പ്രിയ വര്ഗീസിന്റെ അസോസിയേറ്റ് പ്രൊഫസര് നിയമനം ഹൈക്കോടതി തടഞ്ഞു
കൊച്ചി: പ്രിയ വര്ഗീസിന്റെ നിയമനം ഹൈക്കോടതി സ്റ്റേ ചെയ്തു. കണ്ണൂര് സര്വ്വകലാശാലയിലെ അസോസിയേറ്റ് പ്രൊഫസര് തസ്തികയിലേക്കുള്ള നിയമനം ആണ് ഹൈക്കോടതി സ്റ്റേ ചെയ്തത്.
പ്രിയയെ പട്ടികയില് നിന്നൊഴിവാക്കണമെന്ന് ആവശ്യപ്പെട്ട് പട്ടികയില് രണ്ടാം സ്ഥാനത്തുള്ള ഡോ. ജോസഫ് സ്കറിയയാണ് ഹൈക്കോടതിയില് ഹര്ജി നല്കിയത്. ഈ ഹര്ജി പരിഗണിച്ച കോടതി നിയമത്തിന് മേലുള്ള തുടര്നടപടികള് എല്ലാം നിര്ത്തിവയ്ക്കാന് ഉത്തരവിട്ടു.
പ്രിയ വര്ഗീസിനെ ഒഴിവാക്കി റാങ്ക് പട്ടിക പുനക്രമീകരിക്കണം. സര്വകാലാശാലയില് അനധികൃതമായി നിയമനം നേടിയെടുക്കുകയാണ്. അസോസിയേറ്റ് പ്രൊഫസര് നിയമനപട്ടികയില് നിന്നും അവരെ ഒഴിവാക്കണമെന്നുമാണ് ഹര്ജിയില് ആവശ്യപ്പെട്ടിരുന്നത്.
ഹർജിയിൽ കഴമ്പുണ്ടെന്ന് നിരീക്ഷിച്ച കോടതി, കേസിൽ യുജിസിയെ കക്ഷി ചേർക്കാനും ഉത്തരവിട്ടു. പ്രിയ വർഗീസിനെ നിയമിച്ച നടപടി സർവകലാശാല ചാൻസലർ കൂടിയായ ഗവർണർ മരവിപ്പിച്ചിരുന്നു.പ്രിയ വർഗ്ഗീസിനെ കണ്ണൂർ സർവ്വകലാശാലയിൽ അസി.പ്രൊഫസറായി നിയമിച്ചത് രാഷ്ട്രീയ താത്പര്യത്തോടെയാണെന്ന് ഗവർണർ ആരിഫ് ആരോപിച്ചിരുന്നു.
'എന്റെ പൊന്ന് എസ്തറെ...എന്നാ ഭംഗിയാന്നേ'; സ്റ്റൈലിഷ് ആയി എസ്തര്
അധ്യാപകന യോഗ്യതയില്ലാത്ത ആൾ നിയമനം നേടിയത് രാഷ്ട്രീയ നാടകം ആണെന്നും അതിനെ താൻ രാഷ്ട്രീയമായി തന്നെ നേരിടുമെന്നും ഗവർണർ വ്യക്തമാക്കിയിരുന്നു. ചാൻസലർ എന്ന നിലയിലെ തൻ്റെ തീരുമാനത്തിനെതിരെ കീഴുദ്യോഗസ്ഥനായ വിസി നിയമപരമായി നീങ്ങുന്നത് അച്ചടക്ക ലംഘനമാണോ എന്ന കാര്യം പരിശോധിക്കുമെന്നും ഗവർണർ പറഞ്ഞിരുന്നു.
Click it and Unblock the Notifications
Sign in with Google