• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ദിലീപിന്റെ ജാമ്യം റദ്ദാക്കാനുള്ള ഹര്‍ജിയില്‍ വിധി പറയുന്നത് മാറ്റിവച്ചു

കൊച്ചി: കാര്‍ യാത്രയ്ക്കിടെ യുവനടിയെ തട്ടിക്കൊണ്ടുപോയി അപമാനിച്ച കേസില്‍ നടന്‍ ദിലീപിന്റെ ജാമ്യം റദ്ദാക്കണമെന്ന ഹര്‍ജിയില്‍ ഇന്നും വിധിയില്ല. നേരത്തെ ഹര്‍ജി പരിഗണിച്ചിരുന്ന വിചാരണ കോടതി വിധി പറയാന്‍ ഇന്നത്തേക്ക് മാറ്റിവെക്കുകയായിരുന്നു. ഇന്ന്് കേസ് പരിഗണിച്ച കോടതി വിധി വീണ്ടും മാറ്റിവെക്കുകയാണ് ചെയ്തത്. പുതിയ തിയ്യതി പ്രഖ്യാപിക്കാതെയാണ് ഹര്‍ജി മാറ്റിവെച്ചത്.

കേസിലെ സാക്ഷികളെ സ്വാധീനിക്കുന്നു എന്നാണ് പ്രോസിക്യൂഷന്‍ ദിലീപിനെതിരെ കോടതിയില്‍ ഉന്നയിച്ച ആരോപണം. ഇക്കാര്യം ദിലീപിന്റെ അഭിഭാഷകന്‍ അംഗീകരിക്കുന്നില്ല. കേസിലെ മാപ്പ് സാക്ഷി വിപിന്‍ ലാലിനെ സ്വാധീനിക്കാന്‍ ശ്രമിച്ചു എന്നാണ് പ്രോസിക്യൂഷന്‍ പറയുന്നത്. ഇയാളെ കാണാന്‍ വന്ന നടന്‍ ഗണേഷ് കുമാറിന്റെ സെക്രട്ടറി പ്രദീപിനെ കാസര്‍കോട് പോലീസ് അറസ്റ്റ് ചെയ്തിരുന്നു. പ്രദീപ് പിന്നീട് ജാമ്യത്തില്‍ ഇറങ്ങി. പ്രദീപില്‍ നിന്ന് കാര്യമായ തെളിവ് പോലീസിന് കിട്ടിയില്ല എന്നാണ് വിവരം.

യുഡിഎഫിലേക്ക് അവര്‍ വെറുതെ വന്നതല്ല... സീറ്റ് ചോദിക്കാന്‍ ബിജെഎസ്, കുഞ്ഞാലിക്കുട്ടിക്ക് പാളി?

2017 ഫെബ്രുവരി 17നാണ് തൃശൂരില്‍ നിന്ന് കൊച്ചിയിലേക്കുള്ള യാത്രയ്ക്കിടെ നടി ആക്രമിക്കപ്പെട്ടത്. പള്‍സര്‍ സുനി ഉള്‍പ്പെടെയുള്ള ക്വട്ടേഷന്‍ സംഘങ്ങള്‍ ആദ്യം അറസ്റ്റിലായ കേസില്‍ പിന്നീടാണ് ദിലീപിന്റെ പേര് ഉയര്‍ന്നുകേട്ടത്. ദിലീപ് നല്‍കിയ ക്വട്ടേഷനാണിത് എന്നാണ് പോലീസ് കണ്ടെത്തല്‍. ദിലീപിനെ അറസ്റ്റ് ചെയ്തു. മൂന്ന് മാസത്തോളം ജയിലില്‍ കഴിഞ്ഞ ശേഷമാണ് ജാമ്യം ലഭിച്ചത്. സാക്ഷികളെ സ്വാധീനിക്കരുത് എന്ന നിബന്ധനയിലായിരുന്നു ജാമ്യം. വിചാരണക്കിടെ കേസിലെ മൂന്ന് സാക്ഷികള്‍ കൂറുമാറിയിരുന്നു. ഈ പശ്ചാത്തലത്തില്‍ കൂടിയാണ് പ്രോസിക്യൂഷന്‍ ദിലീപിനെതിരെ വിചാരണ കോടതിയെ സമീപിച്ചത്.

ലാലേട്ടന് പോലും സീറ്റില്ല; ടിനി ടോമിന് പൊങ്കാല... കസേര പോട്ടെ, ഒരു നട്ടെല്ല് മേടിക്കാന്‍ നോക്ക്

മുകേഷ് പഠിച്ചുപറയും; ഗണേഷ് മിടുക്കന്‍... ദേവന്‍ കാര്യം കഷ്ടം... സിനിമാക്കാരുടെ രാഷ്ട്രീയത്തില്‍ പിസി ജോര്‍ജ്

English summary
Actress Attack Case: trial court postponed the verdict on prosecution plea against Dileep
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X