കൊവിഡ് വ്യാപനം; തിങ്കളാഴ്ച മുതല് രാത്രികാല കര്ഫ്യു, നിയന്ത്രണങ്ങള് കടുപ്പിച്ച് കേരളം
തിരുവനന്തപുരം: സംസ്ഥാനത്ത് കൊവിഡ് വ്യാപനം രൂക്ഷമായ സാഹചര്യത്തില് തിങ്കളാഴ്ച മുതല് രാത്രികാല കര്ഫ്യു നടപ്പിലാക്കുമെന്ന് മുഖ്യമന്ത്രി പിണറായി വിജയന് അറിയിച്ചു. രാത്രി പത്ത് മണി മുതല് രാവിലെ ഏഴ് മണി വരെയാണ് നിയന്ത്രണമെന്ന് മുഖ്യമന്ത്രി അറിയിച്ചു.
കൊവിഡ് അവലോകനത്തിന് ശേഷം നടത്തിയ വാര്ത്താസമ്മേളനത്തിലാണ് മുഖ്യമന്ത്രി ഇക്കാര്യം അറിയിച്ചത്. കൊവിഡ് കേസുകള് ഉയര്ന്ന കേരളത്തിലും മഹാരാഷ്ട്രയിലും രാത്രികാല കര്ഫ്യു നടപ്പാക്കണമെന്ന നിര്ദ്ദേശം കേന്ദ്ര സര്ക്കാര് മുന്നോട്ടുവച്ചിരുന്നു.ഇതിന് പിന്നാലെയാ്ണ് സര്ക്കാരിന്റെ തീരുമാനം.
'ഐശ്വര്യ റായി അല്ലേ'.. ഞെട്ടിച്ച് ബിഗ് ബോസ് താരം സൂര്യ.. ഫോട്ടോകൾ വൈറൽ
സംസ്ഥാനത്ത് രോഗ വ്യാപനം ഉയരുന്ന സാഹചര്യം കണക്കിലെടുത്ത് പ്രതിവാര രോഗബാധ - ജന സംഖ്യാ അനുപാതം ഏഴില് കൂടുതലുള്ള പ്രദേശങ്ങളില് ലോക്ക് ഡൌണ് ഏര്പ്പെടുത്താന് തീരുമാനിച്ചെന്നും മുഖ്യമന്ത്രി അറിയിച്ചു. ഇതോടൊപ്പം മറ്റ് സുപ്രധാന നടപടികളും കൊവിഡ് പ്രതിരോധത്തിനായി സര്ക്കാര് മുന്നോട്ടുവച്ചിട്ടുണ്ട്.
അതില് പ്രധാനപ്പെട്ട ഒന്നാണ്, അനുബന്ധ രോഗങ്ങളുള്ളവര്ക്കും പ്രായം കൂടിയവര്ക്കും കോവിഡ് ബാധിച്ചാല് അതിവേഗം ചികിത്സ ലഭ്യമാക്കാന് നടപടിയെടുക്കും. അവര്ക്ക് ഏറ്റവും മികച്ച ചികിത്സ ലഭ്യമാക്കുന്നതിന് ഊന്നല് നല്കുമെന്നും മുഖ്യമന്ത്രി അറിയിച്ചു.അനുബന്ധ രോഗമുള്ളവര് ആശുപത്രിയിലെത്തുന്നില്ലെങ്കില് രോഗം അതിവേഗം വഷളാകാനും മരണം സംഭവിക്കാനും സാധ്യത വളരെ കൂടുതലാണ്. അത് ഒഴിവാക്കാനുള്ള എല്ലാ ഇടപെടലുമുണ്ടാകും. അനുബന്ധ രോഗികളുടെ കാര്യത്തില് ആദ്യത്തെ ദിവസങ്ങള് വളരെ നിര്ണായകമാണ്. ആശുപത്രിയില് എത്തിക്കാന് വൈകി പോയാല് ഗുരുതരമാകുന്ന അവസ്ഥയിലേക്ക് നീങ്ങി പോകുന്ന സ്ഥിതി പലകേസുകളിലും ഉണ്ടെന്നും മുഖ്യമന്ത്രി പറയുന്നു.
Recommended Video
സംസ്ഥാനത്തെ ഇപ്പോഴത്തെ സാഹചര്യവും അതിന്റെ സവിഷേതകളും വിലയിരുത്തി മുന്നോട്ടു പോകാനുള്ള തന്ത്രം ആവിഷ്കരിക്കാന് ഈ രംഗത്തെ വിദഗ്ധരെ പങ്കെടുപ്പിച്ചു യോഗം ചേരുമെന്നും മുഖ്യമന്ത്രി അറിയിച്ചു. എല്ലാ മെഡിക്കല് കോളേജുകളിലെയും കോവിഡ് ചികിത്സാനുഭവമുള്ള പ്രധാന ഡോക്ടര്മാര്, ചികിത്സാ പരിചയം ഉള്ള സ്വകാര്യ ആശുപത്രി ഡോക്ടര്മാര്, രാജ്യത്തെ പ്രമുഖ വൈറോളജിസ്റ്റുകള്, ആരോഗ്യ വിദഗ്ദ്ധര് എന്നിവരെ ആ യോഗത്തില് പങ്കെടുപ്പിക്കും. ഈ യോഗം സെപ്തംബര് ഒന്നിന് ചേരുമെന്നാണ് മുഖ്യമന്ത്രി അറിയിച്ചത്.
തദ്ദേശ സ്വയം സ്ഥാപനങ്ങളിലെ പ്രസിഡന്റ്, സെക്രട്ടറിമാരുടെ യോഗവും ഇതിന് ശേഷം സെപ്തംബര് മൂന്നിന് ചേരും. ആരോഗ്യ മന്ത്രിക്ക് പുറമെ റവന്യു, തദ്ദേശ സ്വയംഭരണ വകുപ്പ് മന്ത്രിമാരും ഈ യോഗത്തില് പങ്കെടുക്കും. ഓരോ തദ്ദേശസ്ഥാപനത്തിന്റെ കയ്യിലും വാക്സിന് നല്കിയതിന്റെ കണക്ക് വേണം എന്നും അത് വിലയിരുത്തി കുറവ് പരിഹരിക്കണം എന്നും നിര്ദേശം നല്കിയിട്ടുണ്ട്.
കോവിഡ് പ്രതിരോധ പ്രവര്ത്തനങ്ങള് ഏകോപിപ്പിക്കുന്നതിന് മുതിര്ന്ന ഐ പി എസ് ഓഫീസര്മാരെ ജില്ലകളിലേയ്ക്ക് പ്രത്യേകമായി നിയോഗിച്ചു. ഈ ഓഫീസര്മാര് തിങ്കളാഴ്ച ചുമതല ഏറ്റെടുക്കും. എല്ലാ ജില്ലകളിലും അഡീഷണല് എസ് പിമാര് കോവിഡ് നിയന്ത്രണങ്ങളുടെ ജില്ലാതല നോഡല് ഓഫീസര്മാരായിരിക്കും. ഇവര് ജില്ലകളിലെ വിവിധ സ്ഥലങ്ങള് സന്ദര്ശിച്ച് കോവിഡ് പ്രതിരോധപ്രവര്ത്തനങ്ങള് വിലയിരുത്തും.
വ്യാപാര സ്ഥാപനങ്ങളുടെ ഉടമസ്ഥരുടേയും റെസിഡന്സ് അസോസിയേഷന് ഭാരവാഹികളുടേയും യോഗം സ്റ്റേഷന് ഹൗസ് ഓഫീസര്മാര് ഓണത്തിനു മുന്പ് വിളിച്ചു കൂട്ടിയിരുന്നു. ഇത്തരം യോഗങ്ങള് വീണ്ടും ചേരാന് നിര്ദ്ദേശിച്ചിട്ടുണ്ട്. കടകളില് എത്തുന്നവരും ജീവനക്കാരും കോവിഡ് മാനദണ്ഡങ്ങള് കൃത്യമായി പാലിക്കുന്നുവെന്ന് ഉറപ്പാക്കാനാണ് കടയുടമകളുടെ യോഗം ചേരുന്നത്. വാക്സിന് എടുക്കാത്തവര് വളരെ അടിയന്തിര സാഹചര്യങ്ങളില് മാത്രമേ പുറത്തിറങ്ങുന്നുള്ളൂവെന്ന് ഉറപ്പാക്കാനാണ് റെസിഡന്സ് അസോസിയേഷന് ഭാരവാഹികളുടെ യോഗം ചേരുന്നതെന്ന് മുഖ്യമന്ത്രി വാർത്താ സമ്മേളനത്തിൽ വ്യക്തമാക്കി.
Click it and Unblock the Notifications
Sign in with Google