ഒന്നുമുതല് ഒമ്പത് വരെ ക്ലാസുകളില് വര്ഷാന്ത്യ പരീക്ഷ ഉണ്ടാകില്ല; 11ാം ക്ലാസ് പരീക്ഷയില് തീരുമാനമായില്ല
തൃശൂര്; കൊവിഡിന്റെ പശ്ചാത്തലത്തില് കുട്ടികളുടെ ഒരു വര്ഷം നഷ്ടപ്പെടാതെ അടുത്ത ക്ലാസുകളിലേക്ക് പ്രവേശനം നടത്താനുള്ള നടപടികളുമായി മുന്നോട്ട് പോകുകയാണ് സംസ്ഥാനത്തെ വിദ്യാഭ്യാസ വകുപ്പ്. നിലവില് എട്ടാം ക്ലാസ് വരെയുള്ള എല്ലാ കുട്ടികളേയും ജയിപ്പിക്കുക എന്നത് ഒമ്പാതാം ക്ലാസില് കൂടി നടപ്പാക്കനാണ് വിദ്യാഭ്യാസ വകുപ്പ് ആലോചിക്കുന്നത്. ഒന്പത് വരെയുള്ള ക്ലാസുകളില് വര്ഷാവസാന പരീക്ഷ ഒഴിവാക്കും.വരുന്ന മാസങ്ങളില് സംസ്ഥാനത്തെ കൊവിഡ് വ്യാപനം കൂടുമെന്ന മുന്നറിയിപ്പ് കൂടി കണക്കിലെടുത്താണ് ഇങ്ങനൊരു തീരുമാനത്തിലെത്താന് വിദ്യഭ്യാസ് വകുപ്പ് ആലോചിക്കുന്നത്.
നിരന്തര മൂല്യ നിര്ണയം,പാദന്ത പരീക്ഷ എന്നിവയിലൂടെയാണ് സാധാരണ കുട്ടികളുടെ പഠനനിലവാരത്തെ അളക്കാന് സ്വീകരിച്ചു വന്ന മാര്ഗങ്ങള്. കൊവിഡിന്റെ പശ്ചാത്തലത്തില് ഈ അധ്യയന വര്ഷം സ്കൂളുകള് തുറക്കാന് സാധിക്കാത്തതിനാല് പാദാന്ത പരീക്ഷ സാധ്യമല്ല. ഓണ്ലൈന് സംവിധാനം വഴി പരീക്ഷകള് സംഘടിപ്പിക്കാന് പ്രായോഗിക തടസങ്ങള് ഏറെയാണ്. എന്നാല് അധ്യായന വര്ഷത്തിന്റെ തുടക്കം മുതല് നടന്നുവരുന്ന ഓണ്ലൈന് ക്ലാസുകളുടെ അടിസ്ഥാനത്തില് കുട്ടികളെ വിലയിരുത്തി നിരന്തര മൂല്യനിര്ണയം നടത്താനുള്ള നിര്ദേശമാണ് കുട്ടികളുടെ അടുത്ത ക്ലാസ് കയറ്റത്തിനുള്ള ഉപാധിയായി ഉയര്ന്നു വരുന്നത്.
സംസ്ഥാനത്തെ ഒന്നുമുതല് എഴുവരെ ക്ലാസുകളിലെ എല്ലാ കുട്ടികളുടേയും കൈവശം ഒന്നാം ടേമിലെ വര്ക്ക് ബുക്കുകള് എത്തിച്ചിരുന്നു. സമഗ്ര ശിക്ഷ അഭിയാന് വഴിയാണ് വര്ക്ക് ബുക്കുകള് എത്തിച്ചത്. അധ്യാപകര് ഇത് കുട്ടികളില് എത്തിച്ച് എഴുതി വാങ്ങിയിരുന്നു. ഇതുപോലുള്ള പ്രവര്ത്തനം വരും മാസങ്ങളില് ഒന്പത് വരെയുള്ള ക്ലാസുകളിലും നടത്താനാണ് ആലോചിക്കുന്നത്.
11ാം ക്ലാസില് സംസ്ഥാനത്ത് പൊതുപരീക്ഷയായതിനാല്, അതിന്റെ കാര്യത്തില് എന്തുചെയ്യണമെന്നത് കുറച്ചുകൂടി വിശദ്ദമായ ചര്ച്ചക്ക് ശേഷമേ തീരുമാനം ഉണ്ടാകു. ഹയര്സെക്കന്ററി രണ്ട് വര്ഷത്തെയും പരീക്ഷയുടെ മാര്ക്ക് പരിഗണിക്കുന്ന അപൂര്വ്വം സംസ്ഥാനങ്ങളില് ഒന്നാണ് കേരളം. സിബിഎസ്ഇയില് പന്ത്രണ്ടാം ക്ലാസിലെ പരീക്ഷയുടെ മാര്ക്കാണ് അന്തിമമായി എടുക്കുന്നത്. കൊവിഡിന്റെ പശ്ചാത്തലത്തില് ഈ വര്ഷം 11ാം ക്ലാസിലെ പരീക്ഷ ഒഴിവാക്കണോ എന്നത് നിയമവശം കൂടി പരിഗണിച്ച ശേഷമേ തീരുമാനിക്കാനാവു എന്ന നിലപാടിലാണ് വിദ്യഭ്യാസ വകുപ്പ്. വരുന്ന അധ്യായനവര്ഷം ജൂണില് തന്നെ സ്കൂള് തുറക്കാനായാല് അപ്പോള് പ്ലസ് വണ്ണിന്റെ പരീക്ഷ നടത്താനുള്ള സാധ്യതയും സര്ക്കാര് പരിഗണിക്കുന്നുണ്ട്.
Recommended Video
അധ്യയന വര്ഷം നഷ്ടപ്പെടാതെ വിദ്യാര്ഥി സൗഹൃദമായ നടപടികള് കൈക്കൊള്ളാനാണ് വിദ്യഭ്യാസ വകുപ്പിന് ലഭിച്ചിരിക്കുന്ന നിര്ദേശം. ഇത് സംബന്ധിച്ച് നയപരമായ തീരുമാനം സര്ക്കാരില് നിന്നും ഉണ്ടാകും.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google