സിപിഎം ജനങ്ങളെ കൊലയ്ക്ക് കൊടുക്കുകയാണെന്ന് സുരേന്ദ്രൻ;വേലി തന്നെ വിളവ് തിന്നുന്നുവെന്ന് ഉമ്മൻചാണ്ടി
തിരുവനന്തപുരം; സിപിഎം സമ്മേളനങ്ങൾ നടക്കുന്ന ജില്ലകളെ കൊവിഡ് മാനദണ്ഡങ്ങളിൽ നിന്നൊഴിവാക്കി ജനങ്ങളെ കൊലയ്ക്ക് കൊടുക്കുകയാണ് സിപിഎമ്മെന്ന് ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ. പ്രഖ്യാപിച്ച കൊവിഡ് നിയന്ത്രണങ്ങൾ കാസർഗോഡ് കലക്ടർക്ക് 3 മണിക്കൂറിനിടെ പിൻവലിക്കേണ്ടി വന്നതിന് പിന്നിൽ ആരോഗ്യമന്ത്രിയുടെ ഇടപെടലാണ്. സിപിഎമ്മിന്റെ സമ്മേളനം വിജയിപ്പിക്കാൻ ജനങ്ങളുടെ ജീവൻ വെച്ച് പന്താടുകയാണ് സംസ്ഥാന സർക്കാരും ജില്ലാ ഭരണകൂടവുമെന്നും സുരേന്ദ്രൻ പറഞ്ഞു.
ഭരണകക്ഷിയായ സിപിഎം ജനങ്ങളോടുള്ള ഉത്തരവാദിത്വം നിറവേറ്റി സമ്മേളനങ്ങൾ മാറ്റിവെക്കുന്നതിന് പകരം തറ രാഷ്ട്രീയം കളിക്കുകയാണ്. മറ്റ് രാഷ്ട്രീയ പാർട്ടികളെല്ലാം പൊതുപരിപാടികൾ മാറ്റിവെച്ചപ്പോൾ നാടിന്റെ രക്ഷയേക്കാൾ ഞങ്ങൾക്ക് വലുത് പാർട്ടി സമ്മേളനങ്ങളാണെന്നാണ് സിപിഎം പറയുന്നത്. ടെസ്റ്റ് പൊസിറ്റിവ് നിരക്ക് 40 ശതമാനം കടന്നിട്ടും സിപിഎമ്മിന് സമ്മേളനം നടത്താനുള്ള അവസരം ഒരുക്കുന്ന സർക്കാർ ജനങ്ങളുടെ ക്ഷമ പരീക്ഷിക്കുകയാണ്. മന്ത്രിമാർ ഉൾപ്പെടെയുള്ള ജനപ്രതിനിധികളടങ്ങിയ നൂറുകണക്കിന് പേർ മൂന്ന് ദിവസം ശീതികരിച്ച ഹാളിൽ സമ്മേളനങ്ങളിൽ പങ്കെടുത്തതു കൊണ്ടാണ് തിരുവനന്തപുരത്ത് കൊവിഡ് വ്യാപനമുണ്ടായത്. ആരോഗ്യമേഖല പൂർണമായും അവതാളത്തിലായിരിക്കുകയാണ്.
മരുന്നും മറ്റ് അവശ്യ സാധനങ്ങളും സർക്കാർ ആശുപത്രികളിലില്ല. വേലി തന്നെ വിളവ് തിന്നുമ്പോൾ ക്വോറന്റയിൻ എന്നത് കേരളത്തിൽ അപ്രസക്തമായിരിക്കുകയാണ്. മൂന്നാം തരംഗത്തെ നേരിടുന്നതിൽ മുമ്പത്തെ പോലെ സർക്കാർ സമ്പൂർണ്ണ പരാജയമായിരിക്കുകയാണെന്നും സുരേന്ദ്രൻ കൂട്ടിച്ചേർത്തു.
അതേസമയം വേലി തന്നെ വിളവ് തിന്നുകയാണെന്ന് മുൻ മുഖ്യമന്ത്രി ഉമ്മൻചാണ്ടി കുറ്റപ്പെടുത്തി. കോവിഡ് നിയന്ത്രണങ്ങള് പാടേ ലംഘിച്ച് സിപിഎം ജില്ലകള് തോറും നടത്തിവരുന്ന പാര്ട്ടി സമ്മേളനങ്ങളാണ് ഭയാനകമായ രീതിയിലുള്ള കോവിഡ് വ്യാപനത്തിന് ഇടയാക്കുന്നത്. പാര്ട്ടി സമ്മേളന വേദികളില്നിന്ന് ഉന്നതര്ക്കുപോലും കോവിഡ് ബാധിച്ചിട്ടും അടച്ചിട്ടമുറികളില് നിശ്ചിത പരിധിക്കപ്പുറം ആളുകളെ പങ്കെടുപ്പിച്ചു നടത്തുന്ന സമ്മേളനങ്ങള് എന്തു സന്ദേശമാണ് സമൂഹത്തിന് നല്കുന്നതെന്ന് ഉമ്മൻചാണ്ടി ചോദിച്ചു.
യു.ഡി.എഫ്. ഉള്പ്പെടെയുള്ള പാര്ട്ടികള് ജനുവരി 31 വരെയുള്ള എല്ലാ പരിപാടികളും ദിവസങ്ങള്ക്ക് മുമ്പേ റദ്ദാക്കി. മത, സാംസ്കാരിക സംഘടനകളെല്ലാം നിയന്ത്രണം ഏര്പ്പെടുത്തി. എന്നാല് സാമൂഹ്യ വ്യാപനം തടയാനും നിശ്ചിത എണ്ണത്തിന് അപ്പുറമുള്ള കൂട്ടായ്മകള് നിയന്ത്രിക്കാനും ഗവണ്മെന്റിനു യാതൊരു ആത്മാര്ത്ഥതയും ഇല്ലെന്ന ധാരണയാണ് ഇപ്പോള് ഉണ്ടായിരിക്കുന്നത്.
അടുത്ത മൂന്നാഴ്ച കോവിഡ്/ ഒമിക്രോണ് വ്യാപനം അതീവ ഗുരുതരമാകുമെന്ന് ആരോഗ്യവകുപ്പ് മുന്നിറിയിപ്പ് നല്കിയെങ്കിലും അതിന് അനുസൃതമായ ജാഗ്രതാ നടപടികളോ, ഭരണ നടപടികളോ ഉണ്ടായില്ല. ഇതു സംബന്ധിച്ച് ചില നിര്ദേശങ്ങള് മുന്നോട്ടുവയ്ക്കുന്നു.
ഒന്നും രണ്ടും ഘട്ടങ്ങളുടെ കോവിഡ് വ്യാപന കാലത്ത് സ്തുത്യര്ഹമായ സേവനം അനുഷ്ടിച്ച 'വോളണ്ടിയര് ബ്രിഗേഡുകള്' സംവിധാനം അടിയന്തരമായി പുന:സ്ഥാപിക്കണം. രോഗികള് വീടുകളില് കഴിയാന് നിര്ബന്ധിതമാകുന്നതോടെ വീട്ടില് എല്ലാവരും രോഗബാധിതരാകുന്ന സ്ഥിതിവിശേഷം തടയാന് എല്ലാ പഞ്ചായത്തിലും നഗരസഭകളിലും ഫസ്റ്റ് ലൈന് ട്രീറ്റ്മെന്റ് സെന്റര് പുന:സ്ഥാപിക്കണം. വീടുകളില് തന്നെ നില്ക്കുവാന് ആഗ്രഹിക്കുന്ന രോഗികള്ക്കു അതിന് അവസരം കൊടുക്കണം.
Recommended Video
മരുന്നിനും കോവിഡ് രോഗവും ആയി ബന്ധപ്പെട്ട ആവശ്യങ്ങള്ക്കും വേണ്ടിവരുന്ന തുക സര്ക്കാര് അടിയന്തരമായി അനുവദിക്കണം. കോവിഡ് ഒന്നും രണ്ടും ഘട്ടങ്ങളില് വളരെ സഹായകമായിരുന്ന ആയിരത്തോളം പി.ജി. വിദ്യാര്തഥികളുടെ സേവനം ഇപ്പോള് ലഭ്യമല്ല. ഈ കുറവ് നികത്താന് എം.ബി.ബി.എസ്. പാസ്സായവരെ അടിയന്തരമായി നിയോഗിക്കണം.
ആരോഗ്യ രംഗത്തെ ജീവനക്കാരെ പ്രതിനിധികരീക്കുന്ന സംഘടനകളുമായും ഐ.എം.എ. ഉള്പ്പെടെയുള്ള സംഘടനകളുമായും ഗവണ്മെന്റ് ആശയവിനിമയം നടത്തണം. സ്വകാര്യമേഖലയെ കൂടതല് വിശ്വാസത്തിലെടുക്കണം.
കോവിഡ് ബാധിക്കുന്ന ആരോഗ്യ പ്രവര്ത്തകരുടെ ചികിത്സയ്ക്ക് സഹായം സര്ക്കാര് ഉറപ്പ് വരുത്തണം. കോവിഡിന്റെ മൂന്നാം വരവ് ചിലരില് വളരെയേറെ മാനസിക പ്രശ്നങ്ങള് ഉണ്ടാക്കുന്നതിനാല് അവര്ക്ക് കൗണ്സിലിന് സൗകര്യം ഏര്പ്പെടുത്തണം.
വിദേശത്തു നിന്നും വരുന്നവരില് രണ്ട് കുത്തിവയ്പുകള് നടത്തുകയും വരുന്ന രാജ്യത്തും ഇവിടെയും ആര്.ടി.പി.സി.ആര്. നെഗറ്റീവ് ആകുകയും രോഗലക്ഷണം ഇല്ലാതിരിക്കുകയും ചെയ്താല് ക്വാറന്റീന് ഒഴിവാക്കുന്ന കാര്യം പരിഗണിക്കണം.
രണ്ട് വര്ഷമായി സാമ്പത്തിക പ്രതിസന്ധി നേരിടുന്ന ചെറുകിട ഇടത്തരം സ്ഥാപനങ്ങള്ക്ക് സാമ്പത്തിക പാക്കേജ് പ്രഖ്യാപിക്കണം. ഇതിന് കേന്ദ്ര ഗവണ്മെന്റ് സഹായം കൂടി ലഭ്യമാക്കണം.
കോവിഡ് സംബന്ധിച്ച വിവരങ്ങള് വ്യത്യസ്ഥ സ്ഥിതിയില് വരുന്നത് ജനങ്ങളില് ആശയക്കുഴപ്പം ഉണ്ടാക്കുന്നതിനാല് കമ്മ്യൂണിക്കേഷന് സ്ട്രാറ്റജി ഉണ്ടാക്കണമെന്നും ഉമ്മൻചാണ്ടി പറഞ്ഞു. .
Click it and Unblock the Notifications
Sign in with Google