ബാറുകള് തുറന്നെങ്കില് തിയേറ്ററും തുറന്നാലും എന്താണ്; സര്ക്കാറിന് വിമര്ശനവുമായി ഉണ്ണി മുകുന്ദന്
തിരുവനന്തപുരം: കൊവിഡ് വ്യാപനത്തിന്റെ പശ്ചാത്തലത്തില് അടച്ചു പൂട്ടിയ സംസ്ഥാനത്തെ തീയേറ്ററുകള് ഇനിയും തുറക്കാത്ത നടപടിയില് സര്ക്കാറിനെതിരെ വിമര്ശനവുമായി നടന് ഉണ്ണി മുകുന്ദന്. കൊവിഡ് തുടരവെ ഘട്ടം ഘട്ടമാണെങ്കിലും മിക്ക വ്യവസായങ്ങളുടെയും പ്രവര്ത്തനം ആരംഭിച്ചു. എന്നാല് തീയറ്ററുകള് മാത്രം ഇതുവരെ തുറന്നിട്ടില്ല. സിനിമ വ്യവസായം വലിയ പ്രതിസന്ധിയിലാണെന്നും ഫേസ്ബുക്കിലെഴുതിയ കുറിപ്പില് ഉണ്ണി മുകുന്ദന് അഭിപ്രായപ്പെടുന്നു. മറ്റ് സംസ്ഥാനങ്ങളില് തീയറ്ററുകള് പരിമിതിയോടെ തുറന്നെങ്കിലും കേരളത്തില് തീയറ്ററുകള് തുറക്കാത്തത് പ്രതിസന്ധിക്ക് ആക്കം കൂട്ടുന്നുവെന്നും അദ്ദേഹം ഫേസ്ബുക്കില് കുറിച്ചു. ഉണ്ണി മുകുന്ദന്റെ ഫേസ്ബുക്ക് കുറിപ്പിന്റെ പൂര്ണ്ണ രൂപം ഇങ്ങനെ..
ഉണ്ണി മുകുന്ദന് പറയുന്നു
സിനിമയും ഒരു തൊഴിലാണ്. കോവിഡ് എന്ന മഹാമാരി അപ്രതീക്ഷിതമായി കടന്ന് വന്ന് നമ്മുടെ എല്ലാം ജീവിതം തന്നെ താറുമാറാക്കിയിട്ട് ഒരു വര്ഷത്തോളമാകുന്നു. കോവിഡ്-19 എന്ന വൈറസ് കാരണം നമ്മുടെ ജീവിത ശൈലി തന്നെ മാറ്റിമറിക്കപ്പെട്ടു. എന്നാല് നാമിന്ന് ഏറെക്കുറെ അതിനോട് പൊരുത്തപ്പെട്ടു കഴിഞ്ഞിരിക്കുന്നു. നിരവധി വാക്സിന് പരീക്ഷണങ്ങള് അവസാന ഘട്ടത്തിലാണെന്നാണ് അറിയാന് കഴിയുന്നത്.
ഈ മഹാമാരിയ്ക്ക്
എത്രയും വേഗം ഈ മഹാമാരിയ്ക്ക് ഒരു പര്യവസാനം ഉണ്ടാകുമെന്ന് പ്രത്യാശിക്കാം. ഈ സമയത്ത് പ്രസക്തമെന്ന് തോന്നിയ ഒരു വിഷയം പറയാന് ആഗ്രഹിക്കുന്നു. ഘട്ടം ഘട്ടമായി ആണെങ്കിലും ഒട്ടുമിക്ക വ്യവസായങ്ങളും സേവന സ്ഥാപനങ്ങളും പൊതു ഗതാഗത സംവിധാനങ്ങളുമടക്കം പൂര്വ്വ സ്ഥിതിയിലെത്തിയെങ്കിലും ഇന്നും പ്രതിസന്ധിയില് നില്ക്കുന്ന ഒരു വ്യവസായമാണ് സിനിമ.
സിനിമ ചിത്രീകരണങ്ങള്
സിനിമ
ചിത്രീകരണങ്ങള്
പരിമിതിയോടെ
പുനരാംഭിച്ചുവെങ്കിലും
തീയറ്ററുകള്
തുറക്കാന്
സാധിക്കാനാത്തതിനാല്
കൊറോണയ്ക്ക്
മുന്പ്
ചിത്രീകരണം
ആരംഭിച്ചതുള്പ്പടെ
80
ലേറെ
ചിത്രങ്ങളാണ്
മലയാളത്തില്
മാത്രം
ഈ
പ്രതിസന്ധി
നേരിടുന്നത്.
സിനിമ
മേഖലയിലെ
ആര്ട്ടിസ്റ്റുകള്,
ടെക്നിഷ്യന്സ്,
പ്രൊഡക്ഷന്
രംഗത്തെ
തൊഴിലാളികള്,
തീയറ്റര്
ഉടമകള്,
തൊഴിലാളികള്,
എന്നിങ്ങനെ
ഈ
വ്യവസായത്തെ
ആശ്രയിച്ചു
ജീവിക്കുന്ന
1000
കണക്കിന്
ആളുകളും
അവരുടെ
കുടുംബങ്ങളും
ഇന്നും
ജീവിതമാര്ഗ്ഗം
വഴിമുട്ടി
നില്ക്കുകയാണ്.
സിനിമ വ്യവസായത്തിന്
തീയറ്ററുകള് പൂര്വ്വ സ്ഥിതിയില് പ്രവര്ത്തിച്ചു തുടങ്ങിയെങ്കില് മാത്രമേ ഈ വ്യവസായം മുന്നോട്ട് കൊണ്ട് പോകാനും ഇതിനെ ആശ്രയിച്ചു ജീവിക്കുന്ന കുടുംബങ്ങളുടെ പട്ടിണി മാറ്റാനും സാധിക്കുകയുള്ളു. പൊതുഗതാഗത സംവിധാനങ്ങളും ബാറുകളും അടക്കം തുറന്ന് പ്രവര്ത്തിച്ചു തുടങ്ങിയ സ്ഥിതിയ്ക്ക് കോടിക്കണക്കിനു രൂപ സര്ക്കാരുകള്ക്ക് ടാക്സ് ഇനത്തില് വര്ഷം തോറും നല്കുന്ന സിനിമ വ്യവസായത്തിന് കൂടി മുന്നോട്ട് പോകാനുള്ള ഇളവുകള് അനുവദിച്ച് തീയറ്ററുകള് തുറക്കാനുള്ള അനുമതി അധികാരപ്പെട്ടവരുടെ ഭാഗത്ത് നിന്ന് അനുഭാവപൂര്വ്വം ഉണ്ടാകണമെന്ന് പ്രത്യാശിക്കുന്നു.'
Recommended Video