ആസൂത്രിതമായ പ്രചാരണം, എല്ലാത്തിനും പിന്നില് അയാളാണെന്ന് സംശയിക്കുന്നു; മറുപടിയുമായി കമല്
തിരുവനന്തപുരം: പ്രമുഖ സംവിധായകനും ചലച്ചിത്ര അക്കാദമി ചെയര്മാനുമായ കമലിന് എതിരെ കഴിഞ്ഞ ദിവസം മലയാള വാര്ത്താ ചാനലായ ജനം ടിവി ബലാത്സംഗ ആരോപണം പുറത്തുവിട്ടിരുന്നു. നടി അയച്ച വക്കീല് നോട്ടീസിന്റെ പകര്പ്പ് തെളിവാക്കിയാണ് ചാനല് വാര്ത്ത പുറത്തുവിട്ടത്. ഒരു വര്ഷം മുമ്പ് നടന്ന സംഭവത്തെ തുടര്ന്നാണ് വാര്ത്ത. ഇക്കാര്യം ചാനലും വ്യക്തമാക്കിയിരുന്നു.
പ്രണയമീനുകളുടെ കടല് എന്ന സിനിമയില് നായികയാക്കാം എന്ന് വാഗ്ദാനം ചെയ്തു പീഡിപ്പിച്ചു എന്നാണ് ആരോപണം. ഒരു വര്ഷം മുമ്പാണ് മോഡലും നടിയും ആയ യുവതിയ്ക്ക് വേണ്ടി അഭിഭാഷകന് വക്കീല് നോട്ടീസ് അയച്ചത് എന്നാണ് ജനം ടിവി റിപ്പോര്ട്ടില് പറയുന്നത്. എന്നാല് ഇപ്പോഴിതാ ഈ വാര്ത്തയില് പ്രതികരിച്ച് രംഗത്തെത്തിയിരിക്കുകയാണ് സംവിധായകന് കമല്. ടൈംസ് ഓഫ് ഇന്ത്യയ്ക്ക് നല്കിയ അഭിമുഖത്തിലാണ് കമല് വിശദീകരണം നല്കിയിരിക്കുന്നത്. ഇപ്പോള് ഉന്നയിക്കുന്ന ആരോപണം അടിസ്ഥാനരഹിതമാണെന്നും തനിക്കെതിരായ ആസൂത്രിത പ്രചാരണമാണെന്നും കമല് പറയുന്നു. വിശദാംശങ്ങളിലേക്ക്.
ഒരു വര്ഷം മുമ്പ്
ഇതുമായി ബന്ധപ്പെട്ട് ഒരു വര്ഷം മുമ്പ് തനിക്ക് ഒരു നിയമപരമായ അറിയിപ്പ് ലഭിച്ചിരുന്നു എന്നത് സത്യമാണ്. അന്ന് ഞാന് എന്റെ അഭിഭാഷകുമായി സംസാരിച്ചു. ഇത് തെറ്റായ ആരോപണമായതിനാല് എതിര്കക്ഷികള് അടുത്ത നടപടികളിലേക്ക് കടക്കുന്നതുവരെ കാത്തിരിക്കണമെന്ന്് അദ്ദേഹം പറഞ്ഞു. എന്നാല് അന്ന് പിന്നെ ഒരു നടപടി അവരുടെ ഭാഗത്ത് നിന്നുണ്ടായില്ല. അതുകൊണ്ട് ഞാന് അക്കാര്യം അവഗണിച്ചു- അഭിമുഖത്തില് കമല് പറഞ്ഞു.
പിന്നില് അയാള്
തനിക്കെതിരെ ഇപ്പോള് നടക്കുന്ന ആസൂത്രിതമായ പ്രചരണമാണെന്നാണ് ഞാന് കരുതുന്നത്. ചലച്ചിത്ര അക്കാദമിയില് മുമ്പ് ജോലി ചെയ്തിരുന്ന ജീവനക്കാരനാണ് ഇതിന് പിന്നില് പ്രവര്ത്തിച്ചതെന്നാണ് ഞാന് കരുതുന്നത്. അയാള്ക്ക് അഭ്യന്തര പ്രശ്നത്തെ തുടര്ന്ന് ജോലി രാജിവയ്ക്കേണ്ടി വന്നിരുന്നു. ഒരു വര്ഷം മുമ്പ് ഈ നോട്ടീസ് വന്നത് എന്റെ വക്കീലിനും പിന്നെ ഇയാള്ക്കും മാത്രമാണ് അറിയാവുന്നത്. എന്നാലും അദ്ദേഹമാണ് ഇതിന് പിന്നിലെന്ന് വ്യക്തമാക്കാന് എന്റെ കൈയില് ഇപ്പോള് തെളിവൊന്നുമില്ലെന്നും കമല് പറഞ്ഞു.
ചാനലില് വന്ന പ്രതികരണം
തന്റെ പേരില് ചാനലില് വന്ന പ്രതികരണം തെറ്റിദ്ധാരണ പരത്തുന്ന ഒന്നാണെന്നും കമല് പ്രതികരിച്ചു. ഈ ആരോപണവുമായി ബന്ധപ്പെട്ട ചോദ്യമല്ല ചാനലുകാര്േ തന്നോട് ചോദിച്ചത്. ചിത്രത്തിന്റെ പ്രതിഫലവുമായി ബന്ധപ്പെട്ട് നിര്മ്മാതാവുമായി ചെറിയ പ്രശ്നമുണ്ടായിരുന്നു. അത് പിന്നീട് പരിഹരിക്കുകയും ചെയ്തിരുന്നു. പ്രതിഫലവുമായി ബന്ധപ്പെട്ടപ്രശ്നങ്ങള് അവസാനിച്ചോ എന്നായിരുന്നു റിപ്പോര്ട്ടര് തന്നോട് ചോദിച്ചത്. അതിനുള്ള മറുപടിയാണ് ഞാന് പറഞ്ഞത്.
എന്റെ മതം
അതേസമയം, തന്റെ മതം കാരണമാണ് ആ ചാനല് തന്നെ ആക്രമിക്കുന്നതെന്ന് തോന്നിയിട്ടുണ്ട്. അവര് എന്നെ കമലുദ്ദീന് മുഹമ്മദ് മജീദ് എന്നാണ് വിളിക്കുന്നത്. മലയാള സിനിമയ്ക്ക് കമാലുദ്ദീനില്ല. കമലിനെ മ്ത്രമേ അറിയൂ. എന്തുകൊണ്ടാണ് നടി ഒരു കേസ് പോലും ഫൈല് ചെയ്യാത്തത്? എന്തുകൊണ്ടാണ് നടി സോഷ്യല് മീഡിയയില് ഒരു പോസ്റ്റ് പോലുമിടാത്തത്. എന്റെ സിനിമയിലേക്ക് കഥാപാത്രങ്ങളെ തിരഞ്ഞെടുക്കുന്നത് കാസ്റ്റിംഗ് ടീമിലൂടെയും അസോസിയേറ്റ്സിലൂടെയുമാണ്- കമല് പറഞ്ഞു.
കേസ്
ഈ ആരോപണം കോടതിയിലെത്താതെ പുറത്ത് നിന്ന് ഒത്തുതീര്പ്പാക്കിയെന്നാണ് ചാനല് പറയുന്നത്. എന്നാത് അത് തെറ്റാണ്. ഇതുമായി ബന്ധപ്പെട്ട് ചാനലിനെതിരെയും ഉത്തരവാദിത്തപ്പെട്ടവര്ക്കെതിരെയും മാനനഷ്ടത്തിന് കേസ് കൊടുക്കാന് ആലോചിക്കുന്നുണ്ടെന്നും കമല് പറഞ്ഞു.
പ്രണയമീനുകളുടെ കടല്
2019 ഒക്ടോബര് 4 ന് ആണ് കമല് സംവിധാനം ചെയ്ത പ്രണയമീനുകളുടെ കടല് എന്ന സിനിമ റിലീസ് ചെയ്യുന്നത്. വിനായകനും ദിലീഷ് പോത്തനും ആയിരുന്നു പ്രധാന താരങ്ങള്. ഗബ്രി ജോസ്, റിദ്ധി കുമാര് ജോ ജോണ് ചാക്കോ എന്നിവരും ഈ സിനിമയില് വേഷമിട്ടിട്ടുണ്ട്. ഈ സിനിമയില് നായികാവേഷം വാഗ്ദാനം ചെയ്ത് കമല് പീഡിപ്പിച്ചു എന്നാണ് യുവനടിയുടെ പരാതിയില് പറയുന്നത്.
-
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി
Click it and Unblock the Notifications
Sign in with Google