കെപിസിസിയിൽ ഭിന്നത രൂക്ഷം; രാഷ്ട്രീയകാര്യസമിതിയിൽ മുല്ലപ്പള്ളിക്കെതിരെ പൊട്ടിത്തെറിച്ച് നേതാക്കൾ!
തിരുവനന്തപുരം: കെപിസിസിയിൽ ഭിന്നത രൂക്ഷമെന്ന് വിമർശനം. രാഷ്ട്രീയകാര്യസമിതിയുടെ യോഗത്തില് നേതാക്കളാണ് വിമർശനം ഉന്നയിച്ചത്. കെപിസിസി രാഷ്ട്രീയകാര്യസമിതിയില് പാര്ട്ടി അധ്യക്ഷന് മുല്ലപ്പള്ളി രാമചന്ദ്രനെതിരെ അതിരൂക്ഷവിമര്ശനമാണ് യോഗത്തിൽ ഉയർന്നതെന്ന് ഏഷ്യാനെറ്റ് ന്യൂസ് റിപ്പോർട്ട് ചെയ്യുന്നു. കെപിസിസി നേതൃത്വത്തില് ഐക്യമില്ലെന്നും നേതാക്കള് തമ്മില് അഭിപ്രായസമന്വയമുണ്ടാക്കാന് കെപിസിസി അധ്യക്ഷന് സധിക്കുന്നില്ലെന്നും രാഷ്ട്രീകാര്യസമിതി യോഗത്തിൽ ഉയർന്നു.
നേതാക്കള് വ്യത്യസ്ത അഭിപ്രായം പറയുകയാണെന്നും പല വിഷയങ്ങളിലും പാര്ട്ടിയില് അഭിപ്രായ ഐക്യമില്ലെന്ന് നേതാക്കൾ വിമർശനം ഉന്നയിച്ചു. കെപിസിസി അധ്യക്ഷന് കൂടിയാലോചനകള് നടത്താറില്ലെന്ന് കെ സുധാകരന് എംപി വിമര്ശനം ഉന്നയിച്ചു.
മുല്ലപ്പള്ളിയുടെ പ്രവര്ത്തനശൈലിയെ വിമര്ശിച്ച വിഎം സുധീരന് സര്വ്വപ്രതാപിയായിരുന്ന കെ കരുണാകരന് പോലും കൂടിയാലോചനകള് നടത്തിയാണ് പാര്ട്ടിയെ മുന്നോട്ട് കൊണ്ടു പോയിരുന്നതെന്ന് ഓര്മ്മിപ്പിച്ചു. പാര്ട്ടിയെ നയിക്കുന്നതിലും നിര്ണായക വിഷയങ്ങളില് തീരുമാനമെടുക്കേണ്ടപ്പോഴും നേതാക്കള് എന്തു കൊണ്ട് കൂടിയാലോചനകൾ നടത്തുന്നില്ലെന്ന് വിഡി സതീശൻ ചോദിച്ചു.
പാര്ട്ടിയിലും നേതാക്കള്ക്കിടയിലും സമവായമുണ്ടാക്കേണ്ട ഉത്തരവാദിത്തം കെപിസിസി അധ്യക്ഷനാണെന്നും ആ ഉത്തരവാദിത്തം മുല്ലപ്പള്ളി നിർവ്വഹക്കുന്നില്ലെന്നും വിഡി സതീശൻ തുറന്നടിച്ചു. പാര്ട്ടിയെ തുലയ്ക്കാനാണോ ശ്രമമെന്ന് സതീഷൻ ചോദിച്ചതായും ഏഷ്യാനെറ്റ് റിപ്പോർട്ട് ചെയ്യുന്നു. സിഎജി റിപ്പോര്ട്ടിലുണ്ടായ വിവാദങ്ങളില് രണ്ട് തരത്തിലുള്ള അന്വേഷണം നേതാക്കള് ആവശ്യപ്പെട്ടത് ഈ അഭിപ്രായഭിന്നതയുടെ പരസ്യ ഉദാഹരണമായി നേതാക്കൾ ചൂണ്ടിക്കാട്ടി. പൗരത്വ ഭേദഗതി, പള്ളി തർക്കം എന്നീ വിഷയങ്ങളിലെ ഇടപെടലിലൂടെ ന്യൂനപക്ഷങ്ങള്ക്കിടയില് സിപിഎം സ്വാധീനം വര്ധിപ്പിക്കുന്നുണ്ടെന്നും ഇതു ഗൗരവമായി കണ്ട് പ്രതിരോധിക്കാനുള്ള നടപടികള് സ്വീകരിക്കണമെന്നും രാഷ്ട്രീയകാര്യസമിതിയില് നേതാക്കള് ആവശ്യപ്പെട്ടു.