ദിലീപ് 3 തവണ പണം നല്കിയതിന് തെളിവില്ല; മുകേഷിന്റെ മൊഴിയില് അവ്യക്തത, വെറുതെവിട്ടത് ഇങ്ങനെ
കൊച്ചി: നടി ആക്രമിക്കപ്പെട്ട കേസില് ദിലീപിനെ കോടതി വെറുതെവിട്ടത് എന്തുകൊണ്ട് എന്ന കാര്യത്തില് കൂടുതല് വിവരങ്ങള് പുറത്ത്. പ്രോസിക്യൂഷന് ദിലീപിനെതിരെ ഹാജരാക്കിയ തെളിവുകള് അപര്യാപ്തമായിരുന്നു എന്നാണ് കോടതിയുടെ കണ്ടെത്തല്. ചില സാക്ഷികളെ വിശ്വാസത്തിലെടുക്കാനും കോടതി തയ്യാറായില്ല.
നടിയെ ആക്രമിക്കുന്ന വേളയില് പള്സര് സുനി പറഞ്ഞ സ്ത്രീയെ കുറിച്ച് വിശദമായ അന്വേഷണം നടന്നില്ലെന്നത് കോടതി ഉത്തരവില് ചൂണ്ടിക്കാട്ടുന്നു. സുനി ജയിലില് നിന്ന് അയച്ച കത്താണ് ദിലീപിനെ കേസില് പ്രതിയാക്കാന് കാരണം. പള്സര് സുനിക്ക് ദിലീപ് പണം നല്കിയെന്ന് തെളിയിക്കാന് പ്രോസിക്യൂഷന് സാധിച്ചില്ലെന്ന് കോടതി വിധിയില് പറയുന്നു.
നടി ആക്രമിക്കപ്പെട്ട കേസില് ആദ്യം കുറ്റപത്രം സമര്പ്പിക്കുമ്പോള് ഏഴ് പ്രതികളാണുണ്ടായിരുന്നത്. കൃത്യത്തില് പങ്കെടുത്ത ആറ് പേരും ഇവരെ രക്ഷപ്പെടാന് സഹായിച്ച ഒരാളും. പിന്നീടാണ് ദിലീപും പള്സര് സുനിയും നടത്തിയ ഗൂഢാലോചനയാണ് എന്ന് പോലീസ് ആരോപിച്ചതും ദിലീപിനെ അറസ്റ്റ് ചെയ്തതും. എന്നാല് ദിലീപിനെതിരെ ഗൂഢാലോചന കുറ്റം തെളിയിക്കാന് പ്രോസിക്യൂഷന് സാധിച്ചില്ല എന്ന് കോടതി വിലയിരുത്തി.
ദിലീപും പള്സര് സുനിയും ബന്ധമുണ്ട് എന്ന് തെളിയിക്കാന് സാധിട്ടില്ല. ദിലീപ് പള്സര് സുനിക്ക് മൂന്ന് തവണ പണം നല്കി എന്ന വാദത്തിനും തെളിവില്ല. പള്സര് സുനിയുടെ അമ്മയുടെ അക്കൗണ്ടിലെത്തിയ പണം ദിലീപ് നല്കിയതാണ് എന്ന് തെളിയിക്കാനും സാധിച്ചില്ല. നാദിര്ഷ പള്സര് സുനിക്ക് പണം നല്കിയതും തെളിയിക്കാന് പ്രോസിക്യൂഷന് സാധിച്ചില്ലെന്ന് കോടതി വിധിയില് പറയുന്നു.
മുകേഷിന്റെ മൊഴിയില് വ്യക്തത ഇല്ല
2015 നവംബര് ഒന്നിന് തൃശൂരിലെ ഒരു ഹോട്ടലിന് മുന്നില് വച്ച് ദിലീപ് പള്സര് സുനിയെ കണ്ടിരുന്നു. ഈ വേളയില് 10000 രൂപ നല്കി. തൊട്ടടുത്ത ദിവസം ഒരു ലക്ഷം നല്കി. ഈ തുക സുനി അമ്മയുടെ അക്കൗണ്ടില് ഇട്ടു. 2016 സെപ്തംബര് 26ന് ദിലീപിന്റെ സുഹൃത്ത് നാദിര്ഷ തൊടുപുഴയില് വച്ച് 30000 രൂപ സുനിക്ക് നല്കി- ഇതായിരുന്നു പ്രോസിക്യൂഷന് വാദങ്ങള്.
സുനിയുടെ അമ്മയുടെ അക്കൗണ്ടിലേക്ക് പണം വന്നിട്ടുണ്ടെങ്കിലും അത് ദിലീപ് നല്കിയതാണ് എന്ന് തെളിയിക്കാന് സാധിച്ചില്ലെന്ന് കോടതി കണ്ടെത്തി. മറ്റു വാദങ്ങള്ക്ക് തെളിവ് നല്കാനും പ്രോസിക്യൂഷന് സാധിച്ചില്ല. ദിലീപിന് നടിയോട് വിരോധമുണ്ട് എന്ന് തെളിയിക്കാനും പ്രോസിക്യൂഷന് സാധിച്ചില്ലെന്ന് കോടതി വിലയിരുത്തി. ദിലീപ് ഗൂഢാലോചന നടത്തിയതിന് തെളിവില്ലെന്നും കോടതി വ്യക്തമാക്കി.
ദിലീപ് പള്സര് സുനിയെ കണ്ടിട്ടുണ്ട് എന്ന് തെളിയിക്കാന് മുകേഷ് ഉള്പ്പെടെ നല്കിയ മൊഴികളാണ് പ്രോസിക്യൂഷന് കോടതിയില് ചൂണ്ടിക്കാട്ടിയത്. മുകേഷിന്റെ ഡ്രൈവര് ആയിരുന്നു പള്സര് സുനി. സിനിമാ സെറ്റില് പള്സര് സുനി ദിവസവും വന്ന് പോകുകയാണ് ചെയ്തത് എന്ന് മുകേഷ് മൊഴി നല്കി. മറ്റു കാര്യങ്ങള് ഓര്മയില്ല എന്നും മുകേഷ് മൊഴി നല്കി. മൊഴിയിലെ അവ്യക്തത പ്രോസിക്യൂഷന് തിരിച്ചടിയായി. ലക്ഷ്യയില് പള്സര് സുനി പോയതിന് ഹാജരാക്കിയ തെളിവ് പര്യാപതമല്ലെന്നും കോടതി വിലയിരുത്തി. എന്നാല് തെളിവുകള് പര്യാപ്തമാണെന്നും അവ മേല്ക്കോടതിയില് ഹാജരാക്കുമെന്നുമാണ് പ്രോസിക്യൂഷന് പറയുന്നത്.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google