മഴ: വരും ദിവസങ്ങളിലും മഴ തുടരും; എല്ലാ ജില്ലകളിലും അതീവജാഗ്രത പുലര്ത്തണമെന്ന് മുഖ്യമന്ത്രി
തിരുവനന്തപുരം: മഴ മുന്നറിയിപ്പുകള് നിലനില്ക്കുന്ന സാഹചര്യത്തിലും കഴിഞ്ഞ ദിവസങ്ങളില് അതിതീവ്ര മഴ ലഭിച്ചതിനാലും എല്ലാ ജില്ലകളിലും അതീവ ജാഗ്രത പുലര്ത്തണമെന്ന് മുഖ്യമന്ത്രി പിണറായി വിജയന് പറഞ്ഞു. വരും ദിവസങ്ങളിലും മഴ തുടരും. മുന്നറിയിപ്പുകള് പ്രാധാന്യത്തോടെ കാണണമെന്നും അദ്ദേഹം വ്യക്തമാക്കി.
അടുത്ത ആഴ്ചയോടെ ബംഗാള് ഉല്ക്കടലില് ന്യൂനമര്ദ രൂപീകരണ സാധ്യത റിപ്പോര്ട്ട് ചെയ്യപ്പെട്ട സാഹചര്യത്തില് വീണ്ടും മഴ ശക്തിപ്പെടാനുള്ള സാധ്യതയുണ്ട്. അതുകൂടി മുന്നില് കണ്ടുള്ള സജ്ജീകരണങ്ങളാണ് സംസ്ഥാനത്ത് സര്ക്കാര് സംവിധാനങ്ങള് ഒരുക്കുന്നത്.
അണക്കെട്ടുകളില് നിന്ന് വളരെ നിയന്ത്രിത അളവില് മാത്രമാണ് വെള്ളം ഒഴുക്കുന്നത്. ഇതോടൊപ്പം വനമേഖലയിലും മലയോരങ്ങളിലെയും ശക്തമായ മഴയില് എത്തുന്ന പെയ്ത്തുവെള്ളം കൂടി ആവുമ്പോള് ഒഴുക്ക് ശക്തിപ്പെടാനും ജലനിരപ്പ് ഉയരനും സാധ്യതയുണ്ട്. അതുകൊണ്ട് നദിക്കരയില് ഉള്ളവര് ജാഗ്രത പാലിക്കണം. ഡാമുകളിലെ ജലനിരപ്പ് നിരീക്ഷിക്കുന്ന റൂള് കര്വ് മോണിറ്ററിങ് കമ്മിറ്റി ഇന്ന് യോഗം ചേര്ന്ന് സ്ഥിതിഗതികള് വിലയിരുത്തിയിട്ടുണ്ട്.
സംസ്ഥാനത്ത് തുടരുന്ന കനത്ത മഴയുടെ പശ്ചാത്തലത്തില് ദേശിയ ദുരന്ത നിവാരണ സേനയുടെ 9 സംഘങ്ങളെ വിവിധ ഭാഗങ്ങളില് വിന്യസിച്ചതായി സംസ്ഥാന ദുരന്ത നിവാരണ അതോറിറ്റി അറിയിച്ചു. ആലപ്പുഴ, കോട്ടയം, മലപ്പുറം, വയനാട്, പത്തനംതിട്ട, ഇടുക്കി, കണ്ണൂര്, തൃശൂര് എറണാകുളം ജില്ലകളിലാണ് സേനയെ വിന്യസിച്ചിരിക്കുന്നത്. കൂടുതല് ടീമുകളെ ആവശ്യപ്പെട്ടിട്ടുമുണ്ട്.
ഇനി അവധിക്കാലം അമേരിക്കയിൽ: അടിപൊളി ചിത്രങ്ങളുമായി പൂജ ഹെഗ്ഡെ
ദേശീയ ദുരന്ത നിവാരണ അതോറിറ്റി , ഡിഫെന്സ് സര്വീസ സ് കോപ്സ് എന്നിവയുടെ രണ്ടു ടീമുകളെ വീതവും ആര്മി, നേവി, കോസ്റ്റ് ഗാര്ഡ് എന്നിവയുടെ ഓരോ ടീമിനെയും സജ്ജമാക്കിയിട്ടുണ്ട്.
മഴക്കെടുത്തിയോടനുബന്ധിച്ച് 20 മരണങ്ങളാണ് ഇതുവരെ സംഭവിച്ചിട്ടുള്ളത്. വിവിധ ജില്ലകളിലായി 212 ദുരിതാശ്വാസ ക്യാമ്പുകളാണ് സംസ്ഥാനത്തു പ്രവര്ത്തിച്ചു വരുന്നത്. 6285 ആള്ക്കാരാണ് പ്രസ്തുത ക്യാമ്പുകളില് താമസിച്ചു വരുന്നത്.
ചാലക്കുടിപ്പുഴയില് ജലനിരപ്പ് ഉയരുന്ന സാഹചര്യത്തില് ചാലക്കുടി പുഴയുടെ തീരത്തുള്ളവരെയും എറണാകുളം ജില്ലയില് ചാലക്കുടിപ്പുഴയുടെ തീരം ഉള്ക്കൊള്ളുന്ന പുത്തന്വേലിക്കര, കുന്നുകര, ചേന്ദമംഗലം, പാറക്കടവ് പഞ്ചായത്തുകളിലും ജാഗ്രതാ നിര്ദേശം നല്കിയിട്ടുണ്ട്. താഴ്ന്ന പ്രദേശങ്ങളില് താമസിക്കുന്നവരെയും ക്യാമ്പുകളിലേക്ക് മാറ്റിയിട്ടുണ്ടെന്ന് മുഖ്യമന്ത്രി പറഞ്ഞു.
അതേസമയം, ചാലക്കുടി പുഴയുടെ തീരത്തുള്ളവരെ സുരക്ഷിതമായി മാറ്റിപ്പാര്പ്പിക്കാന് തയാറെടുപ്പുകള് ആരംഭിച്ചിട്ടുണ്ടെന്ന് മന്ത്രി കെ രാജന് അറിയിച്ചു. തീരപ്രദേശത്തുള്ളവരുടെ വിലകൂടിയ രേഖകള് സീല്ചെയ്തു മാറ്റും. മൃഗസംരക്ഷണ വകുപ്പ് ഇടപെട്ട് ഫാമുകളിലുള്ള മൃഗങ്ങളെയടക്കം മാറ്റി താമസിപ്പക്കാനുള്ള സൗകര്യം ഒരുക്കും.
ഒഴിപ്പിക്കല് നടപടികള്ക്ക് ആവശ്യമെങ്കില് മത്സ്യത്തൊഴിലാളികളുടെ ബോട്ട് തയാറാക്കിനിര്ത്തും. വ്യോമ, നാവിക സേനകള് തയാറായി നില്ക്കുന്നുണ്ട്. ദേശീയ ദുരന്ത നിവാരണ സേനയും ഉണ്ട്. ജില്ലാ ഭരണകൂടവും തദ്ദേശ സ്വയംഭരണ സ്ഥാപനങ്ങളും നല്കുന്ന നിര്ദേശങ്ങള് കര്ശനമായി പാലിക്കണം. അനാവശ്യമായി അറിവില്ലാത്ത കാര്യങ്ങള് സമൂഹ മാധ്യമങ്ങളില് പ്രചരിപ്പിക്കരുത്. ഇതിനെതിരേ കര്ശന നടപടിയെടുക്കും.
ഇതിനിടെ, മഴക്കെടുതി മൂലം ജനജീവിതം ദുരിതത്തിലായ ഇരിങ്ങാലക്കുട മണ്ഡലത്തിലെ വിവിധ പ്രദേശങ്ങള് വിവിധ പ്രദേശങ്ങള് ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ . ആര് ബിന്ദു സന്ദര്ശിച്ചു. പുനരധിവാസം ഉറപ്പാക്കാന് വേണ്ട നിര്ദ്ദേശങ്ങള് നല്കി. പഞ്ചായത്ത് പ്രസിഡന്റുമാര്, ജനപ്രതിനിധികള്, റവന്യൂ ഉദ്യോഗസ്ഥര് തുടങ്ങിയവര് മന്ത്രിയെ അനുഗമിച്ചു.
അപ്പര് ഷോളയാര് അണക്കെട്ട് തുറന്നതിനാല് ചാലക്കുടി പുഴയില് വെള്ളം ഇനിയുമുയരാവുന്ന സാഹചര്യമുണ്ട്. കഴിഞ്ഞ വര്ഷങ്ങളിലെ പ്രളയം ഉണ്ടാക്കിയ ദുരന്തം മുന്കൂട്ടിക്കണ്ട് അതനുസരിച്ചുള്ള മാറ്റിപ്പാര്പ്പിക്കലുകള് വേണ്ടിവന്നേക്കുമെന്നും വേണ്ട നടപടി യുദ്ധകാലാടിസ്ഥാനത്തില് നീക്കണമെന്നും മന്ത്രി നിര്ദ്ദേശം നല്കി. അപകടസാധ്യതയുള്ള വീടുകള് സന്ദര്ശിച്ച മന്ത്രി, ഉദ്യോഗസ്ഥരുടെ നിര്ദ്ദേശങ്ങള്ക്കനുസരിച്ച് മാറിപ്പാര്ക്കാന് തയ്യാറെടുക്കാന് വീട്ടുകാരോട് അഭ്യര്ത്ഥിച്ചു.
കനത്ത മഴയിലെ കുത്തൊഴുക്കില് ഇല്ലിക്കല് റെഗുലേറ്ററില് വലിയ മരങ്ങള് വന്നടിഞ്ഞ് കരുവന്നൂര് പുഴയിലെ നീരൊഴുക്ക് തടസ്സപ്പെട്ടിരുന്നു. റെഗുലേറ്ററില് വന്നടിഞ്ഞ മരങ്ങള് നീക്കം ചെയ്യുന്ന പ്രവൃത്തി മന്ത്രി നേരില് സന്ദര്ശിച്ച് വിലയിരുത്തി.
ഷട്ടറിനു മുന്വശം വന്നടിഞ്ഞ മരങ്ങള് ഫയര്ഫോഴ്സും നാട്ടുകാരും ചേര്ന്നാണ് നീക്കം ചെയ്യുന്നത്. ജനപ്രതിനിധികളും ഉദ്യോഗസ്ഥരും നാട്ടുകാര്ക്കൊപ്പം പ്രവര്ത്തനങ്ങളില് സജീവമാണ്.
Click it and Unblock the Notifications
Sign in with Google