കേരളത്തില് വീണ്ടും മഴ? ന്യൂനമര്ദ്ദത്തിന് സാധ്യത, ചക്രവാതചുഴിയും രൂപപ്പെട്ടേക്കും
തിരുവനന്തപുരം: കേരളത്തിന് മഴ ഭീഷണി ഉയര്ത്തി വീണ്ടും ന്യൂന മര്ദ്ദത്തിന് സാധ്യത. ബംഗാള് ഉള്ക്കടലിലാണ് ന്യൂനമര്ദ്ദ സാധ്യത നിലവിലുള്ളത്. ജൂലായ് 16 ആകുമ്പോഴേക്കും പടിഞ്ഞാറന് ബംഗാള് ഉള്ക്കടലില് ചക്രവാതചുഴി രൂപപ്പെടാനും സാധ്യതയുണ്ട്. രണ്ട് മൂന്ന് ദിവസത്തിനുള്ളില് ഇത് ന്യൂനമര്ദ്ദമായി ശക്തിപ്രാപിക്കാന് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കുന്നു.
മുന്നറിയിപ്പിന്റെ പശ്ചാത്തലത്തില് ഇന്നും 18ാം തീയതിയും കേരളത്തിലെ വിവിധ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. അതേസമയം, അടുത്ത 3 മണിക്കൂറില് കേരളത്തിലെ പത്തനംതിട്ട, ഇടുക്കി, എറണാകുളം, പാലക്കാട്, കോഴിക്കോട്, കണ്ണൂര്, കാസര്ഗോഡ് ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
അതേസമയം, ഇന്ന് വടക്കന് കേരളം, കര്ണാടക, ലക്ഷദ്വീപ് തീരങ്ങളില് മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥക്കും സാധ്യതയുണ്ടെന്ന് കാലാവസ്ഥ നിരീക്ഷണ വകുപ്പ് അറിയിച്ചിട്ടുണ്ട്. ഈ സാഹചര്യത്തില് മത്സ്യബന്ധനത്തിന് പോകരുതെന്നും കേന്ദ്ര കാലാവസ്ഥാ വകുപ്പ് അറിയിച്ചു.
ഞായര് മുതല് ചൊവ്വ വരെയുള്ള ദിവസങ്ങളില് തെക്കന് തമിഴ്നാട് തീരം, ഗള്ഫ് ഓഫ് മന്നാര് അതിനോട് ചേര്ന്നുള്ള കോമോറിന് പ്രദേശം എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് 65 കിലോമീറ്റര് വരെ വേഗതയിലും ശക്തമായ കാറ്റിന് സാധ്യതയുണ്ട്.
ശ്രീലങ്കന് തീരത്തിന്റെ തെക്ക് പടിഞ്ഞാറന് ബംഗാള് ഉള്ക്കടല്, മധ്യ കിഴക്കന് അറബിക്കടല് എന്നിവിടങ്ങളിലും, ഞായറാഴ്ച ശ്രീലങ്കന് തീരത്തിന്റെ തെക്ക് പടിഞ്ഞാറന് ബംഗാള് ഉള്ക്കടല്, തെക്ക് കിഴക്കന് അതിനോട് ചേര്ന്നുള്ള മധ്യ ബംഗാള് ഉള്ക്കടല്, വടക്കന് ആന്ഡമാന് കടല് എന്നിവിടങ്ങളിലും, തിങ്കളാഴ്ച മധ്യ ബംഗാള് ഉള്ക്കടല് അതിനോട് ചേര്ന്നുള്ള തെക്ക് കിഴക്കന് ബംഗാള് ഉള്ക്കടല്, വടക്കന് ആന്ഡമാന് കടല് എന്നിവിടങ്ങളിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.
സംസ്ഥാനത്ത് വീണ്ടും പനി മരണം
സംസ്ഥാനത്ത് വീണ്ടും പനി മരണം റിപ്പോര്ട്ട് ചെയ്തു. കണ്ണൂര് പയ്യാവൂര് സ്വദേശിനിയായ അജീന ജെയിംസ് (23) ആണ് മരിച്ചത്. ഡെങ്കിപ്പനിയായിരുന്നു. കടുത്ത പനിയെ തുടര്ന്ന് പയ്യാവൂരിലെ ആശുപത്രിയിലേക്ക് കൊണ്ടു പോകും വഴിയാണ് മരണം സംഭവിച്ചത്. മൃതദേഹം പോസ്റ്റുമോര്ട്ടം നടപടികള്ക്കായി പരിയാരം മെഡിക്കല് കോളേജിലേക്ക് മാറ്റി.
Click it and Unblock the Notifications
Sign in with Google