Click it and Unblock the Notifications
Just In
Don't Miss
-
തെറ്റുകള് ഞങ്ങളുടെ ഭാഗത്ത് നിന്നും വരും; ഞങ്ങളും ഇതില് ആദ്യമാണെന്ന് മക്കളോട് പറയും: പൂര്ണിമ -
T20 World Cup 2024: ടി20 ലോകകപ്പില് ജഡേജ വേണ്ട, പകരം അക്ഷര് മതി! ഈ കാരണങ്ങള് നോക്കൂ -
ആയുര്വ്വേദം ഉറപ്പ് നല്കുന്ന പരിഹാരം വായ്നാറ്റത്തിന് -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
സ്ഥലമേറ്റെടുത്തതിന് നഷ്ടപരിഹാരം നല്‍കിയില്ല; സബ് കളക്ടറുടെ വാഹനം ജപ്തി ചെയ്ത് കോടതി
കാഞ്ഞങ്ങാട്: സബ് കളക്ടറുടെ ഔദ്യോഗിക വാഹനം ജപ്തി ചെയ്ത് കോടതി. കാസര്‍കോട് ജില്ലയിലാണ് സംഭവം. കാസര്‍കോട് ജില്ലയിലെ പ്രധാന വിനോദസഞ്ചാര കേന്ദ്രങ്ങളില്‍ ഒന്നായ ബേക്കല്‍ ടൂറിസം വികസനത്തിന് വേണ്ടി ഏറ്റെടുത്ത സ്ഥലത്തിന് അര്‍ഹമായ നഷ്ടപരിഹാരം നല്‍കിയില്ല എന്ന കാരണത്താലാണ് നടപടി.
ഹൊസ്ദുര്‍ഗ് സബ് കലക്ടറുടെ ഔദ്യോഗിക വാഹനമാണ് ജപ്തി ചെയ്യപ്പെട്ടത്. ഹൊസ്ദുര്‍ഗ് സബ് കോടതി ജഡ്ജ് ആന്റണിയാണ് സബ് കലക്ടറുടെ ഔദ്യോഗിക വാഹനം ജപ്തി ചെയ്യാന്‍ ഉത്തരവിട്ടത്. ഇതിനെ തുടര്‍ന്നാണ് നടപടി സ്വീകരിച്ചിരിക്കുന്നത്. പള്ളിക്കരയിലെ സോമനാഥന്‍ എന്ന വ്യക്തി നല്‍കിയ ഹരജിയിലായിരുന്നു ഹൊസ്ദുര്‍ഗ് സബ് കോടതിയുടെ നടപടി.
ബേക്കല്‍ ടൂറിസം വികസനത്തിന് വേണ്ടി സോമനാഥന്റെ ഭൂമി ഏറ്റെടുത്തിട്ട് നഷ്ടപരിഹാര തുക മുഴുവനായും ലഭിച്ചിരുന്നില്ല. ഇതിനെ തുടര്‍ന്നാണ് സോമനാഥനും കുടുംബവും കോടതിയെ സമീപിച്ചത്. 18 വര്‍ഷം മുന്‍പ് 2004 ല്‍ ആയിരുന്നു ബേക്കല്‍ ടൂറിസം വികസനത്തിന് വേണ്ടി സോമനാഥന്റെ ഭൂമി ഏറ്റെടുത്തിരുന്നത്.
തുടര്‍ന്ന് സോമനാഥന്റെ ഹരജിയില്‍ 2019 ല്‍ കേരള ഹൈക്കോടതി നഷ്ടപരിഹാരം ഉടന്‍ ലഭ്യമാക്കണം എന്ന് ഉത്തരവിടുകയും ചെയ്തിരുന്നു. എന്നാല്‍ ഇത് നടപ്പിലാകാതെ ആയതോടെയാണ് സ്വാമിനാഥന്‍ ഹൊസ്ദുര്‍ഗ് സബ് കോടതിയെ ഹര്‍ജിയുമായി സമീപിച്ചത്. ഇതേ തുടര്‍ന്നാണ് സബ് കളക്ടറുടെ ഔദ്യോഗിക കാര്‍ ജപ്തി ചെയ്ത് പണം വസൂലാക്കണം എന്ന് ഉത്തരവിട്ടത്.
കോടതി ഉത്തരവിന് പിന്നാലെ വെള്ളിയാഴ്ച സബ് കളക്ടറുടെ കെ എല്‍ 14 എക്സ് 5261 വാഹനം പൊലീസ് സംരക്ഷണയോടെ കോടതി ഉദ്യോഗസ്ഥര്‍ പിടിച്ചെടുത്ത് കോടതിയില്‍ ഹാജരാക്കി. അതേസമയം നഷ്ടപരിഹാര തുക അധികമാണ് എന്ന് കാണിച്ച് ബി ആര്‍ ഡി സി ഹൈക്കോടതിയില്‍ അപ്പീല്‍ നല്‍കിയിരിക്കുകയാണ്.
ഈ അപ്പീലില്‍ ഇതുവരെ തീരുമാനമായിട്ടില്ല. ബി ആര്‍ ഡി സി ആണ് നഷ്ടപരിഹാരം നല്‍കേണ്ടത്. എന്നാല്‍ അത് നടപ്പിലാക്കേണ്ട റവന്യൂ വകുപ്പ് നടപടി സ്വീകരിക്കാത്തതിനെ തുടര്‍ന്നാണ് സബ് കലക്ടറരുടെ വാഹനം ജപ്തി ചെയ്യാന്‍ കോടതി ഉത്തരവിട്ടത്.
