തമിഴ്നാട്ടിൽ ഹിന്ദി അടിച്ചേൽപ്പിക്കാൻ അനുവദിക്കില്ല: നിലപാട് വ്യക്തമാക്കി സംസ്ഥാന ബിജെപി
ചെന്നൈ: ഹിന്ദി വിഷയത്തില് പാർട്ടി കേന്ദ്ര നേതൃത്വത്തിന് വിരുദ്ധമായ നിലപാട് സ്വീകരിച്ച് തമിഴ്നാട് ബിജെപി ഘടകം. തമിഴ്നാട്ടിൽ ഹിന്ദി അടിച്ചേൽപ്പിക്കാൻ പാർട്ടിയുടെ സംസ്ഥാന ഘടകം അനുവദിക്കില്ലെന്ന് തമിഴ്നാട് ബി ജെ പി സംസ്ഥാന അധ്യക്ഷന് കെ അണ്ണാമലൈ. ഹിന്ദി പഠിക്കണമെന്ന കേന്ദ്ര ആഭ്യന്തര മന്ത്രി അമിത് ഷായുടെ പരാമർശം രാജ്യത്തുടനീളം വ്യാപകമായ പ്രതികരണങ്ങൾക്ക് കാരണമായതിന് തൊട്ടുപിന്നാലെയാണ് സംസ്ഥാന അധ്യക്ഷന്റെ പ്രസ്താവന.
"നമുക്ക് ജോലി, വിദ്യാഭ്യാസം അല്ലെങ്കിൽ മറ്റ് ആവശ്യങ്ങൾക്ക് വേണമെങ്കില് ഹിന്ദി പഠിക്കാം, പക്ഷേ അത് അടിച്ചേൽപ്പിക്കാൻ കഴിയില്ല. ഞാനടക്കം ഇവിടെയുള്ള ഞങ്ങളാരും ഹിന്ദി സംസാരിക്കില്ല. നമ്മൾ ഇന്ത്യക്കാരാണെന്ന് തെളിയിക്കാൻ ഒരു ഭാഷ പഠിക്കേണ്ട സാഹചര്യം ഇവിടെയില്ല."- ചൊവ്വാഴ്ച ചെന്നൈയിലെ സംസ്ഥാന പാർട്ടി ആസ്ഥാനത്ത് നടത്തിയ വാർത്താ സമ്മേളനത്തിൽ അണ്ണാമലൈ പറഞ്ഞു.
40 വർഷത്തിലേറെയായി കോൺഗ്രസ് ഹിന്ദി ഭാഷാ പ്രശ്നത്തെ രാഷ്ട്രീയവൽക്കരിച്ചുവെന്നും എന്നാൽ ഹിന്ദി പ്രധാന ഭാഷയാക്കിയ ദേശീയ വിദ്യാഭ്യാസ നയത്തിന്റെ കരട് പ്രധാനമന്ത്രി നരേന്ദ്ര മോദി അംഗീകരിച്ചില്ലെന്നും അണ്ണാമലൈ അവകാശപ്പെട്ടു. ഹിന്ദി ഐച്ഛിക ഭാഷയാക്കിയ അന്തിമ റിപ്പോർട്ട് മന്ത്രിസഭ പരിശോധിച്ചതിന് ശേഷമാണ് പ്രധാനമന്ത്രി അനുമതി നല്കിയതെന്നും അദ്ദേഹം കൂട്ടിച്ചേർത്തു. "തമിഴ് ഇന്ത്യയുടെ ലിങ്ക് ലാംഗ്വേജായി മാറുകയാണെങ്കിൽ, അത് നമുക്കെല്ലാവർക്കും വലിയ അഭിമാനമായിരിക്കും, എന്നാൽ നമ്മള് അതിനുള്ള ശ്രമങ്ങൾ നടത്തിയിട്ടുണ്ടോ''- തമിഴ് ലിങ്ക് ഭാഷ ആകണമെന്ന സംഗീതജ്ഞൻ എആർ റഹ്മാന്റെ പരാമർശത്തോട് പ്രതികരിച്ചുകൊണ്ട് മുൻ ഐ പി എസ് ഓഫീസർ കൂടിയായ ബി ജെ പി സംസ്ഥാന അധ്യക്ഷന് ചോദിച്ചു.
തമിഴിനെ ലിങ്ക് ഭാഷയാക്കാൻ, തമിഴ്നാട് മുഖ്യമന്ത്രി എംകെ സ്റ്റാലിൻ ആദ്യം മറ്റെല്ലാ സംസ്ഥാനങ്ങളിലെയും മുഖ്യമന്ത്രിമാർക്ക് കത്തെഴുതണം, അതാത് സംസ്ഥാനങ്ങളിലെ കുറഞ്ഞത് 10 സ്കൂളുകളിലെങ്കിലും പൂർണ്ണമായും തമിഴിൽ പഠിപ്പിക്കണമെന്നും ആവശ്യപ്പെടണമെന്നും ബി ജെ പി നേതാവ് പറഞ്ഞു. കൂടാതെ, ഈ പരിശീലനത്തിനുള്ള മുഴുവൻ ചെലവും സംസ്ഥാന സർക്കാർ വഹിക്കുമെന്ന് അവർക്ക് ഉറപ്പ് നൽകണമെന്നും അദ്ദേഹം കൂട്ടിച്ചേർത്തു.
അതേസമയം അമിത് ഷായുടെ പ്രസ്താവന തള്ളി സ്റ്റാലിന് കഴിഞ്ഞ ദിവസം രംഗത്ത് എത്തിയിരുന്നു. ആഭ്യന്തര മന്ത്രി ഇംഗ്ലീഷിന് പകരം ഹിന്ദിയില് സംസാരിക്കാന് പറയുന്നു, ഇത് ഇന്ത്യയുടെ ഐക്യത്തെ വ്രണപ്പെടുത്തുന്നു. ഹിന്ദി സംസാരിക്കുന്ന സംസ്ഥാനങ്ങള് മാത്രം മതിയെന്ന് ആഭ്യന്തരമന്ത്രി കരുതുന്നുണ്ടോ? എന്നായിരുന്നു സ്റ്റാലിന്റെ ചോദ്യം.
-
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
‘ഒന്ന് മാറിത്തന്നൂടെ...’- ഇനി അപരന്മാർക്ക് ഡിമാന്റുള്ള രണ്ടുനാൾ -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000
Click it and Unblock the Notifications
Sign in with Google