Click it and Unblock the Notifications
Just In
Don't Miss
-
ശരീരത്തിലെ വിഷാംശം നീക്കുന്ന കരള്; കരുത്തുറ്റ കരളിന് വേണം ഈ സൂപ്പര്ഫുഡ് -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട് -
ഇവർ വരുന്നതോടെ ക്രെറ്റയുടെ വിൽപ്പന തീരും? സെഗ്മെന്റ് പിടിക്കാൻ ടാറ്റയും സിട്രണും -
ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി -
ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
ഇനി സിപിഎമ്മിന്റെ നിരാഹാര സമരം
തിരുവനന്തപുരം: സോളാര്‍ കേസിലെ സെക്രട്ടേറിയറ്റ് ഉപരോധവും ക്ലിഫ് ഹൗസ് ഉപരോധവും പിന്‍വലിച്ച സിപിഎം പുതിയ സമര തന്ത്രവുമായി രംഗത്തിറങ്ങുന്നു. വിലക്കയറ്റത്തില്‍ പ്രതിഷേധിച്ച് നിരാഹാര സമരങ്ങള്‍ക്കാണ് സിപിഎം ഒരുങ്ങുന്നത്. മുന്നണിയിലെ കക്ഷികളെ കൂട്ടാതെ ഒറ്റക്കായിരിക്കും ഇത്തവണ സിപിഎമ്മിന്റെ സമരം.
പാചകവാതക വിലവര്‍ദ്ധന, സബ്‌സിഡിക്ക് ആധാര്‍ കാര്‍ഡ് ബന്ധിപ്പിക്കല്‍ എന്നിവക്കെതിരെയാണ് സിപിഎമ്മിന്റെ സമരം. ജനുവരി 15 മുതല്‍ നിരാഹാര സമരം തുടരുമെന്ന് സിപിഎം സംസ്ഥാന സെക്രട്ടറി പിണറായി വിജയന് വാര്‍ത്താ സമ്മേളനത്തില്‍ അറിയിച്ചു.
എല്ലാ നിയോജക മണ്ഡലങ്ങളിലും സമരം നടത്തും. ഒരു മണ്ഡലത്തില്‍ ചുരുങ്ങിയത് 10 കേന്ദ്രങ്ങളില്‍ സമരം നടത്താനാണ് ഉദ്ദേശിക്കുന്നതെന്ന് പിണറായി വിജയന് പറഞ്ഞു. സംസ്ഥാനത്താകമാനം 1500 സ്ഥലങ്ങളിലായിരിക്കും നിരാഹാര സമരം അരങ്ങേറുക. എത്ര ദിവസത്തേക്ക് സമരം എന്ന കാര്യം തീരുമാനിച്ചിട്ടില്ലെന്നും പിണറായി പറഞ്ഞു.
പാചകവാതകവിഷയത്തില്‍ മുഖ്യമന്ത്രി ജനങ്ങളെ കബളിപ്പിക്കുയായിരുന്നുവെന്ന് പിണറായി ആരോപിച്ചു. ചെന്നിത്തല മന്ത്രിയായതുകൊണ്ട് കോണ്ഗ്രസിലെ പ്രശ്‌നങ്ങള്‍ അവസാനിക്കില്ലെന്നും അദ്ദേഹം പറഞ്ഞു.
സോളാര്‍ കേസില്‍ സിപിഎം സമരങ്ങള്‍ അവസാനിപ്പിച്ചെങ്കിലും സരിതയുടെ അമ്മയുടെ വെളിപ്പെടുത്തല്‍ പിണറായി വിജയന് പരാമര്‍ശിച്ചു. വെളിപ്പെടുത്തല്‍ വളരെ ഗൗരവമുളളതാണെന്നായിരുന്നു പിണറായി പറഞ്ഞത്.
