സംസ്ഥാനത്ത് ഇന്ന് 25 പേര്ക്ക് ഒമൈക്രോണ്; 32 പേര്ക്ക് സമ്പര്ക്കത്തിലൂടെ
തിരുവനന്തപുരം: കേരളത്തില് ഒമൈക്രോണ് കേസുകള് വര്ധിക്കുന്നു. ഇന്ന് 25 പേര്ക്കാണ് സംസ്ഥാനത്ത് ഒമൈക്രോണ് സ്ഥിരീകരിച്ചതായി ആരോഗ്യ മന്ത്രി വീണാ ജോര്ജ്ജ് അറിയിച്ചു. മലപ്പുറം ജില്ലയില് നിന്നുള്ള 19 പേര്ക്കും ആലപ്പുഴ, തൃശൂര് ജില്ലകളിലെ 3 പേര്ക്ക് വീതവുമാണ് ഒമിക്രോണ് സ്ഥിരീകരിച്ചത്. അതില് 23 പേരും ലോ റിസ്ക് രാജ്യങ്ങളില് നിന്നും വന്നതാണ്. രണ്ട് പേര്ക്ക് സമ്പര്ക്കത്തിലൂടെ ഒമിക്രോണ് ബാധിച്ചു. മലപ്പുറം ജില്ലയിലുള്ള 42 വയസുകാരിക്കും തൃശൂര് ജില്ലയിലുള്ള 10 വയസുകാരിക്കുമാണ് സമ്പര്ക്കത്തിലൂടെ രോഗം ബാധിച്ചത്.മലപ്പുറത്ത് 14 പേര് യുഎഇയില് നിന്നും 4 പേര് ഖത്തറില് നിന്നും, ആലപ്പുഴയില് 2 പേര് യുഎഇയില് നിന്നും ഒരാള് സൗദി അറേബ്യയില് നിന്നും, തൃശൂരില് ഒരാള് ഖത്തറില് നിന്നും ഒരാള് യുഎസ്എയില് നിന്നും വന്നതാണ്. ഇതോടെ സംസ്ഥാനത്ത് ആകെ 305 പേരാണ് ഒമൈക്രോണ് ബാധിച്ച് ചികിത്സയില് കഴിയുന്നത്.
അപകട സാധ്യത കുറഞ്ഞ രാജ്യങ്ങളില് നിന്നും 209 പേരും അപകട സാധ്യത കൂടിയ രാജ്യങ്ങളില് നിന്നും ആകെ 64 പേരുമാണ് എത്തിയത്. 32 പേര്ക്കാണ് ആകെ സമ്പര്ക്കത്തിലൂടെ രോഗം സ്ഥിരീകരിച്ചത്. കേന്ദ്ര മാര്ഗനിര്ദേശ പ്രകാരം വിദേശ രാജ്യങ്ങളില് നിന്നും സംസ്ഥാനത്തെത്തുന്ന എല്ലാ യാത്രക്കാര്ക്കും 7 ദിവസം നിര്ബന്ധിത ഹോം ക്വാറന്റീന് ഏര്പ്പെടുത്തുമെന്ന് ആരോഗ്യമന്ത്രി വീണാ ജോര്ജ്. തുടര്ന്ന് എട്ടാം ദിവസം ആര്ടിപിസിആര് പരിശോധന നടത്തുമെന്നും മന്ത്രി അറിയിച്ചു.
അതേ സമയം സംസ്ഥാനത്ത് ഇന്ന് 5296 പേര്ക്ക് കൊവിഡ് സ്ഥിരീകരിച്ചു. കഴിഞ്ഞ 24 മണിക്കൂറിനിടെ 64,577 സാമ്പിളുകളാണ് പരിശോധിച്ചത്. പ്രതിവാര ഇന്ഫെക്ഷന് പോപ്പുലേഷന് റേഷ്യോ പത്തിന് മുകളിലുള്ള 5 തദ്ദേശ സ്വയംഭരണ പ്രദേശങ്ങളിലായി 6 വാര്ഡുകളാണുള്ളത്. ഇവിടെ കര്ശന നിയന്ത്രണമുണ്ടാകുമെന്നും ആരോഗ്യ വകുപ്പ് അറിയിച്ചു. കഴിഞ്ഞ ദിവസങ്ങളിലുണ്ടായ 35 മരണങ്ങളാണ് കൊവിഡ്-19 മൂലമാണെന്ന് ഇന്ന് സ്ഥിരീകരിച്ചിരുന്നു. ഇതുകൂടാതെ സുപ്രീംകോടതി വിധിപ്രകാരം കേന്ദ്രസര്ക്കാരിന്റെ പുതിയ മാര്ഗനിര്ദേശമനുസരിച്ച് അപ്പീല് നല്കിയ 154 മരണങ്ങളും റിപ്പോര്ട്ട് ചെയ്തിട്ടുണ്ട്. ഇതോടെ സംസ്ഥാനത്തെ ആകെ മരണം 49,305 ആയി. കേരളത്തില് 5296 പേര്ക്ക് കോവിഡ്-19 സ്ഥിരീകരിച്ചു. തിരുവനന്തപുരം 1116, എറണാകുളം 1086, കോഴിക്കോട് 551, തൃശൂര് 437, കൊല്ലം 302, കണ്ണൂര് 289, കോട്ടയം 289, പത്തനംതിട്ട 261, ആലപ്പുഴ 223, മലപ്പുറം 210, പാലക്കാട് 201, ഇടുക്കി 142, വയനാട് 118, കാസര്ഗോഡ് 71 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 64,577 സാമ്പിളുകളാണ് പരിശോധിച്ചത്.
സംസ്ഥാനത്ത് ഒമൈക്രോണ് വ്യാപനം രൂക്ഷമായി തുടരുകയൈാണ് ഈ സാഹചര്യത്തില് കേന്ദ്ര ആരോഗ്യ മന്ത്രാലയത്തിന്റെ നിര്ദേശ പ്രകാരം വിവിധ നടപടികളും നിയന്ത്രണങ്ങളും ഏര്പ്പാടാക്കി കഴിഞ്ഞിരിക്കുകയാണ് സംസ്ഥാനം. വിദേശ രാജ്യങ്ങളില് നിന്ന് വരുന്നവര് ഏഴ് ദിവസം ക്വാറന്റൈനില് കഴിയണം. കൂടാതെ എട്ടാം ദിവസം ആര്ടിപിസിആര് ടെസ്റ്റും നടത്തണം. അപകട സാധ്യതയുള്ള രാജ്യങ്ങളില് നിന്ന് വരുന്നവര് നിര്ബന്ധമായും കോവിഡ് മാര്ഗ നിര്ദേശങ്ങള് പാലിക്കണം. നിര്ബന്ധമായും എയര്പോര്ട്ടില് കോവിഡ് ടെസ്റ്റ് നടത്തണമെന്നും ആരോഗ്യമന്ത്രി വീണാ ജോര്ജ്ജ് അറിയിച്ചു. സാമ്പിളുകല് ജനിതക പരിശോധനക്ക് അയക്കുമെന്നും കോവിഡ് പോസ്റ്റീവാണെങ്കില് ഏഴ് ദിവസം ഹോം ക്വാറന്റൈനിലും എട്ടാം ദിവസം ആര്ടിപിസിആര് ടെസ്റ്റും നടത്തണം.
Click it and Unblock the Notifications
Sign in with Google