വാഹനങ്ങളില് കൂളിംഗ് ഫിലിം അനുവദിക്കില്ലെന്ന് ഗതാഗത മന്ത്രി
തിരുവനന്തപുരം: സംസ്ഥാനത്ത് വാഹനങ്ങളില് സണ്ഫിലിം ഒട്ടിക്കുവാന് അനുമതിയില്ലെന്നും നിയമം ലംഘിക്കുന്നവര്ക്കെതിരെ കര്ശന നടപടി സ്വീകരിക്കാന് നിര്ദേശം നല്കിയിട്ടുണ്ടെന്നും ഗതാഗത മന്ത്രി ആന്റണി രാജു. ട്രാന്സ്പോര്ട്ട് കമ്മീഷണര്ക്കാണ് ഇതുസംബന്ധിച്ച് മന്ത്രി നിര്ദേശം നല്കിയിരിക്കുന്നത്. വാഹനങ്ങളുടെ മുമ്പില് സേഫ്റ്റി ഗ്ലാസ്സുകളില് കുറഞ്ഞത് 70 ശതമാനവും വശങ്ങളില് 50 ശതമാനവും സുതാര്യത ഉറപ്പ് വരുത്തണമെന്ന് കേന്ദ്ര മോട്ടോര് വാഹന ചട്ടത്തില് വ്യക്തമാക്കിയിട്ടുണ്ട്. ഇതുപ്രകാരമാണ് സംസ്ഥാനത്ത് നടപടികള് കര്ശനമാക്കിയത്.
കൂളിംഗ് ഫിലിം, ടിന്റഡ് ഫിലിം, ബ്ലാക്ക് ഫിലിം എന്നിവ വാഹനങ്ങളുടെ ഗ്ലാസ്സുകളില് ഒട്ടിക്കരുതെന്ന് കോടതി വിധിയുണ്ട്. ഇത് സംബന്ധിച്ച് നിലവിലെ നിയമം ദുര്വ്യാഖ്യാനം ചെയ്ത് ആശയക്കുഴപ്പം സൃഷ്ടിക്കുന്നത് ശ്രദ്ധയില്പ്പെട്ട സാഹചര്യത്തിലാണ് വിശദീകരണം നല്കുന്നതെന്നും മന്ത്രി പറഞ്ഞു. ഗ്ലെയിസിംഗ് പ്ലാസ്റ്റിക് ഒട്ടിക്കുന്നത് സംബന്ധിച്ച് ആവശ്യമെങ്കില് നിയമോപദേശം തേടുമെന്നും മന്ത്രി കൂട്ടിച്ചേര്ത്തു. നിലവില് വാഹനങ്ങളില് സണ്ഫിലിം ഉപയോഗിക്കാന് നിയമം അനുവദിക്കാത്തതിനാല് ലംഘിക്കുന്നവര്ക്കെതിരെ നടപടി സ്വീകരിക്കാനാണ് തീരുമാനം.
ദിലീപിന് നിര്ണായക ദിനം; സുപ്രധാന വിധി നാളെ... ഫോണിലെ രേഖ ലാപ്ടോപ്പില് പ്രദര്ശിപ്പിച്ചു