ പി അബ്ദുള്ളക്കുട്ടിയ്ക്ക് നല്കിയ സ്വീകരണത്തിലും ഇഫ്താര് മീറ്റിലും മുസ്ലീം ലീഗ് നേതാക്കള് പങ്കെടുത്തതിനെ ചൊല്ലി വിവാദം. എ ഐ കെ എം സി സി നേതാവും മഹാരാഷ്ട്ര കെ എം സി സി ജനറല് സെക്രട്ടറിയുമായ അസീസ് മാണിയൂരിന്റെ ചെക്കിക്കുളത്തെ വീട്ടിലാണ് അബ്ദുള്ളക്കുട്ടിയ്ക്ക് സ്വീകരണവും ഇതിനോടൊപ്പം നോമ്പ് തുറയും സംഘടിപ്പിച്ചത്.
അഖിലേന്ത്യ പ്രസിഡന്റും ബെംഗളൂരു കെ എം സി സി നേതാവുമായ എം കെ നൗഷാദ്, മുസ്ലീം ലീഗ് കണ്ണൂര് ജില്ല സെക്രട്ടറി താഹിര് പുറത്തില്, സമസ്ത നേതാവ് സി കെ കെ മാണിയൂര് തുടങ്ങിയവരാണ് എ പി അബ്ദുള്ളക്കുട്ടിക്കായി ഒരുക്കിയ ഇഫ്താറില് പങ്കെടുത്തത്. എ പി അബ്ദുള്ളക്കുട്ടിക്ക് കഴിഞ്ഞ ദിവസം ചേംബര് ഹാളില് നല്കിയ പൗരസ്വീകരണത്തില് മുസ്ലീം ലീഗ് നേതാക്കളോ പ്രവര്ത്തകരോ പങ്കെടുത്തിരുന്നില്ല.
പൗര സ്വീകരണത്തില് പങ്കെടുക്കരുത് എന്ന കര്ശന നിര്ദേശം നേതൃത്വം നല്കിയിരുന്നു. എന്നിട്ടും സ്വകാര്യമായി സ്വീകരണമൊരുക്കിയതില് മുസ്ലീം ലീഗ് നേതാക്കള് പങ്കാളിയായതിന് എതിരെയാണ് പാര്ട്ടിക്ക് ഉള്ളില് തന്നെ വിമര്ശനം ഉയരുന്നത്. സംഭവം വിവാദമായതോടെ സംസ്ഥാന നേതാക്കളെ പ്രാദേശിക നേതാക്കള് പരാതി അറിയിച്ചിരിക്കുകയാണ്. റംസാന് അവസാനിക്കാന് മണിക്കൂറുകള് മാത്രം ബാക്കി നില്ക്കെ ധൃതി പിടിച്ച് സ്വീകരണവും ഇഫ്ത്താറും സംഘടിപ്പിച്ചതിന് പിന്നില് കച്ചവട താല്പര്യമുണ്ട് എന്നാണ് ഉയരുന്ന വിമര്ശനം.
എ പി അബ്ദുള്ളക്കുട്ടിയുടെ ജ്യേഷ്ഠന് ഇബ്രാഹിം കുട്ടിയും ഇഫ്താര് മീറ്റില് പങ്കെടുത്തിരുന്നു. സ്വീകരണത്തിന് ശേഷം ഫേസ്ബുക്ക് പോസ്റ്റിലൂടെ വീട്ടിലെ സ്വീകരണത്തില് എ പി അബ്ദുള്ളക്കുട്ടി വിശിഷ്ടാതിഥിയായി പങ്കെടുത്തു എന്ന് അസീസ് മാണിയൂര് പറഞ്ഞിരുന്നു. ഇത് നേതൃത്വത്തിന്റെ വിലക്കിന് എതിരെയുള്ള വെല്ലുവിളിയാണ് എന്നാണ് വിലയിരുത്തല്.
അതേസമയം, വ്യക്തി താല്പര്യങ്ങള്ക്കായി സംഘടിപ്പിച്ച ഇഫ്താര് മീറ്റ് എ പി അബ്ദുള്ളക്കുട്ടിക്കുള്ള സ്വീകരണമായി വളച്ചൊടിച്ചു എന്നാണ് കെ പി താഹിര് ആരോപിക്കുന്നത്. തന്റെ ബന്ധുവായ അസീസ് മണിയൂര് നടത്തിയ പാര്ട്ടിയായതിനാല് ആണ് താന് ചടങ്ങില് പങ്കെടുത്തത് എന്നും താഹിര് കൂട്ടിച്ചേര്ത്തു.
ഇതൊക്കെ ഏത് ഭാവങ്ങളാ...ലൊക്കേഷന് ചിത്രങ്ങള് പങ്കുവെച്ച് നിഖില വിമല്
-
ബിജെപി വിജയം 3ൽ ഒതുങ്ങില്ല, പത്തിലധികമെന്ന് സർവ്വേ, ഞെട്ടിക്കുന്ന മുന്നേറ്റമുണ്ടാക്കും, സീ ഫോർ പ്രവചനം ഇങ്ങനെ -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
‘ഒന്ന് മാറിത്തന്നൂടെ...’- ഇനി അപരന്മാർക്ക് ഡിമാന്റുള്ള രണ്ടുനാൾ -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ?
Click it and Unblock the Notifications
Sign in with Google