എല്ലാ വിഭാഗം ജനങ്ങളിലേക്കും ഇറങ്ങിച്ചെല്ലുന്നതാണ് നല്ല ഭരണം; ജനങ്ങളോടു മാത്രമാണ് ബാധ്യതയെന്ന് വിഎസ്
തിരുവനന്തപുരം: ജനാധിപത്യ ഭരണ സംവിധാനത്തില് ജനങ്ങള് തെരഞ്ഞെടുക്കുന്ന സര്ക്കാരിന് ജനങ്ങളോടു മാത്രമാണ് ബാധ്യതയെന്ന് ഭരണപരിഷ്കാര കമ്മീഷന് ചെയര്മാന് വിഎസ് അച്യുതാനന്ദന്. എല്ലാ വിഭാഗം ജനങ്ങളിലേക്കും ഇറങ്ങിച്ചെല്ലുന്നതാണ് നല്ല ഭരണമെന്നും അദ്ദേഹം പറഞ്ഞു. തുല്യനീതി ലഭിക്കാതിരിക്കുമ്പോളാണ് ചില വിഭാഗം ജനങ്ങള് പാര്ശ്വവത്കരിക്കപ്പെടുന്നത്.
സ്ത്രീകള്, കുട്ടികള് അംഗപരിമിതര്, ആദിവാസികള്, ഭിന്നലിംഗക്കാര് എന്നിങ്ങനെ പാര്ശ്വവത്കരിക്കപ്പെട്ട വിഭാഗങ്ങളെ മുഖ്യധാരയിലെത്തിക്കാന് സര്ക്കാരുകള് വിവിധ പദ്ധതികള് ആവിഷ്കരിച്ചു വരുന്നുണ്ടെന്നും അദ്ദേഹം പറഞ്ഞു. ഭരണപരിഷ്കാര കമ്മീഷന് തിരുവനന്തപുരത്ത് സംഘടിപ്പിച്ച സ്ത്രീകളുടെയും കുട്ടികളുടെയും പ്രശ്നങ്ങള് സംബന്ധിച്ച പബ്ലിക് ഹിയറിംഗ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സ്ത്രീകളുടെയും കുട്ടികളുടെയും പ്രശ്നങ്ങളാണ് തിരുവനന്തപുരത്തെ പബ്ലിക് ഹിയറിങ്ങില് ചര്ച്ചയ്ക്കെത്തിയത്.
കമ്മീഷന് അംഗവും മുന് ചീഫ് സെക്രട്ടറിയുമായ സിപി നായര്, ഭരണ പരിഷ്കാര കമ്മീഷന് മെമ്പര് സെക്രട്ടറി ഷീല തോമസ് തുടങ്ങിയവര് സംബന്ധിച്ചു.പദ്ധതികള് അര്ഹരായവരില് എത്തുന്നുണ്ടോ എന്നതാണ് പ്രശ്നം. നിലവിലുള്ള ഭരണ സംവിധാനം കാലാകാലങ്ങളില് വിലയിരുത്തുകയും വരുത്തേണ്ട മാറ്റങ്ങള് നിര്ദേശിക്കുകയും ചെയ്യുകയാണ് ഭരണപരിഷ്കാര കമ്മീഷനുകള് ചെയ്യുന്നതെന്നും വിഎസ് അച്യുതാനന്ദൻ വ്യക്തമാക്കി.
Click it and Unblock the Notifications
Sign in with Google