ലോക്ക് ഡൗണ്കാലത്തും ഓപ്പറേഷന് സാഗര് റാണി, പിടിച്ചെടുത്തത് 8056 കിലോഗ്രാം പഴകിയ മത്സ്യം
തിരുവനന്തപുരം: ലോക്ക് ഡൗണ് പ്രഖ്യാപിച്ചതോടെ സംസ്ഥാനത്തെ മത്സ്യ മാര്ക്കറ്റില് പഴകിയ മത്സ്യങ്ങള് വ്യാപകമായി എത്തുന്നുവെന്ന് നേരത്തെ റിപ്പോര്ട്ടുണ്ടായിരുന്നു. നേരത്തെ തന്നെ പൂഴ്ത്തിവച്ച മത്സ്യങ്ങള് ലോക്ക് ഡൗണ്കാലത്ത് ഇരട്ടിവിലയ്ക്ക് വില്ക്കാന് വേണ്ടിയാണ് മിക്കയാളുകളും ഇത് ചെയ്യുന്നത്. എന്നാല് സംസ്ഥാനത്തെ ഫിഷറീസ് വകുപ്പിന്റെ നേതൃത്വത്തില് നടത്തിയ പരിശോധനയില് വ്യാപകമായി പഴയ മത്സ്യം കണ്ടെത്തി നശിപ്പിച്ചു.
തമിഴ്നാട് ഫിഷറീസ് വകുപ്പ് വളമായി മാറ്റിവെച്ച 8056 കിലോഗ്രാം ഭക്ഷ്യയോഗ്യമല്ലാത്ത മല്സ്യം തിരുവനന്തപുരം ജില്ലയിലെ ഭക്ഷ്യസുരക്ഷാ വകുപ്പിന്റെ സ്പെഷ്യല് സ്ക്വാഡ് പിടികൂടിയത്. മലപ്പുറം, കോഴിക്കോട്, ജില്ലകളിലേക്ക് വില്പ്പനക്കായി കൊണ്ടുവരുന്നതാണ് ഇവയെന്ന് ആരോഗ്യമന്ത്രി കെകെ ശൈലജ അറിയിച്ചു
മത്സ്യങ്ങളില് വിവിധതരം രാസവസ്തുക്കള് ചേര്ത്ത് വില്പ്പന നടത്തുന്ന പ്രവണത തടയുക എന്ന ലക്ഷ്യത്തോടെ ഈ സര്ക്കാര് ആവിഷ്ക്കരിച്ച ഓപ്പറേഷന് സാഗര്റാണിയുടെ ഭാഗമായി നടന്ന പരിശോധനകളില് ഉപയോഗ ശൂന്യമായ 15,641 കിലോഗ്രാം മത്സ്യമാണ് ഇന്ന് പിടികൂടി നശിപ്പിച്ചത്. സംസ്ഥാനത്താകെ 216 കേന്ദ്രങ്ങളിലാണ് ഇന്ന് മാത്രം പരിശോധന നടത്തിയത്. 15 സ്ഥാപനങ്ങള്ക്ക് നോട്ടീസ് നല്കുകയും, ചെയ്തു. ലോക് ഡൗണിന്റെ പശ്ചാത്തലത്തില് മത്സ്യങ്ങളില് മായം ചേര്ക്കുന്നുണ്ടെന്ന വിവരത്തെ തുടര്ന്നാണ് ഓപ്പറേഷന് സാഗര് റാണി ശക്തിപ്പെടുത്തിയത്.
ഓപ്പറേഷന് സാഗര് റാണിയുടെ ഭാഗമായി കഴിഞ്ഞ ദിവസങ്ങളില് നടന്ന പരിശോധനകളില് ഉപയോഗ ശൂന്യമായ 2865 കിലോഗ്രാം മത്സ്യം പിടികൂടി നശിപ്പിച്ചു. കന്യാകുമാരി തേങ്ങാപ്പട്ടണത്ത് നിന്നും കൊല്ലം ജില്ലയിലെ നീണ്ടകര, കല്ലുംതാഴം ഭാഗങ്ങളില് വില്പ്പനക്ക് കൊണ്ടുവന്ന 9005 കിലോഗ്രാം ഭക്ഷ്യയോഗ്യമല്ലാത്ത ചൂര, കേര വിഭാഗത്തില്പ്പെടുന്ന മത്സ്യം കൊല്ലം ജില്ലയിലെ ഭക്ഷ്യസുരക്ഷാ വകുപ്പിന്റെ സ്പെഷ്യല് സ്ക്വാഡ് പിടികൂടിയത്.
Click it and Unblock the Notifications
Sign in with Google