ഇന്ത്യ-ഓസ്ട്രേലിയ ഉച്ചകോടി ഇന്ന്: ഇന്ത്യയില് 1,500 കോടി രൂപയുടെ നിക്ഷേപം പ്രഖ്യാപിച്ചേക്കും
പ്രധാനമന്ത്രി മോദിയും ഓസ്ട്രേലിയൻ പ്രധാനമന്ത്രി സ്കോട്ട് മോറിസണും തമ്മിലുള്ള കൂടിക്കാഴ്ചയ്ക്ക് പിന്നാലെ ഇന്ത്യ-ഓസ്ട്രേലിയ ഉഭയകക്ഷി ഉച്ചകോടി ഇന്ന് ഉച്ചയോടെ നടക്കും. ഉച്ചകോടിയില് ഇന്ത്യയിൽ ഒന്നിലധികം മേഖലകളിലായി 1,500 കോടി രൂപയുടെ നിക്ഷേപം ഓസ്ട്രേലിയ പ്രഖ്യാപിക്കും. ഇത് ഇന്ത്യയിൽ ഓസ്ട്രേലിയൻ സർക്കാർ നടത്തുന്ന എക്കാലത്തെയും വലിയ നിക്ഷേപമായിരിക്കുമെന്നാണ് ദേശീയ മാധ്യമങ്ങള് റിപ്പോർട്ട് ചെയ്യുന്നത്.
ഇന്ത്യയും ഓസ്ട്രേലിയയും നിർണായക ധാതുക്കളുടെ മേഖലയിൽ ഒരു ധാരണാപത്രം (എംഒയു) ഒപ്പുവെക്കും, ഇത് ഓസ്ട്രേലിയയിൽ നിന്ന് മെറ്റാലിക് കൽക്കരി, ലിഥിയം എന്നിവ സ്വന്തമാക്കുന്നതിന് ഇന്ത്യയെ സഹായിക്കുകയും പ്രവേശനം വർദ്ധിപ്പിക്കുകയും ചെയ്യും. "ഇന്ത്യ-ഓസ്ട്രേലിയ വ്യാപാര കരാർ ഈ മാസം അവസാനത്തോടെ തീരുമാനത്തിലേക്ക് എത്തിക്കും," സ്രോതസ്സുകളെ ഉദ്ധരിച്ച് വാർത്താ ഏജൻസിയായ എ എന് ഐ റിപ്പോർട്ട് ചെയ്യുന്നു.
ഈ കൂടിക്കാഴ്ചയ്ക്ക് മുമ്പ്, 2021 സെപ്റ്റംബർ 23 ന് യുഎസ് പ്രസിഡന്റ് ജോ ബൈഡൻ ആതിഥേയത്വം വഹിക്കുന്ന ആദ്യ വ്യക്തിഗത ക്വാഡ് മീറ്റിംഗ് സമയത്ത് പ്രധാനമന്ത്രി നരേന്ദ്ര മോദി ഓസ്ട്രേലിയൻ പ്രധാനമന്ത്രിയുമായി കൂടിക്കാഴ്ച നടത്തിയിരുന്നു. ശനിയാഴ്ച നടന്ന ഇന്ത്യ-ജപ്പാൻ ഉച്ചകോടി യോഗത്തിൽ മന്ത്രി നരേന്ദ്ര മോദി കഴിഞ്ഞ വാർഷിക ഉച്ചകോടി മുതലുള്ള സംഭവവികാസങ്ങൾ അവലോകനം ചെയ്യുകയും സഹകരണത്തിന്റെ വിശാലമായ മേഖലകൾ ചർച്ച ചെയ്യുകയും ചെയ്തിരുന്നു.
ഇന്ത്യയും ജപ്പാനും തമ്മിലുള്ള പ്രത്യേക തന്ത്രപരവും ആഗോളവുമായ പങ്കാളിത്തം വീണ്ടും ഉറപ്പിച്ചുകൊണ്ട്, രാജ്യങ്ങളുടെ പരമാധികാരത്തെയും പ്രാദേശിക സമഗ്രതയെയും ബഹുമാനിക്കുന്ന നിയമാധിഷ്ഠിത ക്രമത്തിന്റെ അടിസ്ഥാനത്തിൽ സമാധാനപരവും സുസ്ഥിരവും സമൃദ്ധവുമായ ഒരു ലോകത്തിനായി ഇരു രാജ്യങ്ങളും ഒരുമിച്ച് പ്രവർത്തിക്കുന്നുണ്ടെന്നും പ്രധാനമന്ത്രിമാർ പറഞ്ഞു. ഭീഷണിയോ ബലപ്രയോഗമോ ഏകപക്ഷീയമായി സ്ഥിതിഗതികൾ മാറ്റാനുള്ള ശ്രമമോ ചെയ്യാതെ അന്താരാഷ്ട്ര നിയമങ്ങൾക്കനുസൃതമായി തർക്കങ്ങൾ സമാധാനപരമായി പരിഹരിക്കാൻ എല്ലാ രാജ്യങ്ങളും ശ്രമിക്കേണ്ടതിന്റെ ആവശ്യകത അവർ ഊന്നിപ്പറഞ്ഞിരുന്നു.
വർഷങ്ങളായി ഇന്ത്യയുടെ സാമൂഹിക-സാമ്പത്തിക വികസനത്തിന് ജപ്പാന്റെ പിന്തുണയെ പ്രധാനമന്ത്രി മോദി അഭിനന്ദിച്ചു. ജപ്പാൻ മൊത്തത്തിൽ 300 ബില്യൺ യെൻ (20,400 കോടിയിലധികം) നൽകുന്ന ഏഴ് യെൻ വായ്പാ പദ്ധതികളുമായി ബന്ധപ്പെട്ട ലോണുകള നല്കുന്നതിനേയും അദ്ദേഹം സ്വാഗതം ചെയ്തു. പ്രത്യേക തന്ത്രപരവും ആഗോളവുമായ പങ്കാളിത്തത്തിലേക്ക് ബന്ധം ഉയർത്തിയതുമുതൽ, സാമ്പത്തിക സഹകരണത്തിൽ ഗണ്യമായ വളർച്ചയുണ്ടായതായി പ്രധാനമന്ത്രിമാർ പറഞ്ഞു. 2014ൽ പ്രഖ്യാപിച്ച ജെപിവൈ 3.5 ട്രില്യൺ എന്ന നിക്ഷേപ ലക്ഷ്യം കൈവരിച്ചതായിട്ടാണ് അവർ അവകാശപ്പെട്ടത്.
Click it and Unblock the Notifications
Sign in with Google