കേരളത്തില് 615 ഹോട്ട് സ്പോട്ടുകള്; ഇന്ന് 17 എണ്ണം കൂടി, 9 പ്രദേശങ്ങളെ ഒഴിവാക്കി
തിരുവനന്തപുരം: കേരളത്തില് ഇന്ന് 2500ലധികം കൊറോണ രോഗികള്. ഏറ്റവും കൂടുതല് മലപ്പുറത്താണ്. സംസ്ഥാനത്് ഇന്ന് 17 പുതിയ ഹോട്ട് സ്പോട്ടുകളാണുള്ളത്. ആലപ്പുഴ ജില്ലയിലെ എടത്വാ (കണ്ടൈന്മെന്റ് സോണ് സബ് വാര്ഡ് 9), മുളക്കുഴ (വാര്ഡ് 15), മുതുകുളം (10, 11 (സബ് വാര്ഡ്), മലപ്പുറം ജില്ലയിലെ പെരിന്തല്മണ്ണ മുന്സിപ്പാലിറ്റി (15), കറുവാരക്കുണ്ട് (10, 11, 13, 14), മുന്നിയൂര് (3), തിരുവനന്തപുരം ജില്ലയിലെ മുണ്ടയ്ക്കല് (6), മാണിക്കല് (11), പുളിമാത്ത് (14), കോഴിക്കോട് ജില്ലയിലെ കാരാശേരി (സബ് വാര്ഡ് 12, 15), കാവിലുംപാറ (സബ് വാര്ഡ് (8), മരുതോംകര (സബ് വാര്ഡ് 5), വയനാട് ജില്ലയിലെ മുട്ടില് (സബ് വാര്ഡ് 1, 2), വെള്ളമുണ്ട (സബ് വാര്ഡ് 11), എറണാകുളം ജില്ലയിലെ കടുങ്ങല്ലൂര് (സബ് വാര്ഡ് 2), പാലക്കുഴ (സബ് വാര്ഡ് 2) പാലക്കാട് ജില്ലയിലെ തിരുവേഗപ്പുര (1) എന്നിവയാണ് പുതിയ ഹോട്ട് സ്പോട്ടുകള്.
9 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. പാലക്കാട് ജില്ലയിലെ കുഴല്മന്ദം (സബ് വാര്ഡ് 15), വടക്കാഞ്ചേരി (15), അലനല്ലൂര് (18), പത്തനംതിട്ട ജില്ലയിലെ വടശേരിക്കര (സബ് വാര്ഡ് 1, 2), കുറ്റൂര് (11), തൃശൂര് ജില്ലയിലെ ആളൂര് (സബ് വാര്ഡ് 15), വയനാട് ജില്ലയിലെ അമ്പലവയല് (എല്ലാ വാര്ഡുകളും), എറണാകുളം ജില്ലയിലെ നോര്ത്ത് പരവൂര് (സബ് വാര്ഡ് 13), കൊല്ലം ജില്ലയിലെ നെടുമ്പന (സബ് വാര്ഡ് 8) എന്നീ പ്രദേശങ്ങളെയാണ് കണ്ടൈന്മെന്റ് സോണില് നിന്നും ഒഴിവാക്കിയത്. ഇതോടെ നിലവില് 615 ഹോട്ട് സ്പോട്ടുകളാണുള്ളത്.
എവിടെയും പരിശോധിക്കും, ആരെയും അറസ്റ്റ് ചെയ്യും; പുതിയ പോലീസ് സേനയുമായി യോഗി സര്ക്കാര്
കേരളത്തില് ഇന്ന് 2540 പേര്ക്ക് രോഗം സ്ഥിരീകരിച്ചു. മലപ്പുറം 482, കോഴിക്കോട് 382, തിരുവനന്തപുരം 332, എറണാകുളം 255, കണ്ണൂര് 232, പാലക്കാട് 175, തൃശൂര് 161, കൊല്ലം 142, കോട്ടയം 122, ആലപ്പുഴ 107, ഇടുക്കി 58, കാസര്ഗോഡ് 56, വയനാട് 20, പത്തനംതിട്ട 16 എന്നിങ്ങനേയാണ് ജില്ല തിരിച്ചുള്ള കണക്ക്. 15 മരണങ്ങളാണ് ഇന്ന് കോവിഡ്-19 മൂലമാണെന്ന് സ്ഥിരീകരിച്ചത്. ഇതോടെ ആകെ മരണം 454 ആയി.
ഇന്ന് രോഗം സ്ഥിരീകരിച്ചവരില് 34 പേര് വിദേശ രാജ്യങ്ങളില് നിന്നും 73 പേര് മറ്റ് സംസ്ഥാനങ്ങളില് നിന്നും വന്നതാണ്. 2346 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 212 പേരുടെ സമ്പര്ക്ക ഉറവിടം വ്യക്തമല്ല. 64 ആരോഗ്യ പ്രവര്ത്തകര്ക്കും രോഗം ബാധിച്ചു. രോഗം സ്ഥിരീകരിച്ച് ചികിത്സയിലായിരുന്ന 2110 പേരുടെ പരിശോധനാഫലം നെഗറ്റീവ് ആയി. സംസ്ഥാനത്തെ വിവിധ ജില്ലകളിലായി 2,05,158 പേരാണ് ഇപ്പോള് നിരീക്ഷണത്തിലുള്ളത്.